|
كفرتني الله يومية
اليوم يا حبايبي يا امامير جبتلكون نثر شعري بهالعنوان حبيت اطلعكون عليه عالحارك طبعا من شي منتدى مو انا المؤلفة بس عجبني وانتو عليكون بالرد هو: يمكن دموعي نشفت يمكن زهقت مني يمكن بكل الأوقات لما منركض بالساحات أنا بنده على اسمي و بتنده انت على اسمك ومامنسمع غير آهات منتمنى بلحظة وحدة انت وانا والوحدة كل واحد يكون لحاله كل طرف منا يهرب من خياله قولك فيك بعد تعرفني بعد مالزمن غيرني فيك تميز عيوني من الوجوه المشوهة في تميز جفوني من القلوب المكسرة فيك ترجع تندهلي ومن غيماتي ترجعني فيك تحلم في وكون حلمك الوحيد فيك تبكي بعيناي وتكون احساسي الجديد فيك لما تضحكني ماتكون عم تضحك علي فيك لما تمدحني ماتكون عم تطعن في فيك لما بالليل تصلي وتطلب من الله شي كلمة كون انا جوى قلبك مش من برا شابقني فيك لما تكون معي وعم تتنهد بديناي ماتكون عم تفكر كيف تقلب تنهيداتك علي فيك ترحم الله فيك كفرتني الله اللي خلقك... يومية |
فيكي مش كل ماشفتي واحدة عم تحكي ولو بس كلمة تعملينا تنين عشاق تعمليني مغرم مشتاق مابقى في غير هالخبرية كفرتيني الله ... يومية |
هي : فكرك اني مبسوطة؟ و منّك محسسني اني ملبوطة؟ كرمال الولاد مضطر احمل و كل شي وحدي عم بعمل بتذكرني الصبح و الظهر و اوقات عشية للجلي و الغسيل و تحضر عصرونية شو كنت حب لمن تناديلي للاشيا الخصوصية بس حتى هيدي صرت اكره و حس حالي بمسرحية نسيت كيف اضحك ..قلت لضحك الناس عليي طلعت حتى هيدي مستكترى عليي لك ايه روح يا ..كفرتني الله يومية |
هو: اي أمور خصوصية وانتي كل يوم عشية مش معي بدك تكوني بدك تعمليلي أمتحان إذا كانت أفكارك مجنونة وانا شي يوم كنت تعبان بتصيري تطلعي بعيوني تتشوفي نظرة جبان وشياطينك الملعونة بتاخدك من مكان لمكان أصحي حاجي مفتونة بألاعيب النسوان |
هي: ليك يا إبن الناس عليي إفهام و إسماع إزا كنت مفكر الكاس رح يشفعلك قوم إركاع لربك و صلي ركعتين بركي بصير فيك تقشع إنو أنا مانّي مجدوبة وعلى أمري مني مغلوبة و من نظرة بفهم الألعوبة و حكيك اللي كلو أكذوبة فإذا بدك حجة ..ما تتحجج فيي أنا خلص زهقت من هل الخبرية بكرا ضابة غراضي و طالعه ع بيت بيي و بدك تلحقني وتبوس إجريي و تركعلي و تسجدلي وتموت عليي و انا رح قلك ما بقى فيي فل بقى...كفرتني الله يومية |
عاملّلي حالك حساس يا مجرصني بين الناس بتسرب عالبيت ليلية ما بسمع منك ولا خبرية و بتسألني بصوت جاعوري وينوي الخبز التنوري و بدك مين يسكبلك الشاي و بتعملي فيها قبضاي و ما منعرف نخلص هالقضية ايه حبيبي وقف تقلك بالاملية صار لازم نفرط هل البكرة ما عدت أحمل النطرة لبكرة و أوعى تخاف عالنفسية أنا بعدني مرا قوية خلينا نحلا و نتحلحل و كل من ع بيتو يتيسر برجعتي لأهلي بدك تمرمر و تتمنا لو اني بتكرر بدك ترجعلي لتقلي يومية أنا عم اتأثر و لله بطلت الكفرية.. بس بوقتا يا فرفور الرجا بكون مقطوع لان كفرتني الله أبدية |
بس هيك يمكن جيب البقية يعني يتبع :p
|
اقتباس:
الله يعطيكي على قد نيتك :larg: |
اقتباس:
|
مممممم ..
اي ليش لاء؟ هاتي لنشوف .. انشالله يتمو عم يكتبو :o |
أكيد في يتبع إلى ما شاء الله، ما هي غنية الشيطان، مستمرة منذ الأزل وإلى الأزل
|
الى الاماااام عزيزتي ..
:) |
| الساعة بإيدك هلق يا سيدي 08:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون