|
وفاة عضو عزيز على قلوبنا جميعاً ...!
فكرة .. ليست بعيدة أبداً عن الواقع ...
تخيل يوماً ما .. وبينما تتصفح آخر المواضيع في أخوية ... تصعق بخبر رهيب ... وفاة عضو (أو عضوة ) ... نعم من الأخوية ... ماذا سيكون شعورك في الحالات التالية : - في حال لم تكن على صلة من قبل بهذا العضو .. - لو كان صديقك المقرب جداً ... (أقصد الأصدقاء ضمن أخوية طبعاً .. ) - في حال كنت على خلاف معه/معها ... ... وأتمنى الخير للجميع .. ولكن فكرة .. وطرحت للمناقشة .. فقط من باب إعادة النظر في علاقاتنا ضمن أخوية .. . . . THE,unforgiven ... " |
هبطلي قلبي عالارض
هيدا شعوري مين ما كان العضو يلي ممكن يكون صار فيه هيك هون باخوية الكل اخواتي وومكن اختلف واتفق معون بس الكل بيهموني وبخاف عليون كتير |
صدمة وَ ذهول وَ صمت وَ حزن وربما خوف ذكرى وَ تذكر ربما لن أستطيع الرد أو أتجاهل الموضوع برمته , لكنَ هذا الحدث سيتركُ أثرا ً كبيرا ً في نفسي وَ أتساءل هل يموتُ العضو بعدم ِ دخولهِ لهذا المُلتقى ماذا يعني لكَ الموت ؟ |
اقتباس:
اقتباس:
. . لكنك لم تجب على أسئلتي .. ماهو شعورك في الحالات الثلاث ..!؟ وتحية لك صديقي .. :D |
عنجد ارتفع ضغطي . فكرت عنجد الموضوع
يعني احساسي لما قريت عنوان الموضوع بيلخص كيف لو كان الموضوع عنجد نحنا هون كتير منا عيلة وحدة وفقدان واحد مؤقتاً من هالعيلة عم يزعجنا ويدايقنا فكيف فكرة الفقدان الدائم . أكيد رح تكون محزنة كتير . الله يحميكون كلكون |
بتمنى الكل يخبرني احساسو بالحالات الثلاثة .. :
- في حال لم تكن على صلة من قبل بهذا العضو .. - لو كان صديقك المقرب جداً ... (أقصد الأصدقاء ضمن أخوية طبعاً .. ) - في حال كنت على خلاف معه/معها ... . . |
مابعرف خطر ببالي اكتر من عضو اول ماقريت الموضوع بعيد الشر عنن وعن الكل بس انو بعد ماقرأت الموضوع انتبهت لشغلة انو معقول لو الله لايقدر حد توفى ممكن انو ننسى خلافاتنا معو حتى لو كانت هالخلافات بمعتقداتنا معقول مابقى شي يقربنا من بعض الا الموت هاد اذا كان رح يقربنا
وبالنسبة الي مهما كانت درجة الخلاف او المحبة بيني وبين العضو وحتى لو مابعرفو بيكفي انو اتخيل رهبة الموقف وخصوصي بالنسبة لاهلو لحتى احزن مشانو |
الموت حق انتقال من الحياة الدنيا الى الآخرة نحزن للفراق لكن الموت حق |
يلعن هالموضوع نشفت دمي
بعد كم يوم راح تكون سنوية راضي الله يرحمو وانا وعم اقرا هالخبر رجعت سنة كاملة ورا |
عن جد كنت رح تجيب خبري بهالعنوان.. :shock:
هلأ إذا ماكنت على صلة معو رح ازعل شوي.. إذا كان صديق مافيني اوصف شعوري.. لأن ما بعرف شو ممكن يصرلي لأن بهيك مواقف أنا بعترف اني كتير ضعيفة.. إذا كنت على خلاف معو رح ازعل كتير كتير لأن بيوم من الأيام زعلتو.. أما الموت بالنسبة إلي فهوي رحلة بلا عودة |
صارت معنا السنة الماضية تقريبا بوقت مشابه
رحل عنا عضو كتير مقرب مني وبنفس الوقت ما متفقين انا وياه على شي نزل علي خبر وفاته كالصاعقة وخبرت عدد من الاعضاء بالنسبة الي لليوم بتذكره كل ما بفتح الفيس بوك وتطلع صورته قدامي او كل ما اكرق صوب بيته |
ك اكيد الخبر رح يزعلني لانو هون كلنا اخوة بعهد الله
اقتباس:
|
والله حرام عليك ليش هالعنوان ناوي تقتل حدا:jakoush:
برجع للموضوع يارب دعيتك تجعل يوم وفاتي قبل اي انسان اعرفه اكيد الموت هو الحقيقة المؤكدة الوحيدة رغم دلك تبقى مؤلمة ومدمرة - في حال لم تكن على صلة من قبل بهذا العضو .. اكيد احزن عليه متل ما قال ابو العبد خصوصي اهلو واحبابو - لو كان صديقك المقرب جداً ... (أقصد الأصدقاء ضمن أخوية طبعاً .. ) "بعيد الشر الله لا يقدر ما ممكن اتخيل شو ممكن يصرلي بس اكيد رح اترك اخوية وماعاد ارجع" - في حال كنت على خلاف معه/معها ... "هيك بتكون مصيبة عظمى مزدوجة واثارها رح تمحي اللي باقي من شخصيتي اكيد بدها تكون عقدة دنب تعدبني طول حياتي" |
الله معو بلكي بيخف الضغط شوي عالسيرفر...:shock:
|
هلا غير أنو الموضوع مكرر .. و انو هل موضوع بـ التحديد بـ تتميز فيه منتديات الدردشة و المنتديات الخليجية ألى أخره
وفاة اي عضو شي عادي و طبيعي وممكن يصير بـ أي دقيقة .. صحيح رح تكون صدمة لـ عدة دقايق و يمكن حزن لـ عدة ساعات طبعاً بتتوقف على مدى قربك من العضو .. عضو أخوية يلي رح يتوفى قصدي بس انو في عالم عايشة بس توفت بـ أخوية من زمان و في عالم عايشة و عايشة بـ أخوية كمان .. بس كل يوم عم تموتنا شي 100 مرا المهم .. انشالله تنبسطو بهل موضوع .. و على قد نياتكون .. الله بيعطيكون |
لك ولي اول ماشفت الموضوع خفت كتير والمصيبة انو اول ماكبست عليه ماطلع دغري <<يعني بتعرفو عمايل الملقم
فانو طولت لبينت الصفحة عندي وبهالوقت ظليت فكر مين هالعضو؟ شب وشيخ الشباب؟؟ صبية وست الصبايا؟ ومن الاخوية؟ مين ياربي يعني تخيل كل هالاسئلة اجت ببالي بفترة كتير زغيرة يمكن بدقيقة او اقل ومابوصفلك الشعور اللي حسيتو انو عنجد مابتخيل ومابدي اتخيل انو افقد اخ او اخت منالاخوية |
القنينة ما في غير القنينة بتنسيك
|
اقتباس:
اقتباس:
اقتباس:
|
| الساعة بإيدك هلق يا سيدي 23:11 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون