|
ابتسم انت في الاردن
إذا بيوم من الأيام حضرت عرس ...ونزلت الشباب عالدبكة وبلش العرق يزرب...وحميت مع أبواسماعين (رقيب متقاعد) وسحب الكلاشنكوف وطررررررر...بلش طخ عن جنب وطرف وهو برقص وبدبك... وسقط ثلاث شهداء من جراء القصف العشوائي .....ابتسم أنت في الأردن..انت بتحضر عرس أردني. إذا تجوزت ...والناس واقفيتلك عالمسطرة بتستنا أسبوع العسل لما يخلص عشان يفيعو عليك ويهجموا هجمة رجل واحد..وكل واحد فايت يا جيبلك طقم فناجين قهوة...ياصينية...وبالآخر بتحوشلك سبعطعشر طقم قهوة وحدعشر صينية واستنا مناسبات عشان ترجعها لصحابها...بتكون بتمارس واجباتك الاجتماعية بالأردن...ابتسم... إذا فتت إنت ومرتك أو خطيبتك أو صاحبك على قهوة وأجتك المنيو...القهوة بليرة..المليلك شيك أبوفراولة بليرتين..وحضرتك طلبتهم..شو ثلاث ليرات..ولا إشي.. ولما أجت الفاتورة ولا هي بقدرة قادر خمس ليرات وثلاثين قرش...كيف ما بتعرف... ابتسم ....أنت بتمارس الرفاهية في الأردن.... إذا كنت قاعد على مكتبك بوظيفتك...وكل المراجعين اللي أجوك طلعوا يا قرايبك يا نسايبك يا مخاولك وكل واحد الا بيسألك بتعرف فلان الفلاني...هذا إبن عم جدتها لبنت عم مرة أخوي اللزم...هاتلك بوسة يا زلمه...اممممموا...اممممممممم ممموا ..ابتسم فأنت في الأردن. إذا كنت ماشي بسيارتك مستعجل بدك تلحق موعد..ولا الشارع مليان سيارات عن اليمين والشمال...إمشي ..إمشي والسير يالله ماشي...فجأة بتشوف هالسيارة المزينة...وكلها ورد وشبر...والعريس النظوة حاط نيوترال وداحل....وليش السير واقف..لإنه كل واحد من المحترمين اللي بالفارده بده يوقف خمس دقايق جنب سيارة العروس وينظر النظرة الأخيرة عالعروس ...هنيال ابوها...إذا صار معك مثل هالموقف مش تبتسم بس...اضحك واقلب على ظهرك...إنت بالأردن يا عمي... إذا كنت بصلاة الجمعة...كلك إيمان وخشوع بعد الخطبة المؤثرة..والإمام صوته ما شاء الله..بيدغدغ القلوب...وأول ما يسلم الإيمان وخلصت الصلاة سمعت : " أحمر يا زر البندورة...ليرة البوكسه ليره" "أصابيع البوبو يا خيااااااااااااااااااااااا ااااار...أربعه كيلو بليره...يالله يالله" "عالسكين يا بطييييييييييييييييييييييي خ....أحمر أحمر يا بو قرعه...ابتسم وابتسم وخلي طواحينك يبينو...إنت على باب جامع بالأردن مالها الأردن أحلى مناظر وأحلى جو خصوصًا الزرقاء من صحراء لغبرة لكثبان رملية والصراخ يا عمي اللي بخلي الواحد يتمنى الطرش بالنهاية ابتسم انت في الاردن |
بدّك الصحيح هالحكي كلّه مزبوط ميّه ميّه , بس أكيد لاطشيتها من شي منتدى أردني. . ! ! ;) |
عدي , لتكون هالبنت من كزا بلانكا وهن كلاس كتير وما عندون متل هالشو اليومي:D.
|
اقتباس:
لك هيه خليجيه ومن الأمارات . . :larg: قلتيلي كلاس اه . . ;) |
اقتباس:
قلتلي خليجية من الامارات اه;) |
الحكي في منو صحيح خصوصا الدبكات الشعبيه للشبيبه انا بموت فيها
لاكن شو طخ وما طخ القانون الاردني صاله شي خمس سنوات مانع هالحكي " مبارك الحج والناس رايحه " و وين العيب في انو عيب التجاره عكلن يسلم دياتك عالموضوع :D |
" مبارك الحج والناس رايحه "
بس حبيت صححلك المتل بئولو الله يعطيك الحج والناس راجعه...........:gem: |
اقتباس:
بس حبيت أصلحلكوا المتل أنتو التنتين : ;) يطعمك الحج والناس راجعه . . ! ! :lol: |
ال حكى بدري :pos:
ال شو ال يعطيكي الحج منيح للي في مين يصححلا :lol: يكتر خيرك عدي عالتصحيح قصدي يطعمك :p |
| الساعة بإيدك هلق يا سيدي 10:32 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون