|
بدي ربيه\ها...
بنرجع منقوول يسعد هالصباح
ما عرفت وين بدي حط هالموضوع ف لقيت انه هون احسن مكان وازا ما عجب حدن من المشرفين ينقله لوين ما بده الموضوع ببساطه الك يا صبية ويا شب لو كنت\ي متجوز\ة وعم يصير مشاكل بينك وبين مرتك\جوزك وحبيت تعاقبها شي عقوبة لتصلح من هالشي شو العقوبة يللي ممكن تستعملها \ تستعميليها ل هالغاية ؟ ممكن تكون التطنيش \ ما بطبخله \ بعمله درس مرتب ما يعيد هالتصرف مرة تانية او شي ما بيخطر ع بال حدا ..... |
بزور عند اهلي وبطول الزيارة وباخد بقجتي معي
|
اقتباس:
الهروب غلط بأي حال من الأحوال إقحام الأهل كمان غلط برأيي لما بتصير مشاكل ... ما في شي اسمو عقوبة .. المفروض يكون في نقاش حوار .. و أهم شي يكون هالنقاش ابتداءً من أبسط التفاصيل .. لأنو يللي بيعقد المشاكل و بيجعل حلها صعب هو التراكم تراكم الجزئيات مهما كانت بسيطة |
اقتباس:
انو شو هالحياة يلي بدها تكون قائمة على العقوبات بدل الحوار عاقبني وعاقبتو لا بيت اهلي احسن بهيك حالة:pos: |
المشكلة أنو العقوبة بهل الحالة رح تكون للطرفين، يعني بس فكر عاقب زوجي بيكون فعلياً عم عاقب حالي قبله.. أصلاً فكرة أنو واحد من الزوجين يفكر يربي التاني هي سبب فشل كتير من حالات الزواج، لأنو المفروض أنو الزوجين هني شخصين ناضجين عم يتشاركو ببناء أسرة، مو عم يربو بعض..
طبعاً هاد ما بيعني أنو ما بيصير شوية مشاكل وخلافات بالرأي، وأحيان ممكن الواحد يلجأ لعقوبات مهضومة من باب المزح لكسر حدة الخلاف. |
ماهوو الواحد بيصير من كتر الحكي والنقاش بيمل من جهة
ومن جهة تانية الواحد ما بيلجئ لهلاسلوب الا بعد ما تتسكر كل الطرق بوجه ما عاد بينفع النقاش ولا الحوار ولا الطرق الودية بئى لا تفهموني غلط الله يرضى عليكم |
اقتباس:
بعاقبك ها:lol: الخلافات لابد منها والقوة بالحياة الزوجية انو مهما كان الخلاف كبير ما يكون بحجم وكبر وقوةالعلاقة الزوجية وانو كل هالخلافات تكون ضمن سقف هالحياة الزوجية وكلها خاضعة لاحترام مبدا الاختلاف في وجهات النظر والنظرة لاسلوب الحياة:D |
ولييييييييييي بفهم من حكياتك انو لو جوزك عيط عليكي ادام الناس ما لح تعملي شي ولح تبلشي تناقشيه ليش عيط عليكي وتتفهمي بدون ما تزعلي او تاخديلك شي موقف !
|
اقتباس:
هلق هيك بتكون حياتنا الزوجية متفاهمة شو يعيط عليي بدبحو ههههههههه الاحترام ثم الاحترام لما بنكون محترمين علاقتنا ولما بيكون في اسلوب نقاش اكيد مارح يعيط عليي قال يعيط عليي انا بسكت وقتا وبس ارجع عالبيت بضب بقجتي وعلى بيت اهلي:lol: |
الحياة الزوجية عبارة عن مؤسسة ... ما بتنجح هالمؤسسة غير بالتفاهم ...و المفروض قبل كل شي تحكما قوانين العاطفة
بسبب ضغوطات الحياة عموماً ... ممكن بلحظة من اللحظات طرف من أطراف هالمؤسسة يغلط .. إجمالاً بتحصل المشاكل لما بتجي ردة فعل على هالغلط من الطرف الآخر المفروض لما طرف بيغلط ... الطرف التاني يستوعبو بلحظتها ...و يصير النقاش بعدين .. و عالأغلب هالطرف بيعترف بغلطو و بتزبط الأمور أغلب المشاكل الزوجية بتصير من الانفعال و النقاش بجو مشحون |
بما أنو الحياة الزوجية مؤسسة قائمة على الاحترام والتفاهم بين الزوجين
وطبعا وليست خالية من اي مشاكل فالأفضل تنحل هذه المشكل مباشرة ولاتطلع لبرا والزوجة لاتترك منزلها مهما كانت حجم المشكلة وانو تربيه سواء بخروجها من المنزل او عدم القيام بواجباتها تجاه الزوج لن يحل المشكلة ابداً بالعكس سيتضاعف حجمها وتصبح هناك ردات فعل عنيفة ولايحمد عقباها فإذاً الأفضل هو الحوار والتفاهم مع الكثير من الحب ولايضر أن يتنازل أحدهما للأخر فهما زوجان محبان والعشرة تخلق الكثير من الود لتكون المشكلة محصورة بينهما ولا تطلع لبرا وتفضح هيك بظن ..:D |
اقتباس:
الللللللللللللللللللللللل للللله .. ماعبعرفك يازلمة اش هالثقافة هي .. طلع عندك ثقافة زوجية فظيعة !! يازلمة حاجتك الكلام النظري وطبق عملي يازلمة بطلع نظامي بشرفي |
كفين عالريق بيمشي الحال:larg:
|
اقتباس:
شو عاملك أنا لتستفقدني هالاستفقادة .. بعدين مانك شايف أنو ما منجيب سيرة الزواج .... غير لما منكون عم نحكي عن مشاكلو يعني يللي كان ناوي ..... لما بيقرا مواضيع المنتدى بيبطّل |
اي .. عدي لقلك :
وهية نايمة .. بس تغفى .. يا فكيك عالمطبخ .. بقا المقادير عبارة عن : 6 بيضات .. طريقة التحضير .. وزع البيضات بشكل متساوي ومتوازي على طرفين مرتك .. وتركها .. حتى تتقلب شوي .. صويرها فيديو طبعا .. كرمال الضحك والأنكلة وانو ما تفكر الشغلة جدية هية ها .. :p" ابو العبد شايفك .. قلنا 6 من المبطخ ومن صفت البيض حصريا ها .. ايوا .. " 2- .. تغميس شعرها وخصوصي ان كان طويل .. بخلطة محترمة من المايوكتشب .. المحترم .. وخصوصي بعد الدوش فورا .. 3- تمسكها من خواصرها وخوووود على جرجرة .. خصوصي انو اعلب البنات اللي بعرفن بيكهرو هاد الشي .. :p 4- .. ما تخلي مباراة من مباريات الدوريات .. الا وتحضرها .. " ينصح بالدوريات العربية بهيك .. حالات .. شنو العقوبة بتكون مضاعفة .. " .. بس المصيبة تطلع .. متابعة رياضية \ او صاحبة الرقم القياسي بيابسة الراس .. والتناحة فتعد تتفرج قبلك عالمباراة .. انت هون وبكل بساطة .. دق للشلة وخلين يجو يتفرجو معك وعلام ودنية وبوشار .. ولدينا الحكايا .. حاليا بكفي .. ما خاطر عبالي شي تاني .. :gem: اقتباس:
|
يكون الصمت فأساً أو براويز نجوم
عادة بسكت وما بحكي شي وباخد قرار ما بتراجع عنه إلا بمعجزة |
اقتباس:
لأ أنا بقول خوزقا بفرد مرة :pos: اقتباس:
اي بقص ايدي من لغاليغا اذا بتتجوز :o |
بسيطة ولو
بطقا جازة عليها |
| الساعة بإيدك هلق يا سيدي 14:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون