أخوية

أخوية (http://www.akhawia.net/forum.php)
-   الشرق الأوسط (http://www.akhawia.net/forumdisplay.php?f=72)
-   -   افتح ياسمسم : العثور على كنز علي بابا والأربعين حرامي" في ماردين (http://www.akhawia.net/showthread.php?t=132042)

حلبي 09/12/2009 01:55
افتح ياسمسم : العثور على كنز علي بابا والأربعين حرامي" في ماردين
 
افتح ياسمسم : العثور على كنز علي بابا والأربعين حرامي" في ماردين


2009-12-08



نوبلزنيوز: في بلاد فارس وحسب الرواية الشعبية جرت حكاية افتح ياسمسم بينما عثر في احدى قرى ماردين شمال سوريا والتي تنتمي اليها عائلات سورية كثيرة يعيش معظمها في مدينة حلب ومن ثم غادر الكثير منهم الى المغتربات خصوصا الى السويد وكندا - مونتريال ومن بينهم : عائلة قرزيوان ومرشووغيرها ...عثرعمال صرف صحي أثناء قيامهم بالحفر في إحدى القرى التابعة لمحافظة ماردين التركية الواقعة على الحدود مع سورية على كنز ضخم قيل أنه ربما يكون نفسه كنز الأربعين حرامي في القصة المشهورة علي بابا والأربعين حرامي



وذكرت تقارير تركية " أنه تم العثور على 400 عملة ذهبية تم حفظها فى متحف محافظة ماردين وأرجعها الباحثون إلى عصور الإيلخانيين والسلاجقة والصفويين، وقالوا إنه الكنز الذي كان يجمعه من عرفوا فى التاريخ باسم "الأربعين حرامي "


وقال مدير متحف ماردين نهاد أردوغان "إن عدة أمور اتضحت بعد العثور على هذا الكنز، منها أن أقرب قرية مجاورة لقرية "سوراكلى" التى تم العثور فيها على الكنز اسمها "تشالحرامى" وهى كلمة كردية تعنى "الأربعين حرامى"، وأن ماردين وخاصة هذه المنطقة كانت معبر طرق الرحلات والقوافل لعدة عقود من الزمن، وهو ما يشير إلى أن للصوص كانوا يسكنون قرية "تشالحرامى"، ويجمعون ما ينهبونه ويسرقونه من القوافل المارة فى مغارتهم بقرية "سوراكلى



المصدر :


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

أم الجود 09/12/2009 03:09
ماردين مربط خيلنا :gem:

حلبي 09/12/2009 03:32
اقتباس:
كاتب النص الأصلي : أم الجود (مشاركة 1364501)
ماردين مربط خيلنا :gem:
أل خبي أرشك الأبيض ليومك الأسود

و الله هدول الماردلية هيك معنادو ماشاء الله أغنياء و عندون كنز علي بابا

مشكورة على المرور أختي أم الجود

أم الجود 09/12/2009 03:34
اقتباس:
كاتب النص الأصلي : حلبي (مشاركة 1364510)
أل خبي أرشك الأبيض ليومك الأسود

و الله هدول الماردلية هيك معنادو ماشاء الله أغنياء و عندون كنز علي بابا
جلدون محشي قروش ... سألني أنا :o

حلبي 09/12/2009 03:43
اقتباس:
كاتب النص الأصلي : أم الجود (مشاركة 1364511)
جلدون محشي قروش ... سألني أنا :o

اقتباس:
وقال مدير متحف ماردين نهاد أردوغان "إن عدة أمور اتضحت بعد العثور على هذا الكنز، منها أن أقرب قرية مجاورة لقرية "سوراكلى" التى تم العثور فيها على الكنز اسمها "تشالحرامى" وهى كلمة كردية تعنى "الأربعين حرامى"، وأن ماردين وخاصة هذه المنطقة كانت معبر طرق الرحلات والقوافل لعدة عقود من الزمن، وهو ما يشير إلى أن للصوص كانوا يسكنون قرية "تشالحرامى"، ويجمعون ما ينهبونه ويسرقونه من القوافل المارة فى مغارتهم بقرية "سوراكلى
ترى بس هيك السمعة ما كويسة يعني أصولون شي مابيرفع الراس

مع أنو بعرف واحد كان سيكن في صأء الجظماتي و الله كان كتير كريم و أنسان كتير طيب

أم الجود 09/12/2009 03:49
اقتباس:
كاتب النص الأصلي : حلبي (مشاركة 1364514)
ترى بس هيك السمعة ما كويسة يعني أصولون شي مابيرفع الراس

مع أنو بعرف واحد كان سيكن في صأء الجظماتي و الله كان كتير كريم و أنسان كتير طيب
لاء بترفع الراس و نص .. أنا ما قلت انن بخلا .. بس أغلبون من عيل ميسورة :)

شكراً عالموضوع :D

ابو نجبو 09/12/2009 03:57
الماردليّة اللي سيكنين بالحميدية و براكات الارمن بتمّ قسطل الحرامي ...

مالون من ماردين ...

الماردليّ غير المارديني ..

وجب التنويه ...

:D

حلبي 09/12/2009 04:25
اقتباس:
كاتب النص الأصلي : ابو نجبو (مشاركة 1364517)
الماردليّة اللي سيكنين بالحميدية و براكات الارمن بتمّ قسطل الحرامي ...

مالون من ماردين ...

الماردليّ غير المارديني ..

وجب التنويه ...

:D
بصراحة صار عندي فضول فحبيت أعرف أشو هوى الفرء مابين الماردين و الماردل فرحت عند العم غوفل و كتبت أسم ماردل فالنتيجة كلها فارسية أو كردية فأضفت حرف الياء فطلعلي كلها أسماء كتاب و أدباء و ناس ألها مراكز مرموقة في عالمنا و شركات صناعية و تجارية و الشي اللي بحير أني حولت على المارديني كمان نفس الشيئ

و بذكر كانو يحكو مع بعض بلهجة مختلفة عن لهجة حلب مابعرف كيف بدي أشرح و لكن ليست مثل اللهجات المعروفة في باقي المدن السورية

ابو نجبو 09/12/2009 04:58
اللي متأكد منّو انو الماردلّي غير المارديني ...

رح بحبشلي شوي و بخبّرك ....

jano. 09/12/2009 05:57
المارديني هوي يلي جاي من مدينة ماردين
أهل ماردين بيستعملو لهجة عربية اسمها "ماردليّة"، هوي المفروض تكون "ماردينية" بس بحسب اللهجة بيصير اللفظ "ماردليّة/ميردليّة".

لهيك يعني ممكن نقول للشخص الجاي من مدينة ماردين أنّو "مارديني" أو "ماردلّي" وما بنكون غلطانين.
هاللهجة مستعملة بشكل عام بالمنطقة المحيطة بماردين، وإذا كان في فرق بين الماردلّي والمارديني فبتصور لأنو الناس بتعتبر أي شخص بيحكي بهاللهجة أنّو مارديني بينما هوي ممكن يكون جاي من مدينة تانية.


بتصور هادا هوي السبب وماني متأكد 100%

وبالنسبة للخبر، شي طبيعي أنو المردليّة يخبو كنوز تحت الأرض وما يتهنو فيون.... لأنون كحاتيت:lol:

ورده بغداد 09/12/2009 09:57
يابختهم بالكنز

بس ليش سلمو للحكومه ؟

بنفسجة 09/12/2009 11:37
واوووووووووووو
عقبال ما يلاقو عنا بطرطوس جزيرة الكنز

ابو نجبو 10/12/2009 03:34
اقتباس:
كاتب النص الأصلي : jano. (مشاركة 1364521)
المارديني هوي يلي جاي من مدينة ماردين
أهل ماردين بيستعملو لهجة عربية اسمها "ماردليّة"، هوي المفروض تكون "ماردينية" بس بحسب اللهجة بيصير اللفظ "ماردليّة/ميردليّة".

لهيك يعني ممكن نقول للشخص الجاي من مدينة ماردين أنّو "مارديني" أو "ماردلّي" وما بنكون غلطانين.
هاللهجة مستعملة بشكل عام بالمنطقة المحيطة بماردين، وإذا كان في فرق بين الماردلّي والمارديني فبتصور لأنو الناس بتعتبر أي شخص بيحكي بهاللهجة أنّو مارديني بينما هوي ممكن يكون جاي من مدينة تانية.


بتصور هادا هوي السبب وماني متأكد 100%

وبالنسبة للخبر، شي طبيعي أنو المردليّة يخبو كنوز تحت الأرض وما يتهنو فيون.... لأنون كحاتيت:lol:
كان الي زميل وقت الثانوي و هو اللي خبّرني انو المارديني غير الماردلّي ...هو أصلو من ماردين....

بس بصراحة مابئى اتزكّر كمالة الحديث ...

بكل الاحوال رح ابحث بالموضوع ....


الساعة بإيدك هلق يا سيدي 12:52 (بحسب عمك غرينتش الكبير +3)

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02742 seconds with 10 queries