|
هل هذا تعدي على الخصوصية الشخصية؟؟
التلفون الخليوي صار ضرورة من ضرورات الحياة بس انو ما بتعتقدو انو هوي تعدي عالخصوصية انو خيو كل واحد يقدر يلقطك وين ما بتكون
و اوقات عالم بيتصلو عليك عالم بس ليطقو حنك , تكون بالمحل و العجقة لفوق راسك و ما بيكفي تلفون المحل عم بيرن, بيتصل فيك واحد غليظ فايق و رايق و بيقولك شلونك شلون الاهل شو عم تشتغل؟؟ لاوالله عم استنى مكالمتك من الصبح لأتسلى معاك:sly:.. او يتصل فيك واحد محشش بنص الليل مخربط بالنمرة:frown:.. والمشكلة بتسكر التلفون بيبلشوا الاهل بينرفزو ليش مسكر التلفون..ضل بالنا عندك,فكرنا صابك شي او فكرونا عملت حادث بالسيارة و تبلش هالافكار الخزعبلية:jakoush::jakoush: يعني انا بشوف انو الخليوي للشغلات الضرورية يعني مو لطق الحنك او ليسألوك وين ضليت و ايمتا راجع عالبيت المابعرف شو:pos:. .فلزلك انا من جهتي ما برد عالتلفون و اللي بدو شي بيستنى ليطلعلو التسجيل بيترك رسالة و اذا بدي برجع بعدين بتصل:oops:. عم زودا انا :dunno: الا انتو كمان متلي بتفكرو؟؟؟ :D |
صباحو
الموضوع جدير بالدراسة والتدقيق , والحقيقة هو من المواضيع التي أترد في الحديث عنها لتشعب الموضوع وسأتكلم عن هذا الموضوع مطولاً في الأدب الساخر , اختراقات يومية , الذي أتحدث فيه عن موضوع الإنتهاكات اليومية للخصوصية ولكن أستطيع أن أقول لك لكل اختراع أو خدمة تقدمها الحضارة ثمن ,ولكنك كشخص يمكن أن تحصن شخصيتك وخصوصياتك في هذا الجانب , بوضع حدود لاستعمال الهاتف مع الباقين |
اقتباس:
لكان منتظر موضوعك هنيك خيو الظاهر انا و انت بس بنعاني من هالمشكلة:pos::pos: |
اي انا موبايلي بيرن مابيرن ولا على بالي
لانو طول الوقت حاطتو عالسكيتي وبالجامعة بحطو هزاز بقا مابحس فيو منووووب واهلي وقت مابرد عليون بيعرفوني محششة واحيانا مابيكون معي |
اقتباس:
يعني انتي كمان بتشتغلي على مبدأ طنش عش تنتعش:gem: |
اقتباس:
|
هوي انا ما بشوفها انو تعدي ع الخصوصية ... لانو انا وبكل بساطة ازا واحد رن علي وما بدي رد عليه بقفل بوشو ...وازا رديت عليه وشفتو بطق حنك بكل اختصار بقلو انا زلمة مش فاضي مشغول وبعدين بحكي معك ...بس هوي ضروري كتير يعني الواحد بلا موبايل بهدلة .... :cry:
|
اقتباس:
بيصيرو هني بعد شوي بيتصلو و يقولو شو ما صرت فاضي:jakoush::jakoush: فبيضل الحل هوي التطنيش :D |
اقتباس:
وهادا ازبط شي :deal: |
يعني برأيك نستغني عنو؟؟
أي شي الو مساوئ والو محاسن... |
عفوا بظن انو ما بكون غلطان انو نحنا ما بيلبقلنا شي طبعا مرح قولا بدون تفسير .......
نجنا مثلا اذا جبنا خيليوي كل شهر بدنا نبدلو ....... بتلاقي الطفل الصغير بدو موبايل وصار نوع من انواع الرفاهية ومو للحاجة ..... بينما بتشوف بالغرب اغنى انسان افقر انسان بيستعملو جهاز خفيف وبسيط ليش لان مرح يستفادو من شكلو بينما نحنا بدنا نحط اليسا ونانسي ووووو ...... لهيك ما بيلبقلنا شي .... |
هئ تسوء ،
أبدا منو تعدي ع الخصوصية ... هو أحيانا بيكون مزعج جداً بس هاد لأنو العالم مافيها تعرف مزاجك انت ايمتى بيكون رايق للتليفونات ... انو ببساطة حطو سايلنت وما ترد ، واهلك مو ولاد زغار .. فيك تحلها معهن يعني وبس هيك .. :D |
انا بشوف يمكن من منظور تاني ان اللي بيسال عنك او حتى يحب يتسلى معك دليل معزة مو حشرية
بس لما تكون بالشغل وعرفان انك ما عندك وقت سهلة اعمل filtre استثني منو اهلك وخلصت القصة على فرض ما عندك هاد option اعمل رنة مميزة لاهلك والباقي كلهم رنة مشتركة ادا سمعتها ومانك حابب تحكي لا ترد والله يكون بعونك ويوفقك بعملك وحياتك :D |
شو الو علاقة بالخصوصية لما تكون بمزاج ومالك رايق ببساطة بتسكر التلفون أو بتشغل سوبر كليب إذا عم تستنا تلفون ضروري وخلصت القصة ايزي يعني
وبالنهاية كل شغلة فيها رفاهية فيها شيء من الإزعاج يعني لا يخلو |
هلق الموضوع...........مهم خير الله وكومايات.................لانو فعلن صرا الموبايل أفشك وين ما كنت........واذا رديت ما بتخلوص..........واذا ما رديت مصيبة............سيدي حطو عا سايلنت ....وفخار يكسر بعضو
|
اقتباس:
المشكلة ما بنقدر نستغني عنو:D اقتباس:
بهاي انا معك بس انو شغلة مابيلبقلنا ماني معك لانو كل شعب او مجتمع الو حق بيكون عندو تكنولوجيا بس كتيرين منا متل ماقلت عم بيزودوا كتير و هذا شي عايد لشغلات كتير, انو الواحد ما عندو شي بيتسلى فيه الا كل كم يوم بيجيب تلفون جديد, او للعنطزة وما ادراك ماالعنطزة و شوفة الحال الخ.... :Dاقتباس:
هلا مع الاهل حليناها و مع التانين رح قلون انو انا مابقا رد عالتلفونات اللي بدو شي بيبعت رسالة و انا برجع برد عليه, لانو الخليوي بستعملو اوقات للشغل ما بقدر حطو عالسايلنت.. وبس هيك:lol: :D اقتباس:
والله هاي شغلة الفلترة مابعرفا لشوف اذا موجدة اكيد رح استعملا... الله يوفق الجميع و يوفقنا النا كمان بطريقو.. :D اقتباس:
يامعلم انا بالنسبة الي هوي تعدي عالخصوصية لانو بنظري الموبايل للشغل والشغلات الضرورية مو لطق الحنك.. مابعرف يمكن انا بحس هيك شنو الشغلة عندي خرجت عن حدودا و متل ما قلت صرت سنترال :D اقتباس:
ياخيو مهم كومايات كومايات..بالظاهر انت كمان عم بتعاني متلي :D |
| الساعة بإيدك هلق يا سيدي 00:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون