|
يعني بالمشرمحي شو في ما في بالبلد؟
من زمان عم بفكر بهالسؤال: أنو شو هو الشي اللي ملو الناس منو وقرفو اللي خلئو؟ وشو هو الشي اللي مهما يتكرر ما بتمل منو؟
هلق ما حدا يئلي عامل فيلسوف وجايب حزيرات من المريخ، قصدي شو الحكي اللي بيطءء وواللي مالو طعمة وبتسمعو لأنك لازم تسمعو ومو على كيفك الشغلة؟ والله مو طالعة معي أفصح من هيك ولا تؤاخزوني الغربة اسرت على لغتي بس بحاول هون معكم أتعلم شوي وأسترجع لغتي الأب متل ما كانت ئبل ما بنزعب من البلد. يعني بالمشرمحي شو في ما في بالبلد؟ وسؤال أخير إزا في حدا من الشام ممكن بفهم شو في بساحة الفردوس حتى عاملين عليها هيصه وليصة بكل صحافة العالم وراديواتها؟ |
وواللي مالو طعمة وبتسمعو لأنك لازم تسمعو ومو على كيفك الشغلة؟
كلام الاساتذة بالمدارس خخخخخخخخ |
عمرو ما حدا يتعلم يا..، بس قصدي هادا اللي لما بيفتح باجوقو لازم تصفئلو، ما بيكفي أنك عايف السما تبعك من القرف، كمان طاق وطيق
|
يعسوب.. ملاحظة على جنب: منقول لغتي الأم مو الأب ..
عن أسئلتك: الشيء الوحيد يلي مابتمل منو هو الفيض من العلم ..بحيث أنك تفيض منه وتغب ولا تزال عطشان. باقي الأشياء ... كلها تكرارية وبتعيد نفسها بطريقة مختلفة ..بس نفس المضمون فبالتأكيد ستكون مملة . |
حبيب ألبي طفران، شكرا على الملاحظة الجانبية، بس هيك هيك عم أشكرك ممكن تعلمنياها بقى ليش الأم مو الأب؟ دخيل عرضك ما تواخزني قلتلك من طول الغربة الواحد ينسى حتى أول حبيبة وأول رسالة مع خيمة من الشعر. المهم يخلي لياك طول بالك علي اتعلم بسرعة بس نجاوب على هالكام سؤال المدوخيني
|
ئلت برد على حالي بركي بشغل هالموضوع ويلحقني شي ولو مرة أجر من الله.
|
| الساعة بإيدك هلق يا سيدي 22:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون