|
تصريحات الريالية بعد مباراة السلتا و قبل مبارة ليون
1 ملف مرفق .
باتيستا :
بعد مباراة السلتا فيغو و رأيو بالمبارة و التحكيم.. | شلون شفت المبارة..؟؟ || ما حدا بيحب يبلّش الدوري بخسارة ..بس شو بدنا نعمل..!! بالشوط الأول لعبنا بطريقة كتير منيحة و بالشوط التاني ضغطنا كتير بس ما حالفنا الحظ.. | شلون بتشوف روبينيو و اللعب معو..؟؟ ||الزلمي فهمان ..بفهمو و بيفهمني و سهل الواحد يتعامل و يلعبو معو...و حرّيف هاللاعب و عندو حركات كتير حلوة.. | شو رأيك بهدف السلتا الأخير ..شفتو شي...؟؟ || شفت الطابة و ما دخلت بعد خط الجول ..و انشالله يشوف و أكيد رح يشوف صور الفيديو و يحكم لحالو.. روبينيو : عبّر عن استيائو الكبير من حكم المبارة "و معو حق" لأنو اخترع الهدف التالت و ألغا الهدف تبعو بسبب وجود رونالدو بالمصيدة مع أنو ما لمس الطابة..!! و كان متأكد أنو لوكسمبورغو رح يزبّط الوضع و يركّز على كل الخطوط و لازم اللعيبة يكونو منتشرين بكل الملعب و ما يتركو فراغات كبيرة... و كان سعيد لأنو حقق حلم باتيستا بتسجيل هدف بالبرنابيو ...و عجبو الهدف.. لوكسمبورغو: أكد لوكسمبورغو أن خسارة فريقو أمام السلتا "مؤذية" للفريق ..بس اعتقد أنو رح تكون مفيدة للمستقبل ميشان يتعلّمو من أخطاءهم .. "ما لعبنا كل المبارة بشكل كتير منيح ..ما بعتقد أنو الطابة فاتت للمرمى..ما لازم علينا نعلّق عالتحكيم بس ماني مقتنع بدخول الطابة ...و بعتقد أنو هدف خطأ" و حكا لوكسا عن روبينيو : "الزلمي تحرّك كتير منيح بالملعب و عرف يتمركز منيح بكل هجمة خلق كتير فرص بس حظنا اليوم كان ما منيح أبداً.. رح ننظم الفريق أكتر و رح نركز أكتر". وأكد أنو رح يلعب مباراة ليون بدون زيدان و رونالدو للإصابة... باتيستا عن مبارة ليون: أكيد رح تشوفو ريال مدريد بشكل مختلف تماماً و مع قبولي بالهزيمة الماضية بس ليون ما رح يكون فريق منكمش و يلعب مدافع ب 8 لعيبة غير الحارس... و بعتقد أنو لوكسمبورغو عندو أفكار واضحة مشان المبارة قدام ليون و لازم ما ننسى المهام الدفاعية و نستخدم كل اللعيبة المكنين بالهجوم مشان نتخلّص من الرقابة اللصيقة و لازم نعرف كيف نتبادل المراكز بأكبر سرعة و بشكل مضمون .. انشالله نفوز بمبارة ليون الثلاثاء.. المبارة منقولة عالمنار الأرضية "الشباب بلبنان و سورية" أصفى من هيك قناة ما بتلاقو بث قوي جداً و انشالله مشاهدة ممتعة... بالمناسبة بحب اتشكّر نمر سوريا عالتردد الصحيح للليغا و حضرنا المباريات كلها و القنوات بتجنن و أحلى صورة و أحلى تعليق و المهم أنو free و الحلو ما في اعلانات و مافي واحد يوجّعلك راسك بالحكي الفاضي بين الشوطين شي كتير حلو و فخم.. ..مشكور حبيب :D :jakoush: الجزيرة الرياضية :jakoush: |
تسلم يا سيمون والمهم انو الكل عجبون لعب روبينيو وانو الريال لعبو متل النار ومنعوضة لعبة الجاي.....
|
اقتباس:
|
اقتباس:
تسلم هاد الحكي اللي لازم ايصير و انشاالله المدرب يعرف شو يعمل... |
اقتباس:
|
اقتباس:
|
ما مشكلي شباب .... منعوضة بشي كأس :lol:
|
مشكور مراسنا في مدريد سيمون ... وانشالله بيعوضوها الشاب
|
اقتباس:
اقتباس:
|
شباب شو توقعاتكن للعبة بكرا انا ابقول 2_0 للريال... :gem: :gem:
|
انا بقول 3 -0 للريال طبعاً
|
اقتباس:
|
أنا بتوقع تكون مبارة رائعة بكل المقاييس لأنو ليون ما رح يكون متل السلتا متقوقع ب8 لعيبة بالدفاع غير
الحارس.. بتوقع النتيجة 2-1 للريال أكيد بالتوفيق للغالاكتيكو :gem: :gem: |
اقتباس:
|
اقتباس:
|
اتوقع
2-3 للريال مدريد طبعا :gem: |
اقتباس:
|
| الساعة بإيدك هلق يا سيدي 12:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون