|
حبوني هلأ ... كرهوني بعدين !!
مرحبا هلأ في شغلة لاحظتها على حالي من فترة ما بعرف يمكن عم بالغ بس يعني الشغلة خطيرة برأيي انو هلأ انا قابلت شخص ما بعرفو ولا شايفو قبل هلأ اوكي ؟ هالشخص للوهلة الاولى بيحبني كتير و بيعاملني و كأني رفيق عمرو و هيك كل العالم يعني اول ما قابل حدا هالحدا بيحبني حب جم بس بعد فترة قصيرة يعني شهر او اكتر شوي الوضع بينقلب و هالشخص بيصير بيكرهني و بيكره يسمع باسمي و السؤال ليش ؟؟ ليش كل العالم بتحبني اول شي و بعدين بتصير بتكرهني و صارت معي مع اكتر من شخص يعني انا ما بنطاق و العالم بعد فترة بتكتشف هالشي و بتكرهني ؟؟ حدا صايرة معو :D |
اقتباس:
|
هلأ انا قلت لحالي انو هالعالم كلون كذابين و مكولكين
بس بعدين لقيتا مو راكبة |
اقتباس:
لو مو صايرة معي كنت كتبت الموضوع شو صرلنا عم نحكي من الصبح :pos: |
معناتا كانو آخدين فكرة غلط عنك ... :D
|
اقتباس:
|
خيّو العزيز... بكل بساطة فيك تعرف أسباب كل واحد بيكرهك، وإذا هالأسباب ما قنعتك فالشغلة عابرة، وإذا في أسباب حقيقيّة، وأنت شايفها فيك فمعناتو أمر طبيعي أنو تشتغل على حالك! بس أنا مستغرب أنو شخص بيحب بيصير يكره... يعني عادةً اللي بيحب إذا انزعج من صديق بيتركو بس ما بيكرهو!!! بكل الأحوال محدا خالي من العيوب وبيجوز خصائص شخصيتك ما توافقت معن فلهيك تركوك... بس الأفضل متل ما قلتلك أنو اسأل عن الأسباب وابحث فيا بركي بتكتشف شي.
|
دير بروذار
ليك لودي ازا انتي واثق من حالك ومن اخلاقك وانو انتي ما بك شي فيصطفلو ينباعو بالعزا اوكي ؟ وبعدين ما بيهم ازا العالم حبتك او كرهتك المهم انتي ما عملت شي غلط وبالاول وبالاخير بيكونو هني يا اما بيغارو منك يا اما بيكنولك حقد وضغينة دوونت وووري يور ذا بيست:o |
اقتباس:
وحياتك انا كتلة من العيوب :lol: بس يعني ليش بالاول محبة بعدين كراهية و حقد فظيع ؟ |
لاء عن جد
بس ع القليلة لو كانو يبحبوك عنجد وكانو رفقاتك عن جد ولو انتي عامل شغلة بتزعل كانو ع القليلة خبروك شو هيي؟ انا بعلمي انو ازا زعلني بشي عملة وانا كنت بعزو كنت رح قلو انو انتي عامل شغلة غلط معي وهيك بيصحلو فرصة تانية يعني هلأ الغلط من وين؟;) |
اقتباس:
ووقت شافوك بالحقيقة .. مثلا بيكونو اتفاجئو ... هيك يعني .. مش انو حبوك بالأول .. وكرهوك بعدين .. عرفت كيف .. بتصير عادي .. بس مو قصة كره وحب .. قصة انو تغيرت شخصيتك علين .. عرفت كيف .. :D |
اللقاء الاول هو السبب
اغلب الناس يتمتعون بنظرة اولى فاشلة أو ان تمتلك افكارا تتنافى مع هؤلاء الاغلب |
هئ مو صايرة معي !
بالعادة العالم بتحبني بالأول وبتموت فيي بعدين .. :p بس إنو إزا الشغلة بتتكرر معك كزا مرة، فهشي بيعني انو الانطباع الأولي لي انت بتعطية للعالم ما بيعكس صورتك الحقيقية ... بالبداية بيحبو شخص شافوة وبالنهاية ما بيحبو شخص اكتشفوة ... بتصور لازم تفحص مع نفسك وتجرب تلاقي الأشيا لي تعملها او تغييرها حتى تساهم بالمستقبل ببناء علاقات حقيقية متينة وثابتة الأسس ... :D |
بلكي في شي بنت بالنص ....
:larg: |
اقتباس:
بعدين اكيد اول ماتحكيون بدن يحكوك حكي منيح وبعد مابيمر شهر او تنين بيصيرو يحكوك عادي يعني بالاول تكون خلنج عندن عالمسن وبعدين بتصير معتق وقديم :larg: اقتباس:
|
شوف رفيق أنا حصلت معي هاي الشغلة بسبب عصبيتي الزايده عن اللزوم بس أنا بنصحك أبعد عنهن شوي وأختفي من حياتهن لفترة وأذا أشتاقو ألك أو فكروا فيك أكيد راح يسألو عنك ويبحبشوا عليك لأن عمر اللي بيحب ما بيكره . هاموش :- أعرف أنك كنت قبلهم عايش حياتك ومعاهم كنت عايش حياتك وبرضه من غيرهم راح تعيش حياتك ما تفكر أن العالم راح يقف عندهن وما راح تلاقي يللي بيحبوك لاتهتم بحدا ما بيهتم فيك بس أذا أحتاجو ألك في ظرف طارئ لا تتخلى عنهم وقف معهن حتى لو بينكون عداوة وكره خليك معهم وبعد ما يخلص هالظرف الطارئ أرجع لحالك وما تهتم أذا هم حسو فيك وحبوك ما راح يتركوك تاني أبداً . وتحياتي ألك رفيق مساؤوووووووو فُل  |
تشبيه بسيط جدا شايف وقت تشتري شي كنزة جديدة و تكون كتير عاجبتك شلون بتحبا كتير و تصير تتمنى لو تلبسا كل يوم و بعد مدة من الزمن تركنا بالخزانة ؟؟
هيك الشي الجديد الو رهجتو :D |
هلا انت ركز مع حالك كيف يكون تعاملك باول فترة وشو اللي بيتغير بعدين وامتى تبدى تلاحظ ان الشخص ابتدا يكرهك هيك بلكي تكتشف شيء
يعني انو متلا لو اتعرفت لشخص وكان متصنع على فرض اني ما حسيت بشيء وما اكتشفتو اليوم اللي بكتشفو فيه ما رح تعب حالي واوجهو بغلطو لسبب بسيط لان التصنع فدمو ورح يتصنع البراءة ويحاول يحط الحق عليا وكمان لاني بشوف الانسان الي من هالنوع خسارة الدقيقة معو "مجربتها مع زميلة قديمة" انا ما بعرفك يعني لاتاخدها بشكل شخصي لاني بعطيك احتمالات بس لانك قلت يصير يكرهني وما يطيقني الحالة التانية انو ما بيكون هالشخص بيكرهك بس ما بيبحبك بنفس درجة حبك الو او انت متعود منو على درجة اهتمام اعلى فبتفسر انشغالو او اختلاف تعاملو بالكره الحالة التالتة انو بيكون هالشخص حاطط براسو هدف "مصلحة من اي نوع" فاكيد لما بتخلص مصلحتو او بيشوف انو ما رح يستفيد منك شيء بينقلب وهدا لازم تفرح انو كرهك نصيحتي صديق واحد صادق احسنلك من الف منافق للاسف نحنا بعالم كل شيء فيه مصالح |
| الساعة بإيدك هلق يا سيدي 10:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون