|
شو مشان +18
بس سؤال شو هي الشروط اللي ببتوافر بمشاركة حتى تعتبر +18
يعني حطو الشروط بشكل واضح حتى نقدر نقيم مشاركاتنا ومواضيعنا قبل ما نحطها يعني صراحة متل ماأنو الثقافة الجنسية من حق كل مراهق يعرف عنا وهي مواضيع بتتناقش بكل شفافية بالمنبر فإني كمان الضحك بهيك مواضيع شي مابضر وممكن انت توصل فكرة من خلال ضحكة;) أما بالنسبة للقصر فتأكدوا الطفل القاصر ماراح يفهم الموضوع بالطريقة اللي الكبار قاصدينها وفي عندي موضوع بيثبت هالوجهة النظر وعمدور عليه بس لاقيه رح حطو:D |
مرحبا زينة:
ياعيني النقاش والحوار والثقافة الجنسية شي والنكت البذيئة ويلي بتخدش شعور البعض شي تاني تماماً.. انتي بيجوز بتشوفيه عادي بس غيرك بينزعج جداً لما يشوف هيك نكت .. هاد غير انو نحنا منتدى مفتوح يعني ممكن يكون في اطفال عمرون 15 سنة بيناتنا فما بتصور انتي بتقبلي انو يقروا هيك شي.. بعدين صرلك من مبارح وانتي ماسكتيلي قصة النية وعدم التوضيح فيعني حاجتها باعتبار كتير صعب تتحسي يلي قدامك انك عم تستغبيه.. فباختصار النكت المخصصة للبالغين (خليني صيغها هيك) ممنوعة وعندي ثقة كاملة انك بتعرفي شو المقصود بهالصيغة وموناطرتينا نوضحلك باعتباري واثقة من ذكائك.. بعدين غريب الاهتمام بهالنوع من المواضيع يمكن اذا بتتبحري شوي باخوية بتشوفي انو في مواضيع اهم ومفيدة اكتر فما وقفت على النكت +18 سلامات :D |
عكل شكرا عالتوضيح بس القصة مو تركيز على +18 والنقاش بأي موضوع مو غلط يعني حسب نظريتك إني في إشياء أهم معناها لازم يتسكر قسم عالطاير كلو لأني كمان في إشيا أهم
القصة كلها إني مابحب المعايير المطاطة فممكن اللي انت بتعتبري +18 غيرك يعتبرو شغل ولاد صغار فبالتالي ومنعا للتجاوزات أنا طلب إني يكون الموضوع أكتر وضوح حتى كل شخص يعرف شو حدوده مني وجر وعلى فكرة بس اني بعد الحزف اللي صار بقسم عالطايرلسا في أشياء بقيت وهي ألعن من اللي انحزف وطبعا أنا مارح إذكرها لأني شايفتها عادية بس حسب المقياس اللي عمتقيسوا فيه فهي +21وهاد بوضح إني المعايير مطاطة |
بالعكس ياعيني ياريت تبعتي تقرير مشاركة عاطلة بهيك مشاركات من خلال هاد الزر
 لأنو المشرف ممكن مايلحق يشوف كل شيبخصوص الغاء قسم عالطاير فوجود هالأقسام هو للترفيه بس ضمن حدود الآداب العامة وبس هيك اذا خلصتي الاستفسار ياريت تسكريلنا الموضوع من فوق أدوات الموضوع/إغلاق وهلا فيكي :D |
قلتلك انا مو شايفتها عاطلة لذلك مابعتت تقرير بس هي ضمن المستوى اللي انتو سميتوه+18 مو انا سميته;)
عكل ياستي حقكون علينا بإني إخدت من وقتكم بس أنا حبيت استفسر وبالرغم إني ماأخدت الجواب الشافي فأنا رح سكر الموضوع :D |
| الساعة بإيدك هلق يا سيدي 23:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون