|
حلبي في المطار
: ..حلبي في المطار ..: في واحد حلبي مسافر معه خمس قطرميزات فليفلة حدة .. قال له الضابط بالمطار : ممنوع تأخذهم معك .. يا تكبهم .. أو نصادرهم .. أو تاكلهم .. !! قال الحلبي : لا والله .. آكلهم أحسن ما تلطشوهم .. أكل القطرميز الأول .. والثاني .. ووصل إلى الثالث .. إجالو شيخ قالوا : ياإبني سمّي ( قل بسم الله ) حتى ماياكل الشيطان معك .. قال له : خليه ياكل .. وفتح القطرميز الرابع وبلش ياكل .. رجع الشيخ نبهوا ثاني مره مشان يسمي .. بس ما رد عليه .. فتح القطرميز الخامس وبلش بدو ياكل .. آم طلع لو الشيطان و عيونو و وشو منفخين و لونهم أحمر والعرق نازل منه وهو عم يصرّخ :: يستر على عرضك سمّي .. !:! |
هههههههههههههههههههه
ذبحو للشيطان هاي في سيناريو تاني لنفس القصة بيقلك طلعلو الشيطان وقاله : اخي الكريم لو تغير هالاكلة لو تسمي قبل الاكل |
هههههههههههههههه
حلووووووووووووووووووووه |
حلوة
تحياتي الك |
ههههههههههه
حلوة |
روعة و هاي واحدة مني كمان
قال واحد صعيدي ضل ياكل فول ٢٥ سنة اخر شي طلعلو الشيطان قلو شوف ولا حمار يا بطل اكل فول يا انو سمي قبل ما تاكل :lol::lol::lol: شكرا:D |
وليش مو حمصي مثلا :sly:
|
اقتباس:
لأنو الحلبية بيحبو الشطة من 3 سنين أكلت أكلة كباب بحلب لهلأ عم تحرقني :lol: |
يسلمو ها الإيدين ..... والله حلوة
أول مرة بضحك هيك ..... شكراً:clap: |
ههههههههه
حلوة بس مافهمت ليش حلبي :shock::shock: شو ما حدا بياكل فليفلة غير الحلبية ولا مشان القطرميزات :shock: بعدين انت اكيد اكلتي الكبة بحلب لان اول مرة بسمع بكبة بالشطة |
هع......:larg:
لك حتّى مدوّخين الشياطين نحنا........:gem: |
| الساعة بإيدك هلق يا سيدي 14:11 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون