|
ابليس رح يحمل حالو و يروح لذلك زوقوا
ابليــــس يصـــف الوضـــع والحالـــة في البلاد كان إبليس في غرفته , يلملم ملابسه في حقيبة إلى جانب باقي متعلّقاته ... على المنضدة القريبة كانت استقالته موقّعة ومختومة حسب الأصول , وبجوارها تقبع تيكيت إلى جزر القمر كانت ملامح وجهه في تلك اللحظات تنطق بالحزن, والكآبة , والإحباط , واليأس , وقلّة الحيلة ... مع دهشة مزمنة ارتسمت عليه منذ فترة ليست بالقريبة, واعترافٍ بالعجز والفشل إبليس راحلٌ عن بلادنا إلى غير رجعة.... فليفرح المؤمنون .... وين يامسهّل؟ ليش عم بتضبّ غراضك يازلمة ماضلّلي قعدة عندكم, إلي سنين عاطل عن العمل وقرّبت موت من الجوع .. ما بلاقي معك سيجارة ؟ كنت أوسوس للواحد ينسى يسمّي الله قبل ما ياكل, هلأ بطّل حدا يلاقي شي ياكلو! يا زلمة.. إذا أنا إبليس... تسمّمت بالشاورما كنت كمان بوسوس للشب يرميلو كلمة عالبنت وهي ماشية بالشارع, صاروا البنات يرمو عالشباب كلام أنا نفسي بستحي أحكيه واحد بيسرق 100 مليون عينك عينك بيحبسوه 3 سنين بفيلاّ عالشط , وإثنين عم بينبشوا بمكبّ الزبالة بتقوصهن الشرطة , إنتو بدّكم إبليس إنتوا ؟؟؟؟ صار عندكم فائض بالفساد بكفّي 30 سنة لقدّام, صرت خاف على حالي منكم يا زلمة صرت اتجبر مرّات وسوس بالمقلوب وقول للمسؤول إرحم وللحرامي بيكفّي.. خلّي شويّ للحراميّة اللي رح ييجوا بعدك.. يعني إذا إنتو لحالكن ما شاء الله بتعملوا كل هالبلاوي, أنا إبليس شو أعمل ؟ أشتغل شوفير تكسي يعني ولاّ أفتح صالون حلاقة ؟ ماضلّ غير قدّم للأوقاف يعيّنوني إمام جامع!!! |
اقتباس:
|
كل هاد
ياحرااااااااااااااااااااا ااام انا رح عينو مفتي زعلت عليه كتير هالابليس وفوق الكل بيوسوس للفاسد لياكل مصاري وبس ياكل ويبني فيلا بيكتب عليا هذا من فضل ربي شعب اكال نكار مفتي احسن شي |
:o:p
يسلمووو |
:lol::lol::lol: بطل يقطع فينا إبليس معك حق |
انو يا معليم خالد :gem:
كأنو مكرر :? :p |
كلو كذب وتلفيق..مادام أنا عاش ابليس ما بيصير عاطل عن العمل
|
يعني القصة وقفت على ابليس
كلو عاطل ............. عن العمل :pos: |
اقتباس:
|
اقتباس:
|
ولله لسا ماشاف شي سيد أبليس
يلي راح مو مشكلة بس المشكلة أنو يلي جاي أعظم |
هههه , كتير حلوه . . ! ! وبقله لأبليس خليك شوي مشان تشوف البلاوي الي جايّه . . ! ! :larg: |
نحنا ابليس مصدقين انه في غيرنا ابليس
فوين بدكن بروحوا.........:o:o:o |
| الساعة بإيدك هلق يا سيدي 08:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون