|
قتلنا الخوف
الخوف......خوف من كلشي....خوف من التغير.........خوف من الحب.........خوف من الحياة بشكل أفضل..........الخوف من كلمة لاء........الخوف من خيالنا......الخوف من الله نفسو......أ
ليش كل هل الخوف الي عايشين فيو.........ولايمتى بدنا نتم مخبايني ورى الجدارن.....لايمتى بدنا نتم نمشي الحيط الحيط ونقول يا رب السترة........ما بتستحق حياتنا انو نضحي....ما بيستحقو ولادنا انو نطلعون عا نور؟؟؟؟؟ ولا لازم الي وصلونا ابائنا واجدنا.......نعطيون يا........ |
الخوف هو الضابط الأساسي لحياتنا
يعني فيك تشبهو للأب بالبيت أو للضابط بالجيش يعني لولا الخوف من العقاب كنت بتسوي كل شي بيخطر عبالك أما إذا كان القصد هو الخوف من التطور أو الإقدام على أي شيء فهاد بيرجع لطبيعة الإنسان وتربيتو المنزلية الخوف من الله هو شيء جميل فلولا ذلك لفعل الناس ما أرادو ومع هيك عميعملو العمايل ببعض أما الخوف من التغير فبالطبع هناك مشكلة لديك فطالما أنك لم تتجاوز الخطوط الحمر ولم تتجاوز حرية الآخرين فليس هناك أي سبب للخوف ونحنا معك للنخاع أبو شريك بس أنت تحلى بالشجاعة الكافية ولعيون ربك |
[quote=سيجارة;1225027]
الخوف من الله هو شيء جميل فلولا ذلك لفعل الناس ما أرادو ومع هيك عميعملو العمايل ببعض أنا بشوف أنو الله مابدو يانا نخاف منو بتخيل بدو يانا نحبو والخوف هو شعور داخلي وأظن أنو فينا نتغلب على كتير من مخاوفنا إذا اقتنعنا أنو شو آخر شي ممكن يصير نموت مثلا بس على الأقل نموت ونحنا نضاف الدين لله والوطن للجميع :deal: |
[quote=ماريا78;1225037]
اقتباس:
اقتباس:
|
من الخوف ضلوا عيوني مشكولين بالأرض
هي قصة قديمة كتير لازم احكيا من اول بس هلأ ما عاد في وقت أحي من الأول لاحفني الخوف وعيوني مشكولة بالأرض |
الخوف احساس متلو متل باقي احاسيسنا ، منصادفو ونحنا عم نفتش ع الطمأنينة ..
الخوف جدا طبيعي ومنو بالاحساس المضر .. بالعكس احيانا بيخلينا نبحث عن واقع افضل لنتخلص منو .. اي انو بيشكل دافع منيح .. بس يلي بيضر هالشي المسمى بـ الجبن ، وهاد هو لي عم يخلي العالم تمشي لورا !! |
الخوف يكون جيدا بمواقف وبأخرى يكون مكروها ..
بس الخوف من الله ما بنسميه خوف .. ممكن خشية وخشوع و طمع برحمة الله .. والخوف من التقدم والتغير والتطور هي مجرد نظرة مختلفة للتخلف .. والخوف من الحب مجرد لقب نلقب به الحذر من الحب الخاطئ .. الخوف من اللا ليس سوا حبا بما نرغبه من كلمة النعم .. الخوف من الخيال هي قلة عقل .. اما الخوف نفسه فهو شيء نشتم رائحته فنجدها رائحة كريهة .. فنبتعد عنه .. يعني ولا كانو في شي اسمو ملطف جو .. مشان هيك الخوف مطلوب بس مو من كلشي من شي ومن شغلات كتيييير لا تحياتيي :D |
[quote=ماريا78
أنا بشوف أنو الله مابدو يانا نخاف منو بتخيل بدو يانا نحبو :deal:[/QUOTE] من اجمل وارقى كلام اسمعه في هذا المنتدي الراقي و بحب ضيف عليها بيقولو (( رأس الحكمة مخافة الله )) انا بقول رأس الحكمة طاعة الله (( طبعا هالفكرة مو من عندي لكن متعلمها )) ولكن عن محبة وايمان ان الله لطيف رحمن رحيم نرجع لموضوع الخوف : الخوف شي مش سيء إلا لما بيمنعنا خوفنا انو نقوم ونتحك بأعمالنا و دنيتنا وهو يلي بينمي فينا حس الحذر والحرص من الوقوع في الاخطاء والمشاكل فنحنا ما لازم نخاف اذا خفنا شوي |
على فكرة دايما كنت قول لصحابي انو يلي بميز\ العربي و السوري بشكل خاص انو شخصيتوا مهزوزة ا هادا بسبب الخوف يلي تربينا في
الرعب في البلد المرعوب !! |
اقتباس:
|
مشان موضوع الخوف من الله أو الاب.. فهذا يعبر عن خطأ بالعلاقة... لانها لازم تكون علاقة محبة واحترام... ولازم نحاول نربي ولادنا ع الاحترام المتبادل بينا مو عالخوف من طرفون و الارهاب من طرفنا.
هامش: بعض رجال الدين بيستعملوا سلاح تخويف الناس بالله... ضعفا منهم و عدم قدرة على الاقناع بالمنطق. |
الله ما فارق معو إن حبينا ولا لاء
لإنك أنت مجرد عبد صغير أمام جلالة الله فا مجرد وجودك على وجه الأرض هو ناتج عن عدم (حبك الكافي لله )متل ما سميتو وبالتالي الله حطلك شوية قوانين بهالدنيا وأكيد أنت حر التصرف فيك تلتزم أو ما تلتزم بس بظن أنو الإنسان بطبيعتو ميال للمخالفة أو متل ما بيقولو النفس أمارة بالسوء فا وقت اللي بنحس أنو في عقاب مرتقب بيكون في رادع بالحياة اسمو الله ومتل ما بيقولو اللي ما بيخاف الله خاف منو هاموش : لولا القانون الموجود وخوف الناس منه لكنا في الحضيض وتأكد أنو 80% من العالم نسياني أنو في الله أو ما بتحسبلو حساب لك وحتى ما بحبو على قولتك |
اقتباس:
معك 100% |
اقتباس:
في مقولة لسيدة رابعة العدوية بحبو كتير كرمال الخوف من الله بيقول يارب ان كنت اعبدك خوفا من نارك فحرقني بها........وان كنت اعبدك طمعا بي جنتك فحرمني منها.....لانك اله يستحق العبادة وعاراسي حارتك ابو شريك |
الله محبة...
يا شباب الله بحبنا (قصدي بحب كل واحد فينا يا أخي سيجارة) لذلك حاول يساعدنا واعطانا كتبو السماوية و اللي انتو عم تسموها قوانين ..سموها متل ما بدكن... بس تكون مقتنع بهالكتب بتتبناها و بتصير جزء من قناعاتك... فبتصير تنفذها عن قناعة بها... واعترافا منك بانها الطريقة الصحيحة للتعامل مع الامور... بس مو عن خوف!
انتو عم تشبهو الله بلاعب السيرك يلي بمشي الحيوان بالضرب اذا ما نفذ والاكل اذا نفذ! اذا بدك تخاف فخاف من الاشرار مو من الاخيار! وانت لحالك صنّف. هامش: بعتذر من صاحب الموضوع لانو حصرنا الموضوع.... هوي قصدو الخوف بشكل عام, مو بس الخوف من الله, على كل انا ماعاد رد بهالقصة... لآنو الشغلة واضحة.... ناس بتضل تدرس بتعقيدات الدين كل عمرها و بالاخر امور بسيطة بس اساسية بتعجز عن فهمها. |
اقتباس:
التجربة خير برهان.........جرب انك مابتخاف وشف النتيجة... وانا مع الرد رقم 6 :D |
| الساعة بإيدك هلق يا سيدي 13:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون