|
قصيدة حلبية
هذه القصيدة كتبها الشاعر للبنت اللي حبها و خطبها 11 سنة بعدين تركتو و راحت تجوزت غيرو ... :cry:
بعنوان : آه خيتو آه خيتو و هل إلى رؤياكي تشارة* و ئد* أشعلتي فسطَ* الئلب ِ نارا آه خيتو يفتّح بجسدك* ... ياما جبتلك جئملبن* .. و بسطيء* بلون الحوّارة* و ياما طعميتك فشافيش* و ئلبك أسود شحوارة ولك ارحمي جيبي يلي صار منشانك كيس خرّو* و كرمالك ياما زعّلت أبوي منّي و جبتلّو الجلطة من كتر ما كنت أحرّو* كل هالشي عملتو مشانك .. و رحتي تجوزتي أبو مصطو اي و صلاة محمد إذا شفتك لأبزؤ فسط وتشك* و وتشو **** رحتي اتجوزتي الأئرع و تركتي هالشب الكربوج اي و حئ الكعبة لأفجّو* و أشويكي متل الفرّوج آه خيتو ما على العاشق صوج* ان جيتي أهلاً و ان ما جيتي لهالبابوج **** خلص ما بئي ثمرة لعبت بعبّي الفارة هلّئنة* دأتجوّز غيرك و بتعطيني كل الحارة روحي استري حالك روحي اجريكي برفع السيكارة سحاحير سوق الهال كتيرة و انتي منون سحارة لك أخدتي صرم* و عفتيني أنا .. أنا أبو الكف المبخوش* أنا ماني صيّاح* بإيدك ولاني كل* ولاني حاح* ولاني كوش* ولك ألف ئلبة ولا غلبة و على ئولة نانتي* عيّوش العاطلة إذا تابت بتتناوئ* م الدرخوش* ****************************** شرح المفردات : تشارة : سبيل - طريقة ئد : (قد) بالحلبي فسط : في وسط (جوّات) يفتح بجسدك : دعوة مندعيها عالواحد بعد ما نطعميه شي شغلة (يعني متل كرّاتي أو زهرمان البخاري) جئملبل : حلوى تركية (عبارة عن حبال تخينة من عجينة الدبس ومحشية جوز بيبيعوا منا عالعربيات) بسطيء : نفس الشي بس بلا جوز و بيكون مرئوء متل الجلد. حوّارة : طبشورة فشافيش : أكلة (بيناتنا ما بعرفا ولا سمعانة فيا:oops:) كيس خرّو : جيبة مستباحة أحرّو : عصّبو - نكرزو وتش : وجه أفجّو : أضربو ع راسو و نزلّو الدم :willi: صوج : ملامة هلّئنة : الآن صرم : كحتة و جلدة أي بخيل أبو الكف المبخوش : كناية عن الكرم الحاتمي صيّاح : لعبة بيلعبوا فيها الأولاد بالشارع : شغلة مبوزة من تحت (بلا معنى طبعاً) الها حبلة و بتبرم كل : مفرد كلال (دحل) حاح : ما بعرف ... بس انو شي شغلة مو منيحة !! كوش : على نياتو نانتي : جدتي تتناوئ : تسترق النظر - تتلصص الدرخوش : ثقب الباب |
حلو عن طرفنا انبسطنا على ضيعة ضايعة انه شال كتف عنا
بس الهيئة خلص تأثيرن ولازم يطلعله اصدار جديد كل فترة والتانية حتى يستمر تأثيره :p |
اقتباس:
:? :shock: :cry: :tears::waa3: |
اقتباس:
يعني ما معها حق ها ......... ما صبرت غير 11 سنة .؟؟؟ له له له بس كان احسن لو الكلمة وشرحها حنب بعض ....... لانو دخت وانا عم اقرا:cry: |
اقتباس:
(يعني متل كرّاتي أو زهرمان البخاري) .. يعني شوووو ؟؟؟؟ انا فهمت الاولى بس هاي ضعت فيها .. فشافيش : أكلة (بيناتنا ما بعرفا ولا سمعانة فيا:oops:) هاي انا رح اقلك شو هي .. الفشافيش هي المشاوي .. بس بيسموها هيك عادة لما بتتاكل من عند ابو العرباية الي بيوقف باخر الشارع بعد نص الليل .. |
| الساعة بإيدك هلق يا سيدي 22:54 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون