|
. . . ماذا تقرأ وَ لِمَن ؟
ليـسَ هُناك مِن مُقدمات ، سِـوى همّسَة صَغيرة : أن يكون التبادل المَعرفي هُوَ هَدفنا الذي لا يَنضب. فـَ ماذا تقرأ وَ لِمَن ؟ |
حالياً ، محمد الماغوط - سأخون وطني للمرة ال 13
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - + كزهر اللوز أو أبعد - محمود درويش مرة تانية - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
أهلاً أحمد .. :D انتهيتُ البارحة مِن " غرفة بملايين الجُدران " للماغوط أيضاً " شو هالصدفة " :lol: صدق لا أدري بماذا أشعر بعدَ قراءة أي شيء للماغوط ,. |
اقتباس:
|
والله انا كنت عم اقرأ بين القصرين لنجيب محفوظ
رائع هالزلمه بس مشان الفحص قطعت شوي وهلأ رجعنا نتابع المسيره |
" اللص وَ الكِلاب " من أجمل ما قرأتُ له هل قرأتِ ملحمة " الحرافيش " تابعي القرءاة وَ عودي إلي ,. :D |
اقتباس:
لستُ أدري هل هوَ مجنونٌ بـِ مرتبة شاعر أم شاعِرٌ بـِ مرتبة عاشق لفافتهُ النحيلة وَ فقرهُ الباهظ وَ روحهُ الثائرة تشعِلـُنا يا أحمَد تخنقنا يا أحمَد ,. |
عم أقرا إمرأة عربية وحرة - لغادة السمان ( هادا بالحمام ) ورحلة ضوء - عبد الرحمن منيف :D |
من أروع الكتب لي قريتها وعدتها كزا مرة الفاتيكان نفى الرواية والكنيسة حاربتها ، الـ "بابا جوان" Pope Joan Donna Woolfolk Cros |
دان براون
دانفنشي كود |
انا حاليا أقرأ موسوعة اليهود واليهوديو والصهيونية للراحل المفكر الكبير عبدالوهب المسيري
|
انا حاليا أقرأ موسوعة اليهود واليهوديو والصهيونية للراحل المفكر الكبير عبدالوهاب المسيري
|
أنا يا سيدي ونظراً لضيق الوقت القاتل في الفترة الأخيرة عم أقرا بس روايات (يعني شي ما كتير بدو تحليل وتمحيص وإعادة قراءة)... ومن هذا المنطلق مشيت مع التيار وعم أقرا رواية: جنوب الحدود غرب الشمس للكاتب الياباني هاروكي موراكامي... قبل ما بلش بالكتاب كنت متحمس كتير للكاتب، لأنو حسب استطلاعاتي (التي لا بد منها قبل قراءة أي كتاب) فإن هاروكي من أشهر الكتاب اليابانيين وكتبه تترجم إلى معظم اللغات، وهذا الكتاب بالتحديد حصد شهرة واسعة... ومع تقدمي في صفحات الرواية همممم... يعني ما كتير شدتني لا بأسلوبها ولا بطريقة طرحها للمواضيع... تقييم الكتاب خمسة من عشرة... :D:D |
ردّ على موضوع "لمن تقرأ" للعضو اللاّ منتمي
برافو عليكون . . . أحسن من بلا
بس . . . ليش العرب ما بيحبّو يقرو شي علميّ . . . شي نقديّ . . . كتب المنطق . . . الأبحاث اللي بتعتمد البحث العلمي المنهجيّ . . . الخ من الكتب اللي تلتزم الواقع كما هو و بتسلّط عليه العدسة المخبريّة ؟ ولاّ إنتو شعب محكومين بالأمل ؟ منشان هيك نازلين حراثة بكتب الشعر و البلاغة , المليانة انفعال ؟ و يا ريت كمان لو توسعو الأفق شوي و بتصيرو تقرو بلغات تانية . . شنّو لأنّو في مواضيع كتير مهمّة و حسّاسة تشكّل محاور أساسيّة بحياتكون , غير معنية بالبحث العلميّ الجادّ بالمكتبة العربيّة . . . مثلاً سيكيولوجيّة الثورات , أنظمة الحكم و السلطة , أساليب برمجة الدماغ , الجنس , الأنثروبولوجيا , النظريّات الحديثة في التاريخ . . . الخ |
اقتباس:
ومنكم نستفيد سيدي.... منحاول نوسع هالأفق شوي... قولتك في أمل؟؟ |
لا تقلبلياها معارك و عداء حبيبي فرّوس . . بليز
ليش لتستفيد منّي ؟ إي شو شايفني مكتبة ؟ أنا قدّمت نصيحة و بس . . . ما عجبتك . . . هزّ دنبك و إذا كنت جادّ يا عزيزي . . . فخود هاد الرابط هديّة إلك و لغيرك - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - باقي الكتب ابحث عنها بنفسك . . . أنا ماحدا قدّملي شيء . . . دافع الإستطلاع عندي هو أبو الفضل . موفّق بهجت |
اقتباس:
لا معارك ولا عداء!!! ما قصدته كان واضحاً لمن يريد أن يفهم.... وهو أنو ما تحكم ع الناس بتسرع. ملاحظة كتير مهمة: في آداب محددة للحوار بأخوية بتمنى تلتزم فيها. وأهلا وسهلا فيك.. |
ده بيهددني يا جدعاااان
شوف أخ نظمي . . . لمّا نلتزم الحوار الجادّ , ما بظنّ رح تلاقي منّي أي شيء ذاتيّ و رح كون مجرّد عقل إلو قدرة على التفكير السديد , متزوّد بقدر من المعارف , يطمح إلى كشف الضبابيّة عن الواقع . . . يعني بحث و حوار و تبادل معارف . . . بينما لمّا نتداول |
| الساعة بإيدك هلق يا سيدي 22:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
