|
عصر الذره او .............
يعني صار عمري هالقد وأنا بساوي شعري بالبيت وما بروح عالصالون غير بالمناسبات ,مع اضافه
بعض الالوان فوق العين وعلى الخدود وبيمشي الحال وبصير ليق بالامير. بعد هجوم برامج التجميل على التلفزبون صرت حاسه حالي اني مو متل هالبنات (احتمال اني كون صح او خطأ) او مو عالموضه. يعني اليوم ممكن البنت تقضي نهار كامل بالصالون مابين شعرها وبدكير ومنيكير . ومع وجود دارات التجميل والماكياج والمساج وعمل الماسكات(وهي كتير بتحزني)ماسك بالليمون, بالبيض, بالخضره, شي بحب اللولو,شي بذرات الدهب. كريمات لاشعه الشمس وللحمايه من التجاعيد والشيخوخه المبكره.صار ا لواحد المودرن لازم يقضي اسبوع كامل برا البيت ليخلص. مو لضعف مادي ما بقدر روح هالاماكن بس في بداخلي عدم رضى واقتناع لوضع هالامور حتى في خانه الرفاهيه, ولخوفي الشديد من تأثير المواد الكيميائيه علي هلآ وبالمستقبل. واللي بيحزني أكتر انهن جروا الشباب الى هذا المجال. فهل عزيزي و عزيزتي بتعتبروا هالاشيا مهمه ولازم الواحد يعمل هيك او لا, بيهمني كتير رأيكم ومشاركتم تسعدني. نانا |
وين بتحط هالموضوع بقائمه اولوياتك.
|
اقتباس:
والله يا نانا مش عارف ايش بدي أقلك , بس خليكي طبيعي احسن . . ! ! حكيتيلي نانا أه . . . :frown: |
هيك اشيا مسخره وحكي فاضي:larg:
بعدين الحلو حلو لو فاق من النوم والبشع بشع لو تغسل كل يوم :fnail: |
اقتباس:
حابه شوف شو رايك وهل بتقدر تميز بسهوله بين البنت اللي عالطبيعه والبنت اللي عامله جهد كبير وصارفه مبلغ وقدره لتخرج الى المجتمع , والله نانا نص اسمي . مو بيناتنا.ليو باشا. |
اقتباس:
والله يا نانانا أنا ما رح أقدر ساعدك , لأنّه المجتمع الي أنا عايش فيه , حلو ربّاني كيف لو عمل بوديوكير ومنيوكير وميش , وتمليش . . ! ! الشّعب هون مو فاضي للحكي هاد . . ! ! بس بالنسبه لخبرتي القديمه , أنّه , كنا كتير نعلّق على البنات الي بيحطو ميكاب على وجوم , ونحكي شوف هاي عامله 10 وجوه أملشن (نوع من انواع الدهان) قبل ما تطلع ! ! :? والباقي عندك ! ! :D |
اقتباس:
أكيد, بس ما بيمنع انه اللي عم يعملوه اليوم , ماكياج وعدسات ملونه و......... عم يخلي البشعه ملكه جمال. |
هلأ انا بشوفا مهمة ..بس مو شرط اعملا بالصالون تبع التجميل :?
يعني ماسك او مكياج او شي بينعمل بالبيت ..معظم الشغلات مو كلا....هاي نقطة .. بتجي لنقطة تانيي تبع الطبيعة والمكياج ... بالايام العاديي انا ما بحط كتير ..يعني شي كتير خفيف نضيف ..بس و الله وقت اللي بدو يكون عندي مناسبة .. بحط ومو بس هيك .. بعمل شعري وممكن اضافري ومابطلع غير جاهزي عالاخير :lol:... هاد الشي مو لانو بحبو او بكرهو .. هاد الشي لانو بنات ... يعني شي من طبيعتك وطبيعة بيتك وكيف بتحبي تشوفي حالك ... وكلشي زاد عن حدو بالمعنى نقص .. |
اقتباس:
بعدين ما تنسي انو مو كل الحلوين بكونوا حلوين ... ياما وياما بنات بضلوا حلوين ليحكوا ...:lol:.. و في كتير بنات بشعين .. (مع انو ما بحبا لهلكلمي لان مافي حدا بشع ) ... خلينا نقول ما بيعتنوا بحالن .. وبس تحكي معن وتناقشين اي يالطيف ... بجننوا .. فليش لحتى ما تصير البنت المو كتير حلوي من برا ومن جوا ... وليش لحتى ما نعتبرا زيادة ثقة بالنفس خيتو ... مثلا ع سبيل المثال :انو انا كنت ماني حابة خدودي سالتين ..بسببولي مشكلي ..وقت اللي زبّطتن اي صرت امشي بكل عين قوية .. هاد جانب ممكن يكون ايجابي :? |
بيهمني كتير رايك , بس وين بتوقفي أو وين بتعيديها مبالغه وتضييع للوقت .
مجال التجميل كتير واسع . هل بتوافقي يدخل الشاب بهالمجال. |
شو دخل الشباب ؟ ومن اينو ناحية بدن يدخلوا؟؟ يعني هني يجملوا حالن او يقوموا بالشغل ؟
بظن حكيت قبل انو انا وين وشو بعمل ... :D |
اقتباس:
و رأيي انا بالبنات يلي بيستعملو المكياج: الزايد اخو الناقص البنت يلي ما بتهتم بحالها غير مرغوب فيها بكافة اشكال العلاقات ان كانت صداقة او حب او اي نوع تاني وبكره البنت يلي بتحط عشرطعش شغلة ع وجهها:sick: |
حلو الموضوع :D بصراحة انا مو مستعدة اهدر وقتي ومالي على شي كمالي -طلعت عالوزن- بعدين انو الي بدو يشوفني بالقناع مو الناس يلي بتعامل معهن لهيك لازم الواحد يكون طبيعي بمجمل حياته الا الأوقات الخاصة :gem: وكمان شغلة انو على المدى البعيد البشرة بتتعود بتصير ما عندها مقاومة للطبيعة السحرية والخلابة هون ;) والناس نفس الشي ما بتتعود على شكل البنت بدون مكياج ولو كانت حلوة عالطبيعة وأحلى بالمكياج بيضل في مقارنات وبالنسبة للشباب انو بصراحة مستهجن ومقزز تشوف شب عامل حواجبه أو متكحل أو هيك شي بشع كتير :pos: |
[quote=mhsen77;1283707]بالنسبة للشبب صارو كتيرين بيعملو مكياج و ماسكات :frown::sick:
معك حق , وهلق صاروا كل يوم صبغه لون, غير زراعه الشعر وتغيير شكل الانف حسب الموضه.:lol: |
اقتباس:
|
ت
اقتباس:
للحقيقه.:D:D |
هلق ضروري البنت تهتم بحالا بس كمان مو كل يوم تقضي نص يوما عند الكوافير
يعني انا وقت المناسبات بحب روح عند الكوافير وغير حالي بس بالايام العادية مكياج عالخفيف وعادي بس الشباب اللي عم يحطوا مكياج هلق ويعملوا حواجبون بنرفزوني لا وفي شباب بيكونوا حاطين مكياج ومسبلين شعرون اكتر من البنات بالحالة العادية ميرسي عالموضوع |
اقتباس:
شكرا كتير عمشاركتك. كنت حابه نتوسع اكتر بموضوع عمليات التجميل اللي غزت مجتمعاتنا.:D |
| الساعة بإيدك هلق يا سيدي 14:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون