|
هل تؤيد اعتراف الأزواج لبعضهم عن ماضيهم قبل الزواج
هل تؤيد اعتراف الأزواج لبعض عن ماضيهم قبل الزواج
بعض الناس بقولو لازم يكون كل شي صريح بين الأزواج يعني ما يخبو على بعض ولا شي وفي ناس بقولو خلي الطبق مستور اذا الله هو ساترن بقى ليش ليفضحو حالن انا راح قلكن رأيي الشخصي لما شوف تفاعلكن وردودكن اللي راح تنور صفحتي .........:D:D:D |
بالنسبة للماضي
هو ماضي مشان هيك جوابي لا، لا أؤيد ليه لانه هاد الافضل |
الي يقرر يعمل شي بحياته
عن كامل ارادته ليش يخاف ويستحي؟؟ |
له له لشو ؟؟؟؟
ينسو كل شي ويبلشو كل شي جديد خلنج يعنيبلاها هي وبنصح انه ما تسمع عن الاخر ولا حتى تسأله هي المسأله شخصيه ... اعذروني |
مادام بلشت بعلاقة جديدة ليش لبحبش بالماضي :pos: لالا اؤيد
|
اقتباس:
مزبوط الماضي هو ماضي ليش الواحد لينبش الماضي ويفتح جروحات شكرا لمشاركتك اقتباس:
بس من خلال تجربتي الشخصية بلاقي انو مساوئ الاعتراف اكتر من ايجابياتو بظن انو الواحد لازم يضل معو زكريات مدفونة ما حدا بيعرفا غير هو لوحدو ياما ناس انخرب بيتا بسبب نبش الماضي اقتباس:
مزبوط كلامك حلو الواحد يبلش من جديد بصفحة بيضة متل ما قلت المسألة شخصية اقتباس:
انا معك شو فايدة البحبشة بالماضي خصوصا اذا كانت العلاقة جيدة من البداية يسلمو عالمرور |
منتهى الغباء الاعتراف
|
اقتباس:
|
ما في داعي للدخول بالتفاصيل بس المهم عدم إنكار وجود ماضي. يعني أكيد ما في داعي الواحد يقعد يشرح تفاصيل علاقاتو مع الشخص اللي بيختارو ليكفي حياتو معو، بس كمان مو منطق أنو الواحد يقول أنو ما عندو ماضي أو ما كان عندو علاقات وهو غير هيك. واللي بيساعد على هالشي أنو يكون الشخص الآخر مخو كبير وبيعرف أنو شي طبيعي يكون كل إنسان عندو ماضي، المهم الصراحة بالعواطف هلأ. يعني لازم الواحد وقت يفوت بعلاقة جدية توصل للزواج أنو يكون خالص من رواسب علاقاتو الماضية وعاد في منّا غير ذكريات بعيدة. يعني تكون ماضي فعلاً مو بعدا حاضر
|
اقتباس:
مزبوط منتهى الغباء الاعتراف اقتباس:
بس احتراما لمشاعر الطرف التاني اقتباس:
كلامك مزبوط الماضي بضل ذكرى بحياة الشخص واكيد اي شخص لما يتذكر الماضي راح تتحرك عندو بعض المشاعروالعواطف وما بيقدر حدا ينكر هالشي... بس الاعتراف عن الماضي للطرف التاني بخلي هداك الطرف يظن انو هالشخص لسى معلق بماضيه ويمكن بسبب بعض المشاكل بين الطرفين واهم شي الواحد متل ما قلتي لما يتزوج يكون خالص من رواسب علاقاتو الماضية يسلمو عالمرور |
انا اؤيد مو من باب شرح التفاصيل و معرفة شو صار لكن لغاية تانية
من باب اعرف الطرف التاني كيف بيفكر و كيف بيتصرف بالمواقف الجديدة و لحتة اقدر اوصل معو لهالمرحلة اكيد لازم بادر انا |
أنا أؤيد
مبتعدين في الاعتراف بالماضي عن الغوص في التفاصيل، ومقتربين من ملامسة الشفافية لبناء مستقبل أفضل للعلاقة. |
المسالة نسبية بتختلف بسبب عوامل وظروف كتيرة
مافينا نقول انو الاعتراف هو الافضل ولا فينا نقول انو عدمو هو الافضل |
كل ما هو مبني على الصراحة فهو راسخ وثابت
انا اؤيد وبشدة يعني سواء اكان هالماضي افخر به او اخجل به فمن الضروري التكلم فيه من قبل الزوجين قبل الزاوج مشان بالاخير لا الزوج يسمع من الناس ولا الزوجة تسمع من الناس وتتحول حياتون لشك وجحيم خلي كل شي على بساط احمدي ومن بداية الطريق احسن من الاكتشاف المتاخر لاشيا يمكن نحنا نعتبرا ماضي بس الشريك بيعتبرا شي مهم بتفاصيل علاقتو |
اقتباس:
في وجهة نظر بحكيك لأن اللي صار بالماضي والمواقف و مواجهة المشاكل بتخلي الشخص يعرف كيف الطرف التاني راح يفكر ويتصرف بالمستقبل اقتباس:
هاي وجهة نظر مقبولة هو انو كل شي يبنى على الصراحة بكون أفضل بس أنا برأيي انو الواحد لما بدو يعترف للطرف التاني عن ماضيه لازم يختبر ردة فعلو بالأول لأن ومن تجربة شخصية في بنت اجاها عريس وكانت مو فاتحة قلبا لحدا لأن كانت تقرر يكون حبها الأول والأخير هو جوزها وأبو ولادها ولأن كانت بنوتة زغيرة كانت حاطة ببالا انو هالشب مو حابب من قبل وراح تكون هي نفسا حبو الأول متل ما هو بالنسبة للألا وبعد فترة الخطبة الشب اعترفلا انو هي مو حبو الأول وكانت صدمة نفسي كبيرة بالنسبة لألا لأنها بتحبو وهو حبها الأول وفكرت للحظة انو تتركو ولما اتجوزو صارت تغار عليه كتير من البنات اللي كان يحبون وخصوصا انو وحدة بنت الجيران والتانية من القرايب والتالتة رفيقة اختو وصار ما عندا ثقة بجوزها لأن بتحس انو كل ما تجي سيرة وحدة من هالبنات قدامو بيتلبك ومدري شو بصرلو هلأ ممكن تقولولي انو تصرف هيك زوج بكون صح ولا غلط أنا برأيي انو غلط لأن فات بتفاصيل ملا طعمة وهيك اعتراف جاب سلبيات اكتر من الايجابيات؟؟ بئا شو رأيكن |
اقتباس:
مزبوط والله كلامك هو المزبوط لأن الناس مختلفين والمشاعر والعواطف بتختلف من شخص لآخر يسلمو ابو العبد اقتباس:
هي نقطة مهمة كتير وهو انو اذا الواحد ما اعترف للطرف التاني عن ماضيه يمكن يسمع هالشي من الناس انا بظن انو الشخص لما بدو يعترف للطرف التاني ما يدخل يالتفاصيل بس يخليه على اطلاع انو الو ماضي وبس يسلمو عالمرور:D |
اقتباس:
|
وانا برايي بلاها ... لانو انا من الناس ازا يلي بحو حكالي ع ماضيه رح صير شك وخاف
لهيك ازا كان عامل شي غلط وبطل عن هالشي وهالشي كتير بخوف .. بلا ما يقولو احسن الي والو |
| الساعة بإيدك هلق يا سيدي 21:54 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
لالا اؤيد
من شي ساعة