|
قصة شاب حقيقة مئسرا جدااا
بسم الله الرحمن الرحيم..والصلاة والسلام علي اشرف المرسلين سيدنا محمد النبي الأمي الكريم... هذا الموضوع من جملة حوادث تظهر للغافل صور الإعجاز القرآني من كلام رب العالمين.... شاب أمريكي كان يدرس الديانات لأنه كان يريد أن يهتدى للدين الحق... وبعد دراسااااااااات وأبحاااااااااث توصل {البيه}إلي أن الدين الإاسلامى هو الدين الحق.... وقرر أن يسلم وأن يعتنق هذا الدين,إلي أن جاء يوم كان يقرأفي المصحف في سورة القمر قوله تعالي{اقتربت الساعة وانشق القمر} فألقي المصحف بغيدا وقال:ما هذا الكلام؟؟! كيف يكون القمر مشقوقا؟؟!..., وبينما هو علي هذه الحال إذ بنشر ة الأخبار تذيع أن علماء وكالة ناسا الفضائية في حيرة من أمرهم...لماذا؟؟لأنهم وجدوا أثر شق بارز في القمر يقسمه الي نصفين.... وهنا لم يتمالك الشاب نفسه إلا ان هرول إلي المصحف وأخذ يقبله باكيا علي ما فعل مقررا ألا يترك هذا الدين أبدا..... فهل نحن مثله؟؟؟ |
اقتباس:
|
لا نحنا الحمدلله مارح نلقي المصحف لاني نحنا مصدقين شوفيه ومتاكدين منه ومالنا بحاجة الناسا لتفسرلنا:D
موضوع حلو بس انا متاكدة هلا رح ينط عشرين واحد يقلك جيبيلنا المصدر للكلام اللي قالتو الناسا:Dفتحسبا حاولي تدوري عليه |
اولا شكرااااااا
والمصدر موقع والصراحة انا استغرت عشان هو شاب اميركي |
في كتيرين من جنسيات مختلفة مسلمين بيهتموا بالدين اكتر منا مرت خالي من Germany مسلمه او اسلمت بعد ماعرفت الدين الاسلامي وتعاملت معنا وشافت كيف تعامل الدين الاسلامي
يسلموووو على القصه |
القرآن الكريم ليس بحاجة لبراهين علمية لاثبات صحته طالما المسلم مؤمن أنا ضد فكرة الاعجاز هذه لأنها تسيء للدين وتجعله في موضع الدفاع عن النفس.
المشكلة هو أننا نحاول اللحاق بركب الحضارة بالوسيلة الوحيدة التي هي بمتناول يد الجميع (مع تخمة علماء الدين التي عندنا) والوسيلة الوحيدة التي لا تحتاج مخابر ولا تجارب. القرآن الكريم كتاب مقدس ومنزه ولكنه ليس موسوعة عالم المعرفة وإلا لماذا لا تقتصر جامعاتنا في الدول الاسلامية على تدريس القرآن دون بقية العلوم ولماذا نصر على دراسة الطب والهندسة. العلم ليس محققا للدين ولا برهان لآهليته للتصديق وإلا لنترك صار العلم أصلا والدين فرعا والأجدى بهذه الحالة ترك الفرع لصالح الأصل. |
بالصدفة اليوم هو الاثنين .. ابعتو هالموضوع برايفت لخمس اعضاء وبخلال 24 ساعة فقط لا غير رح يتحول للثلاثاء !!
وابعتو هالموضوع برايفت لعشر اشخاص رح تضمنو دخولكو جنة اخوية وابعتو هالموضوع برايفت لعشرين شخص او اكتر رح تفوزو بوجبة عشاء فاخرة بصحبة اللاه وابعتو هالموضوع برايفت للحكيم ومن بكرا الفجر رح تتحولو لمشرفين اما ازا تجاهلتوه واستهترتو بمضمونو رح تنمسخو لجنادب ورح تتوقف عضويتكو بالمنتدى ورح يتهكر جهازكو ورح تنحكمو بخمسين سنة سجن للاشتراك بتشويه السمعة الحسنة للحقيقة والمساس في الامن العام انتو جربو وشوفو وكلشي ببلاش كتر منو وازا ما عجبتكن بضاعتنا بتستعيدو بطيختكو كاملة وبدون اي شفط الامانة هي شعارنا وجازاكو اللاه على قد نيّتكو |
اقتباس:
غير مفهوووووم:shock::shock: |
كذبة زغلول النجار وصلت صفحات الأخوية :lol:
|
انا ما عم اقدر اكبت حالي .. القصة مؤثرة جداً:cry:
جزاك الله خبزاً :cry: |
اقتباس:
لا والله شكلك متأثّر كثير . . ! ! :lol: يعني أمريكي , وبيقرأ قران , وفجأه الي قراه طلع عالتلفزيون , وفجأه اعتنق الأسلام , وفجأه صحي من الحلم . . ! ! يعني الي بدو يخرط خرطه يزبّطها شوي مشان تدخل هالعقل البشري . . ! ! متل ما بيحكي المتل : قال شو عرّفك إنها كذبه , سدّه وإستريح ! ! |
طيب سؤال ....
على فرض القصّة صحيحة.... وانو ناسا أكتشفت هلاء انو في شق بيقسمو نصّين... هل ياترى لو انو ناسا بعد عشرين سنة اكتشفت انو مو شق واحد....بعد الفحص و التمحيص ..طلع فيّو 4 شقوق ...بتقسمو لثمانية اقسام.....اش بدّو يصير ....بدّن يركضو ليدورو ازا بكلام الله فيّو شي عمبيحكي عن اربع شقوق....ولا بدّن يغيرو التأويل...!!! العلم متغير...مافي حقيقة مطلقة.... ولما عمبيحاولو يفسّرو و يأولو كلام الله ...ليتماشا مع نظريات..ممكن تسقط بالمستقبل.....عمبيضربو ....بقصد أو بدون...بمصداقية كلام الله.."سبحانه و تعالى" العلم نظريات و النظرية تحتمل الشك و النقض...وممكن تطلع بالايام نظريات أحدث...تهدم النظريات اللي "كننا أخدين فيها لمدة طويلة من الزمن".....فلايجوز تفسير القرأن بناءً على نظريات ...نحن منشوفا هلاء مقبولة و صحيحة..ممكن مع الايام تنلغى..... اقتباس:
يعني القرأن مالو بحاجة لحجّة تأكد مصداقيتو..... واللي بدّو يدخل بالاسلام ...ومالو مقتنع و مأمن ايمان تام بكل حرف بالقرأن و بتعاليم الدين...بالناقص منّو....عندنا كتير....وزيادة |
يسلم دياتك
القران الكريم كتاب هدايه للبشر مو كتاب علمي يدرس لاكن مو غلط استخدامه كبرهان عن انو كلام الله للغير المسلمين لاكن ما انا نلصق عليه المكتشفات الغير دائمه وبكره لما يكتشفو انا مو صحيح الاكتشاف يصيرو يحكو انو القران مو صحيح |
اقتباس:
أيش يا قصي , صاير مستشار الله شي . . ! ! :? عنّا زياده قلتلي اه , , @ @ :da7ook: |
| الساعة بإيدك هلق يا سيدي 03:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون