|
الزواج الاجنبي
مساء الخير للجميع
ارجو من كل اعضاء اخوية انهم يعطوني رايهم بالزواج الاجنبي .و بالاخص في وضعي.رح احكيلكم بس ارجو منكم تنصحوني واللي عنده اي راي في الموضوع بيكون اهلا وسهلا بيه وبرايه انا ان شاء الله مقبلة على الزواج ان شاء الله من شب هندي.هو ينتمي لنفس ديني بس بما اني عربية فهناك بالطبع كثير شغلات بنختلف فيها .بس بظن الحب بيمحي كل الفوارق. يا ريت تفيدوني و الله اني محتاجة رايكم وكمان خلينا نقاش الموضوع خصوصا انه الزواج المختلط-يعني من غير اهل البلد- صار كثير هاد الايام مشكورين ويا هلا بارائكم:D |
يعني في علاقة حب بيناتكون ؟؟
ولا قصدك انو الحب رح يجي بعد الزواج ؟ انا ما كتير بحب الفكره يعني لو عربي بس من غير جنسية ممكن بس لغه غير وتقاليد وعادات غير خاصة الهنود عندهن عادات غريبه عجيبه :shock: |
حاب علق على هالنقطة
اقتباس:
وعلى كل حال موفقة والله يكتبلك الي فيه الخير:D |
اقتباس:
يعني انه هندي هندي ولا نص بنص !!:o ملعوبه !!!:p ما بتمشي علينا هاي !! قال شو والبنات مصدقين ومتفاعلين !!:o بس ما تعيديها اوك!!:frown: |
الزواج ما بينحسم بهالبساطة.... يعني انت ما خبرتينا غير انو هندي...!
انا بشكل عام هالجنسية ما كتير حبيتها..! |
اقتباس:
ممم برايي الشخصي انو انتي مابتحبيه كفاية..او يمكن مانك مقتنعة مية بالمية لانو لو مقتنعة فيه...ماكنتي ترددتي...متل مافي اشخاص من بلدك ماممكن ترتبطي معون ممكن تلاقي سعادتك مع شخص من دول تانية...فهي مو قاعدة.. المهم يكون عندك معرفة بانو حتواجهو صعوبات...ومشاكل وكل شي...وانتي بتعرفي علاقتكون قدها لتكفي؟؟ ومشان الزواج المختلط..ممم حسب الاشخاص بحد زاتون..ازا هني اد العزاب اللي حيجي مع ارتباطون او لاء ومستعدين بهيك تضحية او لاء... وعالحالتين..الله يهنيكون سوا:D |
اللي ما بياخد من ملتو بيموت بعلتو
|
اقتباس:
ما في احلى من الحرية:yahoo: الى الرقص ايها الجيل الصاعد |
اقتباس:
بصراحه انا ضد الزواج المختلط إلا ازا كان الشخص عقلو متفتح وبقدر يتقبل كل الاجناس وإلا شو زنب لولاد يتحملو عدم انسجام اهلهم او انفصال نتيجة انو كل واحد ما عم يفهم الآخر |
بالنسبة للعرب رح يعانو كتير من الزواج المختلط...
لانهم مرتبطين كتير بعاداتهم و تقاليدهم و مجتمعاتهم.... و ما بحبو التغيير او الخروج عن السراط المستقيم تبعهم ان جاز التعبير.... فبتلاقي الواحد ما بيتزوج غير من نفس شارعون!....(القصد من المبالغة الايضاح). اما دول العالم المتقدم... فحلال عليهم الزواج المختلط و مانو مشكلة بالنسبة الهم..! |
بتعرفي شو ؟
المهم انك تكوني مبسوطة و مقتنعة يعني انو ازا في لغة حوار و تفاهم بتصفي جنسيتو ع جنب يعني مو مهم هو من وين حتى لو كان من المريخ بالمناسبة شو مشان اهلك؟؟؟ |
بعرف وحده سعوديه تزوجت دكتور هندي بس شرطت عليه ان يعيش معها بالرياض ولا تسافر للهند ابدااا وتزوجو والأن عايشين مبسوطين بالرياض ,,,
بس الأحسن والأفضل تتزوجي من ابناء بلدك ,,,, او على الأقل عربي ,, مو اجنبي وهندي كمان ,, ع العموم الله يوفقك لما يحبه ويرضاه ,,,, تحيتي لك :D بالتوفيق ,,, |
| الساعة بإيدك هلق يا سيدي 12:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون