|
رجل في الـ 57 من عمره ينال شهادة الثانوية العامة
الحاج صبحي الهايس … رجل في الـ 57 من عمره ينال شهادة الثانوية العامة بمجموع قدره 184
استطاع “الحاج صبحي الهايس” (57) عاما ً من أهالي دير الزور و هو موظف متقاعد و رب لأسرة و له أحفاد ، نيل شهادة الدراسة الثانوية العامة ( الفرع الأدبي ) لدورة 2009 و بمجموع و قدره 184 درجة - دراسة حرة . و قالت صحيفة الفرات إن “الهايس” يتطلع إلى الشهادة الجامعية محدداً توجهه لدراسة الأدب الانكليزي أو الاعلام . و كان ” الهايس” تقدم في دورة العام الماضي لنيل شهادة التعليم الأساسي (التاسع) حيث نجح فيها بمجموع 192 درجة . يذكر أن “الحاج الهايس” خاض امتحاني الشهادتين مع ولديه الأصغر في شهادة التعليم الأساسي و الأكبر في الثانوية . المصدر : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
حبيت هلخبر كتير :gem:
مبروك عمو :lol: :D |
برافو عليه جد :?
|
أي والله مبروك يا عمو الحج صبحي... وبرافو كمان
بس أنا عجبتني هالمعادلة وظيفة>>تقاعد>>بكلوريا>>جامعة حلوة يعني :lol: أحلا من بكلوريا>>جامعلة>>عطالة |
ايه تسلا و نجح:p
مبروك:D |
57 واخد البكالوريا بمجموع مو قليل
وانا 28 سنة ماعم اعرف سجل بالجامعة:oops: |
براااااااااااااااااااافو ياعمي براااااااااااافو
|
شي حلو
برافو عليه |
والله .. حلوة حلوة ..
هاموش .. قولتكم علّم على ميرو ولا تسؤ .. :p |
اقتباس:
|
ياسيدي في عنا كل شلشة بسوريا .. قصدي .. معجزة .. شي كذب ... بل مرض نفسي .. :lol:
يلعما .. قديش إلو خلاق لحتى ماسك كتب وعمرو مدري قديش .. وقعد يدرس .. منيح اللي لساتو بيشوف .. عنجد برافو عليه .. يعني .. أبداً مانا سهلة بهالعمر ... :larg: بيذكرني بهالمثل .. (من جد وجد .. ومن سار على الدرب وصل .. ) بس المشكلة الكبيرة بتظهر إذا كان صرلو من إيام بكلوريتو عم يسير عهالدرب ..;) |
والله كفو:gem:..طيب اذا انزنق كيف بدو ينقل:?..أولكن بيطس:shock:
|
اي منيح . ليش لأ
من فترة سمعت انو كل نزلاء سجن حلب المتقدمين للبكلوريا نجحو و كان في مجاميع منيحة فـ برافوو :D |
مبروك حجي :D
والله قوية |
عنجد رائع
ان انسان مابيومن ان فرصة راحت عليه وخلص يالله نستسلم للمرحلة وبتنمالو التوفيق بدراستو للفرع الي بيرغبو |
بكييييييييييير
|
عن جد برافو عليه :clap::clap:
انه عنده ارادة وتصميم قوي حتى درس وهو بهالعمر وحقق الشي يلي بده ياه عقبال التخرج من الجامعة |
اي الف مبرووك...عقبال احفادو ..:lol:
بس بتعرف ولاشي .. السنة الماضية على ما اذكر واحد عمرو 74 كان بيقدم توجيهي وكان ضايل عليه مادة انجليزي .. بس ما بعرف ازا وقتها نجح فيها او لا...:lol: |
| الساعة بإيدك هلق يا سيدي 05:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون