|
الرحمة او العدل
لوخيروك ان تحمل احداهما دون الاخرى..فماذا ستختار؟؟؟
الرحمة او العدل |
اي ...:?
|
اقتباس:
شو راح تختار...:D |
كلو خيال خيال مافي منو هالحكي بهالوقت واذا كان ولا بد فبختار العدل لانو الرحمة عبارة عن عواطف ممكن تخلي الشخص ماياخد القرار المناسب
|
العدل يا خيتو العدل
العدل ما فيه احلى منو الرحمة حلوة بس مش عطول اما العدل فدائما حلو :D:D:D |
الرحّمة ُ للضعفاء وَ كُلنا ضعفاءٌ لحظة َ انكِسار وَ العدلُ سِمَة ُ الآلِهَة فهل على الأرض ِ آلِهَة ٌ تمشي ؟ |
بهيك نوع من المواضيع ديما منوقع بعقدة (( الحالة ))
لان حالتي هلق انا قاعد ورا الكومبيوتر مروق ولا على بالي بتختلف على حالة الواقع بالمشكلة فانا بدافع منطقي بحت بدي اختار العدل لأن كقيمة مزروعة براسي وكشي ربينا عليه انه العدل صفة نامية بالانسان وضرورة معاقبة الخاطئ ليتعلم من خطأه وإلى ما هنالك بس وقت بدا تحق المحقوقية - بحكي عن حالي هون - نادرا ما كون عادل تجاه نفسي بالمرتبة الاولى ، وياما اكلناها صواب من عمليات غبية سميناها ( رحمة ) وشكرا على التوضيح وبعتذر على سماكة مخي اثناء الفترة الامتحانية :lol: :D |
اقتباس:
العدل خيتو العدل الرحمة حلوة كتير بس العدل احلى :D |
اقتباس:
|
اقتباس:
فليحيا العدل.. |
اقتباس:
اما العدل الذي ندعيّه فهو بالتأكيد عدل نسبي غير مقارن بالعدل الالاهي...ولكنه كثيرا" ما كان مصلحا"ومجديا"لاسترداد الحقوق... :D |
اقتباس:
اولا" اني اشكرك لانك منحتني الفرصة حتى اوضح.. وثانيا"..عندك حق بموضوع الحالة... يعني مع اني متخذة اسلوب الرحمة..للتعامل ..بس اشعر انو مو الكل يستحق الرحمة .. لهيك ااحيانا" ..اشعر انو العدل يأتي بنتائج افضل.. :D |
انا برأيي انو الرحمة بتنتج عن العواطف مش عن العقل ويمكن الشخص الي رتكب جريمة على سبيل المثل السرقة وهو كان فقير معدم فهالشي بيعني انو ارحمو وما عاقبو لا بعاقبو اولا وثانيا بأمنلو مصدر رزق شريف وهاد هو العدل برأيي
(والعدل رحمة) بس اذا بيطبق بحذافيرو وهاي من سابع المستحيلات :D |
للصراحه صرلي من مبارح عم حاول جاوب على هالموضوع و طبعا بعدني حائره .. مافيّ جاوبك ايّ بختار .. متل ما أسـلف ابو طوني أنّو رده الفعل الاولى بتاخد شكل المثاليّه و العدل .. و لكن بعدها مباشره فكرت بأحد الأصدقاء العزيزين و كيف رح بكون اختياري في حال كانـ(ـت) تحت حكمي .. اكتشفت انو ما معقول .. :shock: يا رجل مستحيل كون عادله بقراري لو بتشتي الدني دهب .. اي يعني لو بتفيقي الصبح بتلاقي الدني عم تشتي دهب بير خص الدهب و بيغلى المي وبذلك مش رح تفرق:lol: .. الّا انو حتى لو بتشتي دهب فانا مش معقول اقدر كون عادله .. تخيلت أهلي ايضا بنفس الموقف و اكتشفت انو طلعي من راسي بلا عداله بلا بطاطا .. و لكن رجعت بعدها لاصولي المثاليه المتربيه عليها و قلت يا عمّي والله مابعرف . . |
اقتباس:
انا اعترض....اعتذر...ولكن اعترض... الرحمة هي قوة وليست ضعفا... ذكرت ان العدل سمة الآلهة...كذلك هي الرحمة... انسيت ان الله ارحم الراحمين :D . . اما بالنسبة لي.... افضل ان يعاملني الاخرين بالعدل... بينما انا اتخذ الرحمة كأسلوب لي ومنهج اتبعه ارحموا من في الارض يرحمكم من في السماء :D |
العدل رحمة
هاد رأيي أنو مافي عدل بدون رحمة |
بنظري العدل اهم من الرحمة وخصوصا بهالزمن ...
|
| الساعة بإيدك هلق يا سيدي 16:10 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون