أخوية
الصفحة 1 من 2 1 2 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   السقيفة (http://www.akhawia.net/forumdisplay.php?f=58)
-   -   عندما يطبخ الرجل ... (http://www.akhawia.net/showthread.php?t=128806)

lolo510 08/09/2009 10:26
عندما يطبخ الرجل ...
 
الرجل يرغب بإهداء زوجته شي لاسعادها - معنويا " - فيطلب منها الجلوس في الغرفة ليعد لها اشهى الاطباق على العشاء اضافة الى الحلويات
تجلس الزوجة تشاهد التلفاز ويبدأ الزوج - انه فعلا يحب زوحته -
والنهاية عشاء رومانسي ودمار في المطبخ


عزيزي الرجل :
هل انت من ذاك النوع الذي يرغب بتدليل زوجته فيطبخ لها ؟
هل تعلمت الطبخ وهل تعرف كيفية القيام به ؟
وجهة نظرك في الرجل الذي يطبخ لزوجته او يساعدها في ذلك ؟

عزيزتي المرأة :
هل سبق وطبخ لك زوجك ؟
ما كانت النتائج ؟
ما ردة فعلك على ذلك ؟


انتظر ردودكم .....

marochka 08/09/2009 10:38
أنا زوجي علمني الطبخ (أمي فايتة بالحيط رسمي بموضوع الطبخ!!!)، ولهلأ في كتير أكلات بس يعملا هو بتطلع معو أطيب، يمكن لأنو عاش بالغربة فترة طويلة، ويمكن لأنو هو بيحب ياكل طبخ، أما أنا فأكلتي المفضلة هي البيتزا وبعملا أحسن من الطليان نفسون، بس أنو ولا مرة كانت شغلة غريبة أنو يساعدني بالطبخ إذا كان بالبيت، وبالعكس بس نشتغل سوا بالمطبخ بيكون الوضع كتير حلو.

THE_unforgiven 08/09/2009 12:37
اقتباس:
عزيزي الرجل :
هل انت من ذاك النوع الذي يرغب بتدليل زوجته فيطبخ لها ؟
هل تعلمت الطبخ وهل تعرف كيفية القيام به ؟
وجهة نظرك في الرجل الذي يطبخ لزوجته او يساعدها في ذلك ؟
هادا شي أكيد بالنسبة إلي ... انا ذواق بالأكل كتير .. ومتل مابيقولو بحب بطني (مع انو شكلي مابيوحي .. )
بس بحب اللقمة الطيبة .. وبحب دايماً يكون عندي وجبة مميزة ..
وبخصوص زوجتي .. (لسى ماني متزوج ... ومو شكلو بهالقرب رح اتزوج .. ) ف أكيد بحب دللا ومش بس بالطبخ ..
هلأ اكيد مارح اطبخ كل يوم .. هي مش شغلتي .. بس هيك بالجمعة مرة .. مثلا يوم الجمعة .. عشا رومنسي .. بحضرو ع ذوقي .. ف بيكون شي مسلم فيه ..
ووجهة نظري بالنسبة للرجل اللي بيساعد مرتو..
برأيي هو رجل كتير متفهم لمعنى الزواج ... وانو مانو عايش لحالو .. ومرتو مااتجوزا بس لتطبخ وتنفخ ..
ولازم الرجل يساعد المرأة بكل أعمال المنزل .. من الطبخ .. حتى التنظيف .. أكيد .. وقت اللي بيكون فاضي ..ومش ع حساب شغلو .. (مابدنا يموتو من الجوع .. :lol:)
هاد بالنسبة إلي .. مابعرف بقية الشباب شو وضعن ..
.
.

رايح عاليسار شوي 08/09/2009 12:46
اقتباس:
كاتب النص الأصلي : marochka (مشاركة 1330368)
أما أنا فأكلتي المفضلة هي البيتزا وبعملا أحسن من الطليان نفسون.
بيتزا؟؟؟؟؟؟؟؟؟؟:shock: سمعان بهالاختراع من قبل ...بس مو ذاكر وين؟؟؟
على كل حال مو مشكلة ايمتا بدك تدوقينا ياها؟؟؟؟;)
يا أصدقائي الموضوع مو صعب ...بس اتجوز بقعد مرتي بهالصالون وبقليلها كم بيضة وبقطع شوية خيار وبندورة ... مو حاج هيك؟؟؟؟:ss:

MadMax 08/09/2009 13:24
و الله أنا صرت حب الطبخ .. بعد ما سكنت لحالي شي عشر سنين

حلوة فكرة أنو الواحد يهدي مرتو طبخة ... بس بعد ما جربتا





عالهامش ...

ليش الطبخات يللي بحبوهن النسوان ... غير الطبخات يللي بحبوهن الرجال ..!!

مملكة الورود 08/09/2009 13:47
ايييييييييييييييييه والله شي حلو كتير ورومانسي
لما الرجال بيطبخ لمرتو
يمكن الرجال ما بحس بقيمة هالشغلة عند المرة
قد هي ما بتعتبرا شغلة حلوة كتير ومهمة......

marochka 08/09/2009 14:21
اقتباس:
كاتب النص الأصلي : رايح عاليسار شوي (مشاركة 1330407)
بيتزا؟؟؟؟؟؟؟؟؟؟:shock: سمعان بهالاختراع من قبل ...بس مو ذاكر وين؟؟؟
على كل حال مو مشكلة ايمتا بدك تدوقينا ياها؟؟؟؟;)
يا أصدقائي الموضوع مو صعب ...بس اتجوز بقعد مرتي بهالصالون وبقليلها كم بيضة وبقطع شوية خيار وبندورة ... مو حاج هيك؟؟؟؟:ss:
ايمتى ما بدك، أنا على طول بيضل عندي بيتزا بالفريزر، وقت يجي على بالك أهلا وسهلا.

اقتباس:
كاتب النص الأصلي : MadMax (مشاركة 1330420)


ليش الطبخات يللي بحبوهن النسوان ... غير الطبخات يللي بحبوهن الرجال ..!!
لأنو النسوان بيحسبو الكالوري، وبيحسبو الطبخة أديش بدا وقت، وبيحسبو الجلي اللي بيطلع وراها..
هاد بالإضافة لأنو الرجال غالباً بيحب الطبخات اللي كانت تعملو ياها أمو، والمرا بتحب الأكلات اللي هي معودة عليها ببيت أهلا.

يمان Rooooonaldo 08/09/2009 15:38
اي الطبخ .. رائع جدا .. وفي الي مراق كتير فيه يعني ..

الغربة .. بتعلمك كلشي وخصوصي ازا كنت لحالك مع شباب ..

وهلا الحمد لله يعني ... من البيض .. للمحاشي والكبب .. كلو بيصير وما بيتخبى شي .. عادي يعني ..

انو ريلي .. ما هالشغلة العظيمة .. وحلوة جدا وبدا زوق ..

:gem:

mary belle 08/09/2009 16:22
نايس هالشغله..
وبعتقد انو الاكل بسير الو غير طعم(شويط مثلا):p

حيفاويه 08/09/2009 16:29
هلا انو الرجال يطبخ ويعمل مفاجاه لمرتو شي حلو كتير :gem:

بس يلي مو حلو انو رح تاكلها بتنضيف المطبخ ... لانو اكيد رح يكون قايم مو قاعد :lol:

أإأبو العبد 08/09/2009 17:58
شايفلكن الصبايا صدقو الموضوع :pos:
عالمطبخ انتي وياها لشوف:larg:

ارسلان 08/09/2009 18:34
اقتباس:
كاتب النص الأصلي : lolo510 (مشاركة 1330364)
الرجل يرغب بإهداء زوجته شي لاسعادها - معنويا " - فيطلب منها الجلوس في الغرفة ليعد لها اشهى الاطباق على العشاء اضافة الى الحلويات
تجلس الزوجة تشاهد التلفاز ويبدأ الزوج - انه فعلا يحب زوحته -
والنهاية عشاء رومانسي ودمار في المطبخ


عزيزي الرجل :
هل انت من ذاك النوع الذي يرغب بتدليل زوجته فيطبخ لها ؟ أحياناً
هل تعلمت الطبخ وهل تعرف كيفية القيام به ؟ نوعاً ما
وجهة نظرك في الرجل الذي يطبخ لزوجته او يساعدها في ذلك ؟ رِجال

عزيزتي المرأة :
هل سبق وطبخ لك زوجك ؟
ما كانت النتائج ؟
ما ردة فعلك على ذلك ؟


انتظر ردودكم .....
:gem: :D

marochka 08/09/2009 18:45
اقتباس:
كاتب النص الأصلي : أإأبو العبد (مشاركة 1330551)
شايفلكن الصبايا صدقو الموضوع :pos:
عالمطبخ انتي وياها لشوف:larg:
تكرم عينك

MadMax 08/09/2009 22:38
اقتباس:
كاتب النص الأصلي : marochka (مشاركة 1330447)
لأنو النسوان بيحسبو الكالوري، وبيحسبو الطبخة أديش بدا وقت، وبيحسبو الجلي اللي بيطلع وراها..
هاد بالإضافة لأنو الرجال غالباً بيحب الطبخات اللي كانت تعملو ياها أمو، والمرا بتحب الأكلات اللي هي معودة عليها ببيت أهلا.
لا مو قصة كالوري ولا قصة جلي


عندك مثلاً المحاشي و ورق العنب ...أغلب النسوان بحبوهن .. مع انو هني رب الكالوري

و كلو كوم و الملوخية كوم تاني
ما شفت أنثى ما بتحب الملوخية
و نادراً شوف شب بياكلها .... يمكن الملوخية إلها علاقة بالهرمونات

lolo510 09/09/2009 11:29
اقتباس:
كاتب النص الأصلي : MadMax (مشاركة 1330694)
لا مو قصة كالوري ولا قصة جلي


عندك مثلاً المحاشي و ورق العنب ...أغلب النسوان بحبوهن .. مع انو هني رب الكالوري

و كلو كوم و الملوخية كوم تاني
ما شفت أنثى ما بتحب الملوخية
و نادراً شوف شب بياكلها .... يمكن الملوخية إلها علاقة بالهرمونات
يا عيني القصة مانا قصة نسوان بيحبو اكلات معينة والرجال غير شي لان نفس الرجال بيختلفو من واحد ل واحد والنسوان نفس الشي
هلأ انا مثلا ما بحبا للملوخية بنوب وما بحطا بتمي عكس جوزي يللي بيموت فيا
في مثلا ال سباغتي بيقولو الرجال انن ما بحبوا والنسوان هنن يللي بيفضلو اكلا مع العلم كل ارايبيني من الشباب بياكلوا خصوصي بالبشاميل

marochka 09/09/2009 15:13
اقتباس:
كاتب النص الأصلي : MadMax (مشاركة 1330694)
لا مو قصة كالوري ولا قصة جلي


عندك مثلاً المحاشي و ورق العنب ...أغلب النسوان بحبوهن .. مع انو هني رب الكالوري

و كلو كوم و الملوخية كوم تاني
ما شفت أنثى ما بتحب الملوخية
و نادراً شوف شب بياكلها .... يمكن الملوخية إلها علاقة بالهرمونات
أنا ما بطيق الملوخية!! ولّي! أولك عندي خلل بالهرمونات؟؟

ما في معناتا غير قصة كل واحد وأكل أمو اللي متعود عليه، مشان هيك أنا ما بحب الطبيخ كلو :p

أم الجود 09/09/2009 15:48
اقتباس:
كاتب النص الأصلي : MadMax (مشاركة 1330694)
و كلو كوم و الملوخية كوم تاني
ما شفت أنثى ما بتحب الملوخية
و نادراً شوف شب بياكلها .... يمكن الملوخية إلها علاقة بالهرمونات
ممممممممممم ملوخية :sosweet:

شطت ريالتي ... :cry:

MadMax 10/09/2009 00:46
لك هلأ شو بدكون بهالحكي



عندي رفيق كتير بحب يعمل هالحركات ..
بس مرتو بتتشائم و بتكره حياتها كل ما فات عالمطبخ
لأنو بدا شي يومين تنضيف وراه


بقى يللي بدو يقدم هدية ... يعزم المدام على شي مطعم مرتب ..



و خللي كل شخص بمطرحو


الساعة بإيدك هلق يا سيدي 14:56 (بحسب عمك غرينتش الكبير +3)
الصفحة 1 من 2 1 2 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02801 seconds with 10 queries