رسومات تجريديه لـ Newman
 

في خط اورنج كتير كتير رفيع على يمين اللوحه .. بالمناسبه بينقال انو هالخطوط (( الرفيعه مش الخط العريض الاحمر لانو هاد بكون ارضيه اللوحه )) الخطوط بتمثل أشخـاص باللوحات ..

:D

مو بإيدي .. بكره المدرسة التجريدية كره العما
بحسا طريقة رسم بحثا عن الفزلكة لا اكتر ولا اقل .. انه يا جماعة انا متجرد من المدارس التانية .. انا بشوف اشيا انتوا العاديين ما بتشوفها .. بقرف من البديهيات لكن قرفي الأكبر من الفزلوكيات :frown:

هي شدتني.. بس انو الخط ع اليمين ما الو داعي ما حبيتو :pos:
بس انو حلوة حلوة.. :D

هي حلاوتها انك ما تفهميها او خليني قول تقريها من وجهه نظرك مش من وجهه نظر الفنان نفسه .. على كلـّن الدنيا أزواق و آراء انت نقي الرأي اللي بدك ياه و نحنا ما بنختلف :larg:

ههههههههه !!
و انا مو بايدي بحب المدرسه التجريديه كتير كتير كتير .. و خليني قلّك انو المدرسه التجريديه مش متجرده من المدارس التانيه (( مين هيك قايلك :? ؟)) انما المدرسه التجريديه بتجرّد الفن نفسه من العوامل اللي بتأثر عليه يعني بتخليه يكون صافي مافيه شي من الانسان يعطيك فكره شو هو او يعني يطلعه عن مساره حتّـى انو بعض الفنانين التجريدين بيمتنعو عن اعطاء اسماء للوحاتهم كرمال ما يـشوهو الفن اللي فيها بفكرهم ..

يا عمـّي حضاره :larg:

بالعكس الو داعي ما هو كل الهدف من اللوحه الخط .. بس فهمانه عليكي شو قصدك انو غير مريح للنظر .. اي بهي معك و لكن هي الفكره ممكن تكون انك ما ترتاحي بالنظر لهي اللوحه يعني كلـّو مدروس :larg:

Untitled
 

انو ضليت اعضر مخي .. اعصر واعصر .. اعصر و اعصر :shock:
بس ما طلع معي شي :?
ما فهمت شي بصراحة :shock:
يا انا مخي سميك (وهوي الاحتمال الاقوى :lol:) يا اللوحات العباقرة بس يلي بيفهموها (وانا ما بينطبق عليي لقب عبقري :p) !
بس انو ميرسي عاللوحات شوش :D

المجموعة التانية احلى من الاولى بكتير
حبيتهم كلهم بس انو هدول اكتير شي
و في كمان اخر وحدة هيك حسيتها متل الطريق اللي (مو بالاقتباس)..
جميلة جميلة..:gem:

__
ع جنب: هلا انو بيني و بنك حسيتو كرر حالو باكتر من لوحة ولا عندك حكي تاني؟ :sly:
بس انو هالشي ما بيمنع انو اللوحات ظراف :D.

يمكن غلطت وقت قلت ان التجريدي بيتعنطز " بالتجرد " من المدارس الفنية الباقية .. حقك علي
بس دائما بحس ان الفنان اللي بأدرج نفسه تحت المدرسة التجريدية عنده نزعة الأنا واضحة كتير .. ورافع انه وما بيعجبه انتاج المدارس الباقية :frown:


بالنسبة الي ما خرطتلي مشطي الا اللوحة هي



انه فيها تفاصيل ممكن تخليك تتأمل فيها .. ولا البقية سطل الدهان بالفوتوشوب بيعمل احلا منن بمليون مرة :lol:

و انا بحب المجموعه التانيه اكتر :larg:


ما ضروري تفهم .. فيك بس تـحس :)


هو نهائيا مش تكرير للحال حيث انو كل لوحه بتحمل فكره مختلفه او صوره مختلفه براسه اله لهيك هو ما ممكن يشوفهم متشابهين بس نحنا حسب شو بنشوف و شو بنحس يمكن نحس ببعض لاحيان انو كرر الفكره او الالوان و هيـك

:D
اي و بقلك الك نفس ما قلتلو الو :p

للصراحة كتير حاولت اطلع بشي او حس بشي لما شفت الصور
بس يبدو فالج لا تعالج ..... لا فهمت ولا حسيت

احيانا بتمنى من يلي بيحبو هالفن يفسرو للي ما بفهموه شو بيشوفو بهاللوحات
يعني لازم يكون في شي نحنا ما عم ننتبه الو
او انو هيك فن بدو غير مستوى ؟
ما بعرف :cry:

انشالله لح حاول حسو بس يا ترى هو بينحس؟؟؟ :?يمكن بدو فنان بيفهم عليه وبتفهم عليه يسلمو عالرد وكلك زوء:D