|
من امتى الأخوية ماشية على نفّذ ثم اعترض ؟
ما عم احكي على قصة المخالفة
بس والله كبرانة شغلتك يا سامر وعم تبعت مخالفات :lol: عم احكي على قصة العسكرية اللي عم تمشي على السقيفة :shock: مطلوب مننا انفذ ثم نعترض ؟ ما بالأصل انا شايف انه القرار المطلوب مني تنفيذه غلط بغلط وجاية من حوي الموضوع .. كله تعفيس بتعفيس .. بس انه القرار بالتحديد مافيه جنس المنطق والصحة .. لا بل بيتعارض مع الفكر اللي انبى عليه المنتدى واللي هوي الحوار بين الاشخاص مو ضربني لأضربك . ففي شي توضيح بخصوص آلية البسطار العسكري الي عم يتم تطبيقها بالأرضاي العليا للأخوية ( السقيفة ) |
مو أي احترام للنظام .. يعني نظام عسكري
إذا شي مرة حطينا ملاحظة إشرافية .... ليش بتعتبروها كبيرة بحقكون إذا تقيدتو فيها موضوع صرلو اسبوع ما حدا مقرب عليه .. لما قلنا خلص التصويت .. و صار الدور عالمشرفين يحكوا ...( يللي كانو ممنوعين يحكو من قبل ) .. صرتو حابين تعلقوا عالموضوع فـ أنو ما كان فيها انتقاص من كرامتكون .... لو تقيدتو شوي بنظام الموضوع |
هلق انتبهت على الموضوع انه صاير فيه للمرة العاشرة على التوالي تحذيف ردود
يا حرام الشوم :lol: وبالأخير منحط الحق على الحكومة انها ما عم تستوعب مفهوم السلطة والمراكز اذا تلوينة بموقع افتراضي مع شوية صلاحيات عم يطلّع كل هلمرض بالتعامل وكل هللامنطق من فرض آراء وقمع كلمات . فليش العتب على القمع والمطالبة بالحريات بالأول لازم ينعمل تأهيل لمفهوم السلطة وبعدا بتتوزع السلطات ( عم احكي هون على خبرة حياتية مو حياة افتراضية :p ) |
اقتباس:
إذا خلصت .. يا ريت تسكرلنا هالموضوع بطريقك |
اقتباس:
طب واذا انا شايف انه غلط هلقانون بنفذ بعدين بعترض ولا بنفذ وما بعترض خلص ماشية ماشية :? انت عم تشوف القصة بمنظورك انك سانن قوانين وما عم نتقيد فيها وضريبتها المخالفة انا عم شوف انه القانون غلط بالأساس وغير عقلاني وما بيتماشى لا مع الحادثة ولا مع روحانية المنتدى وفكرته الأصلية وتوجهاته ، منرجع لفكرة نفذ ثم اعترض واستخدام السلطة ما عم افهم ليش متدايق من التوصيف مع انه واقع مليونين بالألف لهلحالة هي . بخصوص ردود المشرفين بحسب فهمت السبب من عدم السماح للمشرفين بالرودو هوي انه مشان ما يصير مدايقات للأعضاء ومشان يقدروا الاعضاء يعبروا عن آراءن دون ضغوطات من المشرفين ودون مشاحنات بس ليش ممنوعين الأعضاء من الرد علمشرفين هلق ؟ مثلا يعني مثلا المشرفين خجلانين من الاعضاء وبدك تمنع الاعضاء من التضييق على المشرفين بالرد :o ماني مضطر اتخالف على عدم انضباطي بقانون خاطئ مليونين بالمية ما بيحمل من المنطق شي ولا بيحمل من روح الأخوية شي . بزمناته بمسرحية ناقدة سألوه لواحد : كيف صرت مُفلس وعم تشحد بالطرقات والديون راكبتك ركب ؟ قلن بلشت القصة بشكل تدريجي بعدين شفت حالي فجأة بهي الحالة خوفي مع الأيام يصير في قانون من سيادتكن انه يمنع على الأعضاء الكتابة بغير لون الزهري مثلا وعلى الاعضاء الانضباط وكل مين بخالف هلقانون بيستحق المخالفة :lol: في ضوابط للقسم وما حدا خالفها وما من حقك حتى لو كنت "منسّق " بالقسم تطلعلنا بقوانين وضعية خاصة بكل موضوع وعلينا الالتزام فيها . ورجاء يا حذوف الموضوع كله يا رجع كل التعليقات لأنك حارق دين فكرته بحسب توجهاتك وقراءتك الخاطئة اله . |
اقتباس:
مو بتخالفو ..... لأنو ما عجبك ما في قانون بأخوية .. بيرضي كل الاعضاء .... هادا ما بيعني أنو العضو يللي ما عجبو ... بيقدر يخالف اقتباس:
بس خلال كم ساعة صار 13 صفحة ... كلون عبارة عن خناق ... بالإضافة للسلامات و طق الحنك فكرة الموضوع بتقول أنو تصوت لمشرف .. أنو ما عجبك أداءو .. و تكتب السبب و على المشرف أنو يرد و يبرر أداءو أما الخناق و السب و الشتم ....فـ مو هو مضمون الموضوع .. ولا فكرتو و إذا انت شايف أنو هيك فكرة الموضوع .... فـ بحب قلك أنك غلطان أو يمكن فهمان الموضوع غلط .. أو هيك يعني .. صار سوء تفاهم بالقصة |
انو اسمحلي لما حذفت ردود من الموضوع ماكانو كلون طق حنك ولعي فاضي انا مثلا وبنفسجة كمان صحي كان في سلامات وطق حنك بس مو الكل مع هيك انحذف
|
اقتباس:
بس الأخوية اللي بعرفها ما بتعترف بهيك قوانين وبتنادي لانهاء هيك طريقة وضع قوانين وتشاريع عملك فتلة على المنبر بتختصر علي حكي طويل . رح نبقى بخصوص الاعتراض ليكني هون بالمحل اللي لازم يتم الاعتراض فيه عم أعترض تفضل اشرحلي فكرة القانون وكيف انه صحيح ومافيه اهانة لحرية الاعضاء انك تمنع الاعضاء عن الكتابة فقط لمجرد المنع ( عم حاول افتلا براسي ما عم شوف غير سبب ) اقتباس:
بتقدر كنت تحوله لحوار مفتوح بين الأعضاء والمشرفين وبتقدر كنت تحوله لسكنة عسكرية اللي بيحكي فيها كلمة بطير رده بعرف أنه السقيفة جزء من الأخوية وانه الها قوانين وضوابط بس كمان مانه المنبر ليتم غربلة الردود من 13 صفحة ( على ذمتك رقم 13 انا من كل فكري 8 .. الهيئة راحت علينا 5 صفحات بالعبطة .. هممممم ) لنص صفحة عدا ونقدا فقط لا غير !!! اقتباس:
طريقة ادارتك للموضوع ما بتدل غير على عدم فهم فكرته بالأصل مقدر انه في بالقصة حساسية كبيرة وقت بصير الموضوع شخصي وحكي مباشر بمس المشرفين وبالأسماء بس بالأخير نحن بالأخوية وما بحياتها الاخوية مشي عليها قانون نفذ ثم اعترض ومنع مجموعة من الأعضاء او فئة معينة عم مشاركة دون الأخرى بزمناته ولمرة واحدة فقط نزل بارليب مقلاية طلب فيها من الأعضاء الجداد عدم المشاركة كونن ما بيعرفوا الاشخاص اللي عم ينقلوا قامت الدنيا وما قعدت فكيف اذا منعت الأعضاء عن المشاركة بالمجمل وبدون أي سبب منطقي بس هيك مشان ديزيان الموضوع يطلع كله بالأول اللي عم يكتبوا زرق والباقي بصير ملونين . |
اقتباس:
بس لما صارت معظم الردود خناق و طق حنك ... حطينا ضوابط للموضوع ..... و صار الحذف على اساس هالضوابط .. يعني متل ما قلنا الردود بتصير بس لتبرير التصويت حتى أنو الردود يللي فيها دفاع عن بعض المشرفين .. حذفناها بناءاً على رغبة الاعضاء |
اقتباس:
بس وقت نزلت الضوابط وطار الي طار وما بقي بلموضوع غير ردين !! العالم ( وانا واحد منن ) قرفت من الموضوع وحسيت أنه تم تفريغه من محتواه بكل معنى الكلمة مع هلشي ما عم عاتبك على شي صار وليش منعت المشرفين من الردود عم قلك انه فيها وجهة نظر مشان ما يصير ضغوطات على الاعضاء قبل التصويت بس حاليا التصويت تسكر وصار وقت العالم تحكي مع بعضها ليش حتى ينمع الأعضاء من المشاركة ؟ عم طالبك بهدف واضح ومنطقي وجدا جدا جدا ضرروري لتضطر تكسر احد اهم عواميد الأخوية ( حرية المشاركة !! ) بسببه . تعديل : يعني المشرفين كانوا ممنوعين من الرد لانتهاء فترة التصويت يعني قانون واضح مو ضبابي بس هلق الاعضاء اللي انا واحد منن ممنوعين من الرد لأجل غير مسمى ومافي ضوابط بالموضوع وهيك على الله ماشية القصة ؟ يعني شو عم نستنى يتغير منسق القسم ليحقلنا نكتب رد بالسقيفة ولا انه ترجع تتهكر الأخوية وتشتغل مكنة الزمن تبع الحكيم وترجع فينا الايام لسرسورة :o |
اقتباس:
مشان هيك عملنالكون موضوع لطق الحنك و ثبتناه كمان .. لأنو معظم الردود كانت طق حنك اقتباس:
أنو نفتحلك منبر تسب فيه .. و لا تتسلى فيه .. و لا شو بالضبط قلنالك عندك مجال تكتب نقدك للمشرفين بس ما عندك مجال تفوت تسلم على رفقاتك ... و تصبح عليهون أو تفوت تنكّت و تتهاضم يعني قرفت من الموضوع ..... فيك ببساطة ما تفوت عليه اقتباس:
أما إذا شايف في مشاكل تانية .. فـ بتقدر تناقشها بمكانها المخصص اقتباس:
هلأ بالنسبة لمنسق القسم و هالقصص .... و انو يتغير المنسق لتقدر تكتب فما بظن في مشرف بأخوية مو عاطيك مخالفة انت بالذات يعني يمكن انت الوحيد بين الاعضاء يللي عندك خمس صفحات من المخالفات ببروفايلك و 11 مشرف مخالفك فما بظن كلون ظلموك ... .. أو كلون غلط و انت الصح |
اقتباس:
مشان ما تتعذب اتدور على السؤال بين كل هلحكي تفضل استلم عندك هلسؤالين : الأول هوي هاد : اقتباس:
اقتباس:
المشرفين كانوا بيعرفوا التوقيت اللي رح يشاركوا فيه اما الاعضاء فالأجل غير مسمى ( عم احكي على بقية الاعضاء كوني غير معني بالانضباط بهيك قوانين اللي حطوها ما بيعرفوا شو الغاية منها وشو اللي عم نستفيد منه ) فامتى رح تأعلنوا بالسكنة العسكرية عن موعد الزيارات .. عفوا عن موعد السماح للأعضاء بالمشاركة ؟ الا اذا كان عندكن نظرة مستقبلية بأنكن تمنعوا بالمرحلة التالية المشرفين والأعضاء بالمشاركة وتسمحوا فقط للحكيم بالمشاركة ضمن الموضوع فبكون فعلا لله في خلقه شؤون .. بس ماني مضطر نظّر خلق الله قدامي . منتظر الاجابة اللي بتمنى هلمرة تجي موضوعية بعيدة عن الف والدوران . |
اقتباس:
اقتباس:
مشرف القسم .. يعني هوّ مشرف القسم سواء نالت هالفكره الرضا أو لاء فهو المسؤول عن القسم و بناء على ذلك معه الصلاحيات اللي بتخليه يمشي القسم بالصوره اللي هو بشوفها انسب .. و اذا بنجي لنطلع على السقيفه اليوم و السقيفه من سنتين بنلاحظ الفرق .. بتذكر من فتره قريت رد على اعتراض بالبريد بيقول فيه فكره لازم كلنا نتعود نتعامل معها باريحيه اكتر شوي (( كان الاعتراض على اسلوب ريم بالتشريفات )) : اقتباس:
مش معنى هالحكي اني بشكل شخصي بوافق ( او ما بوافق ) على الاساليب اللي عم تصير لكن هاد الواقع يعني فما فينا نعمل شي .. اقتباس:
|
اقتباس:
على علمي في مواضيع معينة متل نقل أخبار للتكنوجيا ... اخبار الطقس .. عناوين الصحف اللي بالأصل ما بكون هدفها الحوار والحوار بالحالة الطبيعية ضعيف فيها يعني اذا واحد قلي انه الطقس بكرا بحلب ماطر ؟ اي مرحبا عمو يعطيك العافية بشو بدنا نتحاور بكام سنتمتر لازم يكون سمك البلوزة ؟ بس وقت موضوع معتمد على النقاش بمحروه مافيه شي غير النقاش يعني شو النفع هلق منه ؟ لا الاعضاء عبرو عن رأين .. المشرفين اتدايقوا لأن العالم نقدتن .. وما حدا طلع رضيان وكله بسبب الطريقة الخاطئة والغريبة والفريدة من نوعا بقيادة الموضوع والشروط الللي انسنت خصيصا اله واللي حاليا عم اعترض عليها وحاسس حالي عم قدم اعتراض على شي دستور جمهوري من التعقيدات الصايرة .. انه يا عم انا عم اعترض واعتراضي واضح تفضل جاوبني على قد سؤالي وقلي شو قصدك بهلقانون وشو الهدف منه وبعدا منحكم اذا هلقانون بينفع لهيك حالات ولا لأ كتير صعبة ؟ اقتباس:
انه ما تتعشب الموضوع واتطير فكرته وبالأخير نطلع بلا جواب وتصير القاعدة : نفذ .. وبدي العن ربك اذا بدك تعترض :lol: انا ما ذكرت اسم ريمي بكل الموضوع وما حكيت ولا حرف على الصالون ما عم قول انك مشرفة الرسم والتصوير وما من حقك تردي على موضوع بالبريد .. ردي ما عندي مشكلة بس ياريت شوية موضوعية يا جماعة ما بدنا اتضيع الطاسة خلينا نرجع متحممين ونضاف على بيوتنا . اقتباس:
يا جماعة ليش كل هلت والعجن والمسخرة والحكي اللي بلا طعمة اذا كان الموضوع "سخيف" بالأصل ليش مهتمين فيه كلهلقد وعم تفصلوله قوانين خاصة فيه ؟ الموضوع عبارة عن تقييم بصير بأي مؤسسة وبأي شركة لك حتى بالحركة الاجتماعية اللي انا بشتغل فيها في بأخير كل سنة شي اسمه " مراجعة حياة " عبارة عن مجموعة اسئلة اجوبتها بتقيم مدى علاقة المتطوع " انا بهلحالة " مع الأشخاص اللي يفترض مني خدّمن ومدى نجاحي بتأدية عملي هلحكي بصير بحوار مفتوح وبمشاركة كل المعنيين بالأمر ودائما بيعطي نجاح باهر بتحسين آلية العمل بس ما بتذكر ولا مرة ناقشني حدا بقصة شعري وبلون جراباتي الرجاء من المشرفين الحابين يتسلوا ينطوا على موضوع طق الحنك سبق وقلت في عندي القالب تبع boozy عم نشتغلها عليه وماني فاضي لأحكي بقصص يفترض يكون مخلوص منها ( حملناها 100 منية للمخلوقة على هلقالب بالأخير بدا تقلي روح ما عاد بدي تشتغلي شي :o ) في سؤال واضح بالموضوع لشخص واضحة هويته واللي هوي مشرف/منسق السقيفة مطلوب تفسير واضح ومنطقي لتصرف معين ومحدد بعينه وبدون اي اشكاليات أو لبس بينه وبين تصرف تاني . الرجاء التعاون . |
اقتباس:
لكن اللي بشوفه فيما يخص هالموضوع انو ما حدا منع الاعضاء من انها تعطي رأيها خلال هالشهر اللي الموضوع كان فيه قيد التصويت .. يعني كان فيه العضو يعطي رأيه من خلال التصويت و يكتب أسبابه و نظراته و توجيهاته و حتـّى نصايحه للمشرفين .. هلأ متل ما شاف ماكس انو لازم ينعطى الحق للمشرفين اللي تم ذكر اسماءهم و ذكر اساليبهم و ما اليه .. صار حقهم يردو على الاستفسارات (( اللي المفروض نزلت مع التصويت )) بهدوء .. أي يعني تم قسم الحوار لجزئين .. أو هيك شي .. أنا يمكن كنت تعاطيت مع الموضوع بطريقة مختلفه و فلان او فلانه كانو تعاطو بطريقه تانيه ايضا مختلفة .. و كونه ما عجبتك الطريقته لسامر فما بيعني انو تخالفها غصب عنه ! على كلـّن ما يبدولي انو في نتيجه من الدخول بتفاصيل الموضوع لأنه على ما يبدو مافي نقطة مشتركه عم ندور حولها أنا و انت .. اقتباس:
اضافة لهيك يعني ما فهمت شو قصدك بحقي ولا مو حقي و الموضوعيه و الطاسة لكن رح اعمل حالي فهمت و ما بدي رد :lol: .. اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و بحب هالاسلوب و كتير بيستهويني و بفيدني بشغلي .. لكن انا اللي عم حاول قوله انو ما شفت انو اسلوب سامر بالموضوع منع حدن من انه يعطي رأيه أو بمعنى آخر ما شفت سامر عمل شي يستحق كل هاللي عم يصير بهالموضوع .. من هالمبدأ اجى ردي لكن يبدو متل ما ذكرت سابقا ً ماف نقاط مشتركه بين هدفي من الحديث و هدفك منه لذلك فيك تكمـّل بمنهجك بالأعتراض |
اقتباس:
في سؤال واضح بالموضوع لشخص واضحة هويته واللي هوي مشرف/منسق السقيفة مطلوب تفسير واضح ومنطقي لتصرف معين ومحدد بعينه وبدون اي اشكاليات أو لبس بينه وبين تصرف تاني . الرجاء التعاون . / :D |
لسعتني عم انتظر الرد الخاص بهلموضوع تبع البريد على (الاعتراض) اللي ( هون محلو )
اما في حال ما كان عندك أي رد على المشاركة رقم 12 بتمنى تفوت على الموضوع هون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وتقدم اعتذار علني على الخطأ اللي صادر منك بحقي + تعيد نشر الرودو الخاصة فيني وخصوصا الرد الأخير على ريمي لأن مافي أي منطق بحذفه وفي حال كان عندك منطق معين بتمنى تشاركنا فيه هون . هامش : عذار "اشراف اداري " على اعادة فتح الموضوع من بعد ما اغلقته ... هلصفحة ما تقدم فيها جواب وما صارت من مجموعة " شغلات خلصنا منها " . :D |
اقتباس:
شو قصة الرد على ريمي؟؟ :x |
| الساعة بإيدك هلق يا سيدي 04:23 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
, هيك اجواء رسيمة بدك تقول ) .