|
القبض على مشعوذ يحتال على طلاب المرحلة الثانوية في حمص
ادعى انه يستطيع إجبار القلم على الكتابة في الامتحان بقوته " السحرية " ..
القبض على مشعوذ يحتال على طلاب المرحلة الثانوية في حمص ألقى عناصر قسم شرطة المحطة بحمص القبض على مشعوذ يقوم بالاحتيال على طلاب الشهادة الثانوية بحجة أنه يستطيع جلب الحظ وممساعدة الطلاب في الحصول على معدلات مرتفعة ، وبأنه يمتلك " قوة سحرية تجبر القلم على الكتابة في الامتحان ". وبحسب المعلومات المتوفرة ، فإن عناصر الشرطة قاموا بإلقاء القبض على المشعوذ بعد بلاغ تقدم به أحد أولياء الأمور قال فيه ان ابنه تعرض لعملية احتيال وسلب منه مبلغ 24 ألف ليرة سورية على دفعات بحجة جعله يتفوق بامتحان الشهادة الثانوية " بقوة السحر " . وعلم عكس السير أن المشعوذ كان يجمع معلومات وأخبار معظم الطلاب وأسرارهم من صاحب بقالية بنفس الحي . وقال والد الطالب ( االذي تعرض للاحتيال ) لـ عكس السير " لاحظنا بالفترة الأخيرة القلق والخوف بتصرفات ابننا واستجراره مبالغ مالية على غير عادته وهو طالب بكلوريا متفوق وبتقصي أخباره من أصدقائه علمنا بان هناك مشعوذ مسيطر عليه يقوم بتهديده ". وبعد أن ضغط الأب على ابنه اعترف له بان المدعو (ك) أوهمه بأنه يمتلك القدرة على جعل القلم يكتب تلقائياً في قاعة الامتحان بواسطة الجن وهو على اتصال مباشر معهم ، وبأن المشعوذ " يعرف كل شيء " ، وبأنه اشترط عليه عدم إعلام أي شخص ، وهدده بقوته "السحرية " في حال أنه أخبر أي شخص . وعلى الفور تقدم الأب بشكوى لقسم الشرطة الذي سارع بالقبض على المشعوذ وتم تسجيل اعترافاته ، كما تم القبض على شريكه ( العامل في البقالية ) وتم تحويلهما إلى القضاء . أكرم سلايمة - عكس السير - حمص |
معقول طالب متفوق يصدق هالكلام الفاضي؟؟ صحيح ضغط الامتحان صعب بس إذا طلاب بكالوريا ممكن ينخدعو هيك يعني مصيبة!!!:shock:
|
اقتباس:
|
حسب كلام أبوه اللي أنت كاتبو
" لاحظنا بالفترة الأخيرة القلق والخوف بتصرفات ابننا واستجراره مبالغ مالية على غير عادته وهو طالب بكلوريا متفوق وبتقصي أخباره من أصدقائه علمنا بان هناك مشعوذ مسيطر عليه يقوم بتهديده ". بجميع الأحوال، واحد واصل للبكالوريا يفترض يكون أوعى من هيك.. يعني ما عم قول ما حدا بيقدر يضحك عليه، بس مو بهيك حيلة تافهة: القلم يكتب لحالو!! |
اقتباس:
|
هو صحيح القرد بعين أمو غزال والحمار بعين أبوه "متفوق" بس ماشي الحال يعني الزلمة وصل يقدم فحص بكالوريا، هلأ لو قالولنا قديش عمرو يمكن تفرق، يعني إذا آخدة معو شي كم سنة زيادة لوصل للبكالوريا.
|
اقتباس:
اقتباس:
عطيني رأيك ... |
رأيي أنو في شي غلط، يا الخبر مو كتير مظبوط، يا الأب أجدب أكتر من ابنو، يا الصحفي اللي كاتب الخبر أجدب أكتر من الاتنين.
يعني قصة أنو ولد يدفع 24 ألف قبل ما يحسو أهلو غريبة شوي، وبعدين "تقصي أخبارو من أصدقاءه" هي لوحدا فيلم هندي. |
اقتباس:
|
والله والله والله
لازم يتم القبض ع هالناس يلي ما فيها جنس شي اسمو عقل وبتصدق هالحكي وهالمشعوذ والله ذكي .. شكلو بيعرف انو في عقول هيك بينضحك عليها شةو هاد ياه طالب بكلوريا ... وعالق بقصص السحر والشعوذة.. شو رح يعمل بعدين لكن !!!!!! |
الله يعين طلاب الباكالوريات
ترا همن كبير |
لك شو مشان؟ صارو طلاب البكالوريا بيلجأو لمشعودين؟
اي والله مو كل هالئد الشغلة صعبة عموما الله يعينن كلنا مرئت علينا هيك فترة بس مو لدرجة الشعودة بعدين هاد المشعوذ اجدب كيف يعني قلم سحري ومابعرف شو يعدمني ياه يسلمو ابو ريتا دير بالك ع ريتا هه:lol: |
اقتباس:
|
| الساعة بإيدك هلق يا سيدي 13:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون