|
ايمتى رح يصير عنا هيك روح رياضية ..!!
حدث غريب وروح رياضية عالية في دوري الدرجة الثانية الإيطالية  قدم نادي أسكولي مثالاً أعلى في إحترام الروح الرياضية، حيث أظهر موقفاً رائعاً ودرساً فى الأخلاق, وذلك بعد السماح لمنافسه ريجينا بتسجيل هدف يعوض به الهدف الذى سجله أسكولي وكان مثير للجدل . كان فريق أسكولى الذي يلعب في دوري الدرجة الثانية الإيطالي قد استقبل ريجينا في إحدى مباريات البطولة مساء السبت الماضى وقد تقدم منذ الدقيقة 14 بواسطة ميركو أرتينوتشي، وهو الهدف الذي أثار مشاكل كبيرة في الملعب نظراً لأن ميركو استحوذ على الكرة أثناء محاولة مهاجم ريجينا كارلوس فالديس إخراجها من الملعب لكى يتم علاجه من إصابة . تم احتساب الهدف ولكنه تسبب في حدوث شجار على أرض الملعب بين لاعبي الفريقين، وقد توقفت المبارة لوقت طويل وكذلك خرج مدافع ريجينا أندريا كوستا بالكرت الأحمر، لكن لاعبي أسكولي وبعد تعليمات مدربهم قام لاعبوا أسكولي بالوقوف والسماح لمهاجم ريجينا بياجيو باغانو ليسجل هدفاً لمحاوله تحقيق العدالة . لكن هذه البادرة من جانب اسكولي لم تجلب لهم سوى الخسارة ب 3-1 . وعقب المبارة، تحدث مدرب أسكولي بيبي بيلون الذي كان مدرباً لريجينا الموسم الماضي, حيث قال : " لقد اتخذنا هذا القرار معاً، وليس هناك شخص واحد مسؤولاً عن ذلك ". - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
إلتلي يصير عنّا هيك روح رياضية, مابدو يكون في رياضة بالأول ليصير في روح رياضية |
قديم هالخبر كتير هيك بتذكر
سامعتو من زمان بس فعلا شي حلو |
اقتباس:
من السبت الماضي بس أنو ... عنا الجيوش العربية كانت رح تفتح جبهات كرمال مباراة بقى يعني الشيء بالشيء يذكر |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
بالنسبة للموضوع انا ملخبطة بتذكر في موضوع قديم صار انو كان في مباراة بين فريقين وكان احد الفريقين متقدم 1\0 وفجاة صار شي ووقفو المباراة اجلوها يعني وبس اجو يلعبوها مرة تانية الفريق يلي كان خسران خلا الفريق الربحان يحط فيون كول يمكن وقت توفى اللاعب بارض الملعب يمكن هيك خيي اخلق منطق عنا بدهاش حكي |
كمان...بمباراة جوفنتوس وانتر ميلان...
الطابة بتطلع برا بعد ما يلمسها بوفون...الحكم بيحسب ضربة مرمى بدل ركنية.... بوفون بيصلح الحكم...وبيشرحلوا انها ركنية وانو لمسها... وتيري هنري بيرقص وبيحتفل وبكل وقاحة بعد تسلل ولمستين يد بمباراة فرنسا مع ايرلندا..... حِكـــــم... |
اقتباس:
أول هدف كان خطأ على ما أزكر .... |
اقتباس:
ماكنت شايف المشاركة بالاول |
اقتباس:
|
اقتباس:
هون المشكلة انو نحنه عنا كل شي بالمقلوب لما لازم نتسامح و نظهر أخلاقنا الرياضية منهوش و بيطق عنا شرش النخوة و الرجولة و منفتح جبهات و لما لازم نفتح جبهات عن حقا منصير أعقل من الصيصان وحياتك ... |
اقتباس:
بصراحة انا انو مع زعلي الشديد ع ايرلندا واحساسي بشعور الظلم اللي اجا عليها بس كمان الحركة اجت بوقتا لانو المونديال بلا فرنسا مالو طعمة وللكب :gem: |
علي الحلال لو نادي الوحدة عملها لكان ما طلع حدا سليم من العباسيين
|
اقتباس:
وين الاخلاق الرياضية بالنص اه (عادي اهلاوي:lol:) اصلا بالعكس تمام المونديال بيحلى لما بتشوف مفاجاة متل خروج فرنسا من الادوار الاولى او عدم تأهل الارجنتين مثلا بيصير عندك فضول تشوف هالفرق يلي اقصت فرق كبيرة اخ على شي مفاجاة من العيار الثقيل |
اقتباس:
|
اقتباس:
هلأ انا ماقلت انو حركة هنري فيا اخلاق رياضة .. وقلت لحد الان حاسس بالظلم اللي اجا ع ايرلندا وحاطط حالي محلن .. بس انو كمان حركة حلوة من هنري او انو .. فينا انقول انو جاب الفرح لبلدو بهالحركة بعدين الطابة نصا صاير هيك .. واكيد بتعرفي شلون منتخب سوريا طلع من التصفيات(مع عدم المقارنة بين الفريقين) .. وهلأ انو متلي ماقلتلي ازا طلعت فرنسا مثلا اوا ماتأهلت رح نستغرب ونشوف انو شو هالفرق اللي طالعتا بس بشكل عام الفرق هي كلا نفسا قصير .. ومابطول اكتر من الدور التاني .. بقى بصراحة منيح اتاهلت فرنسا لانو متل ماقلت هي طعمة المونديال .. بس لو دومنيك تمشي امورو شوي لانو ماخرجو مونديال بهيك مستوى (حاجة بقى انتي التانية حاططلي دابك بداب اسبانيا والفريق الجربان هاد شجعي غيرو اشرفلك :p) |
اقتباس:
و أنا معك في هي :pos: الله يعطينا الجفاف و المرض و يبلينا بشي بلوة ننقرض و نريح العالم منا نافعين بشي لا العلم و لا السياسة و الكورة و لا الدين و لا أ ي شي حتى الجنس يا عالم ما فلحنا فيه :frown: |
اقتباس:
فريق متل فرنسا ما قدر يتاهل الا بهيك طريقة لا كتير تتوقع يقطع المرحلة القادمة بتضل السمة الابرز للرياضة هي الاخلاق الرياضية وما تبقى ياتي فيما بعد قال على اساس انا غشيت بالفحص ونجحت بقوم بصدق حالي اني شاطرة يابعدي:pos: بعدين حل عن اسبانيا ها والا بالشبشب:jakoush::lol: |
| الساعة بإيدك هلق يا سيدي 12:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون