|
برتقاني و أخضر .. رفيع و تخين ...
اليوم انتبهت بالصدفة على تعديلات جذرية و بالجملة بقائمة المشرفين ، بس عندي كام تساؤل -إذا كان من حق الأعضاء يعرفوا- بخصوص القائمة الجديدة : - ما عدنا نشوف بالقائمة أسامي باللون البرتقاني .. هل التغى التنسيق و اكتُفي بالإشراف ؟ - لفت نظري وجود مشرف واحد لكل قسم .. هل هالشي كافي خصوصاً و انو عم نشوف تراكم للمواضيع و المشاركات المخالفة في حال غياب المشرف الطويل لأسباب شخصية ؟ - يلاحظ بقاء بعض الأقسام بدون مشرفين متل المكتبة و الملطوشات و سفراء أخوية و عالطاير ، و مشرفين بدون مهام متل The Light و zen و butterfly ... هل أنا عم بخطف الكباية من راس الماعون :oops: و بسأل قبل ما تجهز القائمة النهائية للمشرفين ولا في ترتيب مختلف عن اللي تعودنا عليه من قبل ؟ - هل رح نشهد مع التعيينات الجديدة تعديلات على ضوابط الأقسام -طبعاً دون المساس بنهج أخوية العام- ؟ بتمنى ما كون عم بتدخل بأمور ما بتخصني .. بس بتصور انو الأعضاء بيهمون يكونوا بصورة تغييرات من هالنوع لأنو بالنهاية كلياتنا هون عيلة وحدة .. عيلة أخويــة :D |
اقتباس:
لك شلونك يا صبية ؟ ( أول شي كنت عاوزتك بموضوع شو بدي البس ع سهرة العيد .. بس هون ما المكان المناسب :lol: مو ؟ ) أي بالعودة للموضوع .. كتير عم تخطفي الكباية من راس الماعون :mimo: |
اقتباس:
100 هلا أنا بالخدمة .. طيري عالكعوب العالية أو اعزفيلي برايفت :lol: اقتباس:
اقتباس:
اي بيجوز .. شنو أنا بصلتي محروقة و بيني و بينك خايفة عليا ما تفحم :lol: لأنو التساؤل صرلو يومين و الهيئة ما في ريحة رد :oops: على كل حال ما في شي مستعجل اعتبروا الموضوع تحية مني لكل المشرفين الجدد و يعطيكون العافية :D |
تحية للكل وكل عام وانتو بخير...:D بالنسبة للتبديلات رح تكون على علم فيها لما تتحدد صورتها النهائية... حاليا بيكفي انو الاعضاء يعرفو انو في فريق جديد من المشرفين...منهم كان منسقين قدماء متقاعدين رجعوا ومنهم من المنسقين يللي كانوا على رأس مهمتهم... الهدف واحد هو اعادة تنظيم اخوية بشكل جذري والارتقاء فيها لمستوى عالي... لكن جهود المشرفين لحالهم ما بتكفي...دور الاعضاء بنفس الاهمية.... بنتمنى تكون هالخطوة هي اول الطريق لاعادة هيكلة اخوية ورفعها درجات لاعلى...وايدنا بايدكم.... المهم انو تطولو بالكم بهالكم يوم لبينما يتم الاعلان عن كل شي...وكل شي بوقته حلو... |
اقتباس:
و انته بخير ... اقتباس:
حلو هالكلام .. و انشالله الأعضاء كمان ما بيقصروا و بيكونوا دائماً على مستوى المسؤولية اقتباس:
ماشي و شكراً عالرد :D |
| الساعة بإيدك هلق يا سيدي 07:34 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون