تأثير استخدام الكمبيوتر على الأطفال
 

لم يعد استخدام الكمبيوتر قاصرا على الكبار فقط، بل أصبح الأطفال من بين أكثر الفئات تعاملا مع هذه التكنولوجيا من خلال ممارسة ألعاب الكمبيوتر أو دخول شبكة الإنترنت. وإذا كان للكمبيوتر مزايا عديدة، مثل تنمية الذاكرة وتطوير حس المبادرة والتخطيط السليم عند مواجهة الأزمات. فإن لهذا الاستخدام سلبيات، تكمن طبقا للدراسات في إصابة الأطفال باضطراب وتغير عادات النوم، كما أنها تحرم الأطفال من المشاركة وتبعدهم عن أترابهم. وقد حذرت دراسة بريطانية مؤخرا من بقاء الأطفال لمدة طويلة أمام الكمبيوتر لأنها قد تنتهي إلى إعاقتهم بشكل دائم، وتحذر من إصابتهم بمتاعب صحية خاصة ما يعرف بتوتر الأطراف الترددي (مثل آلام المفاصل والعظام والرقبة والفقرات). فهل ترى في استخدام الكمبيوتر من قبل الأطفال ضرورة؟ وهل ترى أن التكنلوجيا أضرت بالطفل؟

بتمنى المشاركة بالاراء والافكار بهالموضوع ...مشكورين ..

بالتاكيد ضرورة .. وضرورة جدا
بس بالتاكيد اهلا جوانب سلبية ايضا خاصة انو صار ما يسمى ادمان الكمبيوتر
والضرر الصحي يلي بينتج عن العقدة الطويلة امام الجهاز
بتوقع الامر بيعود لمتابعة الاهل لهيدا الموضوع .. وبتوقع هي ضريبة التطور الدائمة لانو قبل الكمبيوتر كان في ازمة التلفزيون واثرو ع الاطفال كمان ويلي ما لاقولها حل حقيقي فعلا .....
يعني فينا نقول الضرورة موجودة .. والضرر موجود ... لازم نحاول قدر الامكان انو نقلل منو ....... بس بالتاكيد ما عن طريق الالغاء .....

القراءة كتير مهم توجه الطفل نحو القراءة وانو يتاخد الطفل ع المكتبة ويدور مع امو او ابو ويختار كتب تمام متل ما يروح يشتري تياب هلا هيك الطفل بيتشجع اكتر ع القراءة وبتصير متعة الو اكتر من الكمبيوتر والنت
بعدين يا ريت يبعد الطفل عن الالعاب ولو حب يلعب شغلات مفيدة وانا متلا بشجع لعبة السودوكو لأنها بتنمي التفكير

انا مو ضد استخدام الاطفال للكومبيوتر بس طبعا بالمعقول.....
يعني متل ماقلتو طبعا لازم يكون في مراقبة من قبل الاهل ....يعني اذا مثلا تخصص وقت معين للطفل انو يستخدم الكومبيوتر فمابعتقد انو في ضرر طبعا مع التحكم بالوقت يعني مو طول النهار....طبعا كمان لازم الاهل يكون عندون رقابة بالنسبة للمواقع اللي عم يدخل عليها الطفل اذا كان عم يستخدم شبكة الانترنت....

شكرا على الموضوع..........:D