|
معركة ميسلون كل عام وانتو بخير
 لايسلم الشرف الرفيع من الأذى ... حتى يراق على جوانبه الدم اليوم ذكرة معركة ميسلون اللي صارت بمتل هاليوم بسنة 1920 وقتها البطل يوسف العظمة قرر يواجه القوات الفرنسية بعد ما قرر غورا يفوت ع الشام المعركة بكل تأكيد ما كانت متكافكة لا من حيث الكم ولا من حيث الألات القتالية بس كانت نصر كبير بحيث انو وزير الدفاع بذاتوا طلع وغير انو هني زرعوا بذرة مقاومة قوية بين الشعب السوري انو فينا نقاوم الاحتلال لو بالعصي وبايدنا بس فكل عام وكل السوريين بخير وانشالله هيك يكترو الوراء اللي على شكل يوسف العظمة  الجيش الفرنسي بقيادة غورو  المقاومين السوريين |
كل عام وانتو بخير :D
|
حتّى المعارك والحروب صار ألها ذكرى طيبه بنفوسنا . . ! ! :shock: شو مشان الوضع زينو ! ! :p عكل حال كل عام وانت بالف خير , وعقبال المعارك الجاي . . ! ! :D |
طيب انت بتعرف شي عن معركة ميسلون .؟؟!
:? |
:D كل عام وسوريا حرَة أبيَة :D |
تحية الى من ضحى بدمه وروحه وأبى أن تحتل دمشق بدون مقاومة |
رح احكي قصة ما بعرف اذا هون محلها
بزمناتي كنت قاعد مع بابا عم نحكي على مناهج المدرسة وكيف انها ما بتترك مجال للإبداع سألته :" وشو ممكن يأبدع طالب التاريخ مثلا ؟ ما هوي مجموعة حقائق ووقائع مافي اي مجال للإبداع ." جاوبني انه الابداع بيجي انك تحط الوقائع قدام الطالب وهوي يبني استنتاجاته بناء عليها عطاني مثال عن معركة ميسلون ... قلي انه بدل ما يتم لزق الشعارات والمصطلحات بوصفا الافضل ينعطى للطلاب الحقائق .. عدد أفراد الجيش الفرنسي .. عدد أفراد الجيش السوري .. عدد الضحايا من الطرفين شو ترتب على هلمعركة من نتائج وبيبقى للطالب ترك اختيار قراءته الخاصة فيه وعرضا على بقية الطلاب ممكن يشوف مجموعة طلاب أنه شخصية يوسف العظمة كشخصية بالتاريخ تمثل البطولة والخلود وممكن مجموعة تانية تشوف أنه مجرد شخص متهور فات بمعركة ما كان حاسب نتائجها وهلشي أدى إلى وفاته ووفاة كل شخص معه .. بمعنى أنه راح انتحر بشكل أو بآخر . بعد شي يومين رجعنا انا وبابا قعدنا نفس القعدة قبل ما نفتح أي موضوع قلتله " بس يوسف رح يبقى بطل بنظري " ابتسم أبي وقلي " وبنظري أنا كمان " عفوا على الأطالة بالقصة .. بس شخصية يوسف العظمة من اكتر العظماء اللي بحترمن بحياتي وبحس انه المكان اللي رح ينقال اسمن فيه لازم يتصاحب مع شوية طقوس من التدقيس والتأملات . تحية لروح كل حر ولكل انسان بعيش حالة الانتماء وبيفدي روحه ليحيا وطنه . :D |
اقتباس:
أنا معك بكلامك بس للأسف اليوم صار كلو مقولب ومؤدلج . وكل الناس صايرة يا مع بالمطلق يا ضد بالمطلق . وهو الشي يلي بلشت اسمعو اخر فترة ( مابعرف اذا من زمان ) . في ناس بلشت تنال من تضحية يوسف العظمة وتحيك مؤامرات عن الخيانة بصفوفو . مابعرف اذا عدة مئات أو الاف بعتاد بدائي ممكن يعرضو حالهم للموت ويموتو فعلا بداعي استعراضي |
تحيا لروحك يوسف العظمة
|
اقتباس:
هاموش لزين : ميرسي علصورة اللي لطشتا مباشرة من هلصفحة لعندي :lol: |
اقتباس:
مع أنو الصور مو طالعين عندي :pos: |
هي أول صورة بالموضوع رفعتا على مدونتي لهيك بقدر ابعتلك اللينك تبعها علحارك :lol:
الباقي رح تشوف الشباب فقوش هون |
| الساعة بإيدك هلق يا سيدي 20:16 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون