الصداقة
 

يصراحة هاي الخاطرة مو من كتابتي الخاصة بس متل ما بتعرفو اكيد لما كنا بالمدرسة كانو باول السنة يوزعوا الكتب علينا واكيد مو كل الكتب تكون جديدة مشان هيك مرة بالصف العاشر على واحد من هالكتب المهم لاقيت على اول صفحة هالخاطرة مكتوبة وعجبتني وحفظتها ومن يومها لهلاء برددا وما بنساها وبحب اهديها لكل اصدقاء اخوية


(( الحياة قيثارة,,, أوتارها الصداقة ,,,, أنغامها الذكريات ,,,, ونحن الفراشات ,,, لانعرف أين ومتى تنتهي رحلة الطيران ,,,, لا نعرف,,,,, إلا عندما يتوقف قطار العمر ,,,,, معلناً فراق الأحبة والأصدقاء ,,,,,,,,,,,,,,,,,,, وتسقط الدمعتـــــــان.))

جـميله و صراحه اللي عجبني أكتر قديشها مأثره فيكي :p

شكرا كتير على زوقك white rose

[الحياة قيثارة...أوتارها ألوانها...أفراحها احزانها

ونحن الانامل اللتي تعزف ألحانها..كل اصبع له دور يؤديه فيها

تحياتي لك ..:D
ولصاحب الخاطرة.

كتير عجبني هالرد وبتمنى انه يكون من تأليفك انت مو متلي غاششته من عند حدا مابعرفه
شكرا كتير يازوق

جـميله و صراحه اللي عجبني أكتر قديشها مأثره فيكي


شكرا الك وعنجد كتير مأثرة فيني وبتمنى لو انه صاحب هالخاطرة الحقيقي او صاحبتا مابعرف اذا بنت ولا شب اللي كتبا يعرف اديشني حبيتا واديش خلتني حب رفقاتي اكتر واستمتع بكل لحظة معهن
صدقني مرات شغلات ممكن تكون بسيطة وتفاصيل صغيرة عابرة ممكن تاثر بحياتنا اكبر تأثير

شكرا leonardo صدقني مافي احلى من الصراحة بكل شي وانشالله بتعيش قيثارة الحياة بانغامها وذكرياتا مو بفراقا بس بالنهاية هيك الدنيي فيها الحلو وفيها المر مافينا ناخد شي ونترك شي لازم نجرب كل شي بس بكل الاحوال لما بتبعد عن الناس اللي بتحبن معليش مشان تحبن اكتر وتتذكرن اكتر وصدقني مافي حبايب ولا اصدقاء بحبو بعضن عنجد بيفترقو واسأل مجرب بس بالنهاية الحياة بتستمر وبتضل الذكرى الحلوة
الله يسعدك وما تبعد ابدا عن الناس اللي بتحبن

(( الحياة قيثارة,,, أوتارها الصداقة ,,,, أنغامها الذكريات ,,,, ونحن الفراشات ,,, لانعرف أين ومتى تنتهي رحلة الطيران ,,,, لا نعرف,,,,, إلا عندما يتوقف قطار العمر ,,,,, معلناً فراق الأحبة والأصدقاء ,,,,,,,,,,,,,,,,,,, وتسقط الدمعتـــــــان.))


شكرا لذوقك الراقي
وكم اتمنى ان يتذوق كل من فى الارض
عذب الصداقه
شكرا لقلبكي اختى:D