شلة "لا تعمم"
 

اول شي مسا الخير
كيفكم
مناح يمكن او يمكن لأ
صافنين بهالشاشة بعرف
وعم تستنوني لقول شو الموضوع:larg:

الموضوع كتير بسيط:adal:
اللي صاير هون وبرا انو الوضع مش محتمل "اللي هو التعميم"
يعني بيجيك واحد جاهل ما بيعرف الخمسة من الطمسة سامعلو كلمتين تلاتة وبيعمل منن قاعدة وبيبلش بالعالم على فلسفة وحكي فاضي وقال شو نسبة وجودها "اللي هي الظاهرة اللي وجدها اخونا بالله" 99.9%

هلأ انا بيني وبين نفسي كوني مواطن عربي مستقل والي حق عام
والي حرية رأي وبقدر اعترض وقول اللي بدي اياه:pos:
حبيت اني اكون شلة او حزب او جماعة "لا تعمم" بنفس معني لا للتعميم
بس مشان حقوق الطبع وما الا ذلك

فهون للي حابب طبعاً رح يتم تعيين اداريين واعضاء الشلة
وبانتظار الشبيبة:deal:

طبعا شروط ما في
ورح نعمل شوية نشاطات بعدين بنحكي فيها

ملاحظة: يمكن البعض منكم فات بالحيط وما فهم علي شو بحكي وعم يقول بعقلو
"الى متى هذه الظاهرة" أو "شو بدو هالبني ادم" :cry:
فبلاها التعليقات الدخيلة واهلين وسهلين

انو ماشي كلامك
بس مش في هيك شلة من قبل ؟؟ متذكرة كانو يكتبو بتواقيعهم لا تعمم مدري شو ؟ :?

اي اي قديمة قصدي مكرر ..:p

كان في شلة اسما لا تعمم شو مشان.. وعلى ما استظن انو كان القائد تبعها الحج ميرو ...:lol:

انا برأيي كافينا شلل يعني جميع أنواع الشلل والإعاقة صار موجود :lol:

نسيت قلك يا سليمان انو ظل جيفارا منزل هيك موضوع من اكتر من سنة وفي الو حزب وقيادة عامة وقصص بتعجبك
نكش الموضوع وطلعو :lol:

شو هالتقليد ... :jakoush:
ما بتعرف انو في عنا شلة اسمها ..
عصابة " لا تعمم - شو مشان ؟ " :humm:

القائد كان ظل جيفارا ..:gem:
اما انا .. كنت رئيس جمهورية "ما دخلك " المستقلة ... وصرت وزير الصحة بهالعصابة :larg:

معك ..مع اني فتت بالحيط :larg:

انو شلتين :?
ما كان في شلتين .. كانت بس شلة "لا تعمم شو مشان ؟ " وبس ..:jakoush:
اما جمهورية "ما دخلك" المستقلة .. فما اعلنت عن دخول مواطينين جدد اليها غير انا وميرو وسامان وابو المير وبس :pos::sosweet:

شو كنت مستلمة انا:larg::larg::larg:

بتزكر انو بالموضوع كان الحكي عن موبايلك ذو البطاقتين .. عندك سيم يا هلا و سيم اريبا كان :lol:
ويمكن كنتي مستلمة وزارة الخارجية .. :larg:
بما انو البق منصب للمرأة هوي منصب وزارة الخارجية :gem:

:? :? :?

انو ما علينا يعني يمكن خربطنا وما بدنا منك لا سماح ولا نور ولا سوسن كمان ..:frown:

اي يعني شو هلأ.. في شلة ولا مافي..

بدي اعرف لانو ع الحالتين ما رح اشترك.. :lol:

طيب منيح ماشي اوكي خلص بكفي فهمنا

بنغيرو للأسم مافي مشاكل

شلة "شوكة بالحلق"

على فكرة انا بعرف بالموضوع مشان هيك ازا قرأتو منيح انا كاتب حقوق الطبع محفوظة
بس هالجماعة ماطولت كتير وانا حابب نبلش شغل جديد
ممكن نخلي الاسم او نختار الاسم الجديد بنشوف اقتراحاتكم

هلأ بالنسبة للكومنت
سامان حقك على راسنا يا مان وسامحنا
سوا ربينا عراسي حامي ظهري نوت وشكا للتنبيه
لما وصلت الفكرةواهلين بس منيح ازا بتنورينا كونو رفيق دربك كان المؤسس للحزب المشابه
ماهر مش فاهم انت بتسب ولا بتمدح على كل حال اهلا وسهلا
الباحثة عن الحرية وسن شاين ويلكم
روعة 1 بلاها

بتعتذر لأن ما اقتبسنا بس في مشكلة بالبراوزر

هلأ بدنا نشوف مين الاعضاء
وشو المهامات الموكلة
وشو رتبة كل أخ

لتس جو

عجبتني قصة شوكة بالحلق، إذا هيك أنا بحب اشترك، بيمشي الحال؟ ولا الشغلة بدا C.V. ومن هالحكي...

ما بدا cv ولا ضراب

بس بدنا يكتمل النصاب
هلأ اول شي يتوفر الشواغر الاتية

رئيس مجلس ادارة
امين سر
وزير الاعلام (بالنسبة الي اهم شي)
وزير داخلية
ووزير خارجية

بكفي وزرا هيك الباقي مالون طعمة

وكمشة اعضاء

وبعد هيك رح اكتب قائمة المهام وكيف رح يصير الشغل

وأنا كمان بدي أنضم إزا في مجال يعني ..
بدي صير عضوة :gem: