|
اعـــــــــــــــــــــــ ـتـــــــــــــــــــــــ راض
يا جماعة ..ما عم نقدر ننزل صور متل الخلق يعني حجم الملف محدد ..و كتير صغير أصغر من قبل ..
و الصور الرياضية حلاوتها بكبرها ...و تقاريري تبع المباريات ما بتحلا إلا بالصور .... يا ريت تحكولنا مع الشبيحة فوق ميشان يزبّطولنا الوضع ...ما بيمشي الحال هيك... و بدي رأيكون شباب |
حملها على موقع تاني وحط الرابط بالمنتدى
في مواقع كتير فيها مراكز تحميل |
اقتباس:
نحنا بيهمنا أخوية و بس.. |
لا ابدا ابدا .. خيار التحميل لموقع أخر او استعداء الصور من مواقع اخرى ما مستحب ابدا .. وحتى لولا الخوف من عتب الأعضاء للغينا الخاصية تماما ..
فعلا احنا اشرنا سابقا انو من غير المستحب ابدا ان يتم استدعاء الصور من مواقع اخرى .. لانو أخوية ما بتضمن استمرارية اي موقع سوى نفسها (من حيث ما فينا نضمن غير نفسنا) لهيك ممكن الموقع هذاك يغير عنوانو يغير اي شي فيه او يروح ينشطب وتصير الصور اكسات بالموقع .. دائما خيار التحميل لأخوية مباشرة هو الخيار الأمثل من ناحية بتضمن استمرارية الصورة من ناحية تانية حتظهر الصور بسرعة اكبر من ناحية تالتة الصور المحملة لأخوية بيتم اوتوماتيك تصغيرها وبينعرض نسخة مصغرة خفيفة منها مباشرة وبيقدر الواحد يشوف النسخة الأصلية بالكبس على الصورة المصغرة وهيك طبعا اسهل واسرع جدا بالتصفح .. حنقوم بزيادة الحجم المسموح للصور كلها والملفات اليوم سلامات |
اقتباس:
فائق احترامي |
ايييه شو عليه
كلو منيح |
تم التعديل واضفنا الإمتدادات المطروقة كلها (الي منعرفها و الأكثر استخداما)
وعطينا الحد المنطقي وزيادة حبة .. علي الحجم المتاح والمسموح اذا لسا في مشاكل فيها او في ملاحظات على الأحجام احنا تحت امركم |
سلامات حكيم ... الحجم ممتاز 128 كيلو للjpg كتير منيح بس اذا بتتكرّم علينا و بتزيد الإرتفاع..
لأنو ما عم يمشي الحال ..معظم الصور اللي بنزّلهم بالعادة 40 كيلو للصورة ان شقّت حالها بس احجامهم الطول 594 و العرض 506 ..يعني تقريباً بهالحدود .... اذا ببتكرّم علينا و بتزيد الطول بكون ممنونك حكيم لأنو 620*280 ما عم يكفي ... تحياتي..والله يعطيك العافية ...عم نعذّبك بس كلّو مشان تقدّم أخوية |
ظبطنا الحجم لل 256 بحيث في شوية صور بيكون كواليتي عالية بيكونو اكتر من 128..
وظبطنا الأبعاد لل 1024 * 1204 هو النظامي بتكون الصورة مثلا 1024 * 768 او 800 * 600 بس ممكن اتكون الصورة بالعرض ممكن بالطول .. يعني الواحد ما بيضمن شو موديلها .. لهيك 1024*1024 حتوفي بالغرض 99% .. يعني سواء طولها 1024 وكانت بالطول او عرضها وكانت بالعرض بيمشي الحال .. اسمو الصورة هيك هيك عم بيتم تصغيرها مهما كان حجمها ..(تصغيرها لما بتظهر الموضوع) فما في خوف على انو يعمل حجم الصورة مشكلة عندك المتصفحين للموقع وهيك .. سلامات |
اقتباس:
|
مشكور حكيم....الله يعطيك العافية...
|
| الساعة بإيدك هلق يا سيدي 10:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون