|
لا للإيدز .... !
هلأ من فترة شفت إعلان صادر عن جمعية تنظيم الإسرة السورية ...
مشان مرض الإيدز .. اقتباس:
هلأ .. آمن ومجاني ... مو مشكلة .. المريض مريض .. ومابيأثر الأمان .. والمصاري كتيرة ... :lol: . . بس شو مشان سري ... :? طيب ... كلنا منعرف شو القصد بسري :pos: لايمت بدو يضل سري :frown: وليش ... :sly: هل مصير مريض الإيدز .... الإعتقال :cry: هل بيشكل خطر عالمجتمع !؟ هل بيشكل خطر ع حالو ؟! أسئلة كتير بتنطرح .. وبدها أجوبة أكيد .. برأيكن كيف لازم نتصرف مع مريض الإيدز ... ----- هلأ في بعض المرضى بيحاولو ينتقمو من المجتمع .. وبيحالو يعدو غيرن ... وبخاصة البنات (أكيد بقصد بائعات الهوى) :cry: كونن بيشكلو وسيلة نقل فعالة ... ممكن تنقل المرض لألاف البشر ... والمواطنين :jakoush: باعتبار شبابنا مثقف كتير .. ومابيتطلع .. فورا بيطحش .. :sly: متى ماشاف بنت حلوة ... بيعلق .. :sick: شو الحل !؟ . . . حجز ... ام حرية !؟ . . من أجل مجتمع أفضل دوماً ... ----- THE,unforgiven ... " :D |
الموضوع حلو
بس انا يللي بعرفوا انو في نوعين من مرضى الايدز ناس بتحب تنتقم وبدها كل العالم يصيروا متلهن وطبعا هاد النوع حقود وهاد النوع بكون انتقل الو المرض عن طريق البنات والعلاقات المحرمة وهاد النوع يللي يجب حجزهم وناس مسالمة انو خلص انصابوا بهالمرض وهنن بيعرفوا حالهن انو ما ساووا شي غلط بس القدر بالعكس يمكن ينصحوا العالم انا كتير سمعت عن مسلسل الخط الاحمر وحاجز الصمت بس للاسف ما شفتهن سمعت انو بيحكوا عن هالمشكلة انا هاد رايي |
اقتباس:
والسبب لهيك شي يشجعو الناس تعمل الفحص لانو بشكل عام في نظرة دونية نوعا ما لمرضى الايدز وغالبا بيتم اتهامون بانو انصابو بالمرض بسبب حاة غير مسؤولة ( جنس او مخدارات وما غيرو ) وبينغفل الاسباب الاخرى ( انو مصادفة ملامسة دم ملوث .. انتقال المرض من شخص لاخر من دون معرفة انو حدا من الاتنين مريض ,, وغيرها ) بالتاكيد مرضى الايدز متلون متل ايا مرضى بيحقلون يقضو الباقي من حياتون بشكل قدر الامكان طبيعي بس بنفس الوقت عليهون مسؤولية كبيرة انو يحرصو بالتعامل مع المحيط بحيث ما ينتقل المرض لانها كارثة. كمثا لعلى هيك شي رح اسرد حادثة قريتها حدث صار بحمام سباحة : شب وهوي عم يسبح انضرب راسو بحافة حوض السباحة وانفجر راسو واكيد صار في دم بالمسبح وعلى الحافة للاسف الشب كان مريض بالايدز وما كان بيعرف ونتيجة اصابتو صاب اخرين كانو لسوء الحظ معو بالمسبح لا هوي بيعرفون ولا هني بيعرفوه بس انتقلت العدوى الهون .. المسبب كمان ما كان بيعرف انو مصاب بالمرض وحسب ما انذكر وقتها انو انتقلو دم ملوث نتيجة حادث ما. عمليا هوي غير مسؤول عن يلي صار للاخرين .. بس نظريا هوي مسبب لمعاناة اشخاص اخرين هالقصة او بالاحرى الحادثة قريتها بتوقع بمجلة الكفاح العربي من اكتر من 12 سنة بس مقدار مصداقيتها ما فيي اكدو بس بتعكس فعلا قديش ضروري انو الشخص يعمل فصح الايدز وقديش ضروري يكون مجاني ومن دون اسم لحتى الناس تتشجع وتعملو من دون تردد انو المجتمع رح يرفضني للمصادفة انا عملت فحص الايدز يسورية قبل ما سافر وكان اجباري كشرط من شان الحصول على الفيزا ودفعت عليه 550 ليرة !!!( بس ما حدا يخاف طلعت النتيجة سلبي:lol:) وبنصح انو الكل يعمل هيك لانو هيدا الفحص طالما مجاني ومغفل من الاسم ما رح يكلف شي بالعكس بيعطي نوع من الطمانينة خاصة انو اعداد مرضى الايدز للاسف عالميا عم تزداد |
اقتباس:
اقتباس:
|
اقتباس:
ف هيدا سبب النظرة الدونية .. وبنفس الوقت .. سبب الخوف من تأثير المرض عالمجتمع .. وع حالة المريض النفسية .. شكرا إلك سونا عالرد .. :D |
بتمنى من كلشي عم يشارك بالتصويت .. يقلنا سبب اختيارو وشو الحل برأيو .. وتحية للكل .. :D
|
هلأ انا رأيي من رأي بنت الشام ... انو انا بقول في اشخاص لازم ينحجزو لانو بيصيرو يفكرو بنفسهن انو خلص نحن رح نموت ورح نموت وبيصير يتطلع بالاشخاص الغير مصابين وبيقلك ليش هاد عايش احسن مني وما رح يموت وبيحاولو يوصلو هالمرض لاعداد كبيرة لحتى ينتقمو ... بس المشكلة انو كيف فيك تعرف كل واحد كيف بيفكر .. لكن برأيي ازا الكل انحجز بيكون افضل ...احسن ما يكونو بمصيبة ويصيرو بمصيبتين ...
|
اقتباس:
اذا في نورنا بني وبينك حسيتك عم تتمسخر :frown: |
في مسلسل سوري
حاجز الصمت مدري الخط الاحمر ..... المهم من كتر ما حكي عن الايدز المصور ايدز و المخرج و الكاتب و مهندس الصوت لك ما ضل حدا الا ما انضرب ع قلبوا و ايدز اما العلاج لي كان ف بتقولي كانو ا ب سويسرا اوووو لعمه ولا مريض الايدز لي صابو المرض من (لي بالي بالك ) هدا شوو؟؟!!!! |
هلا انا صوتت للخيار الاول.. صحي بيشكلو خطر, بس برأيي هالخطر محصور بالمجتمعات الغير واعية, فشغلة انو نحجزهم هذا ماهو حل, لانو بهالحالة رح يصير خوف لبقية المجتمع و بالتالي مارح يعملوا تحليل خوفا من الاعتقال فبهالحالة انت عم تفقد السيطرة على المرض بشكل كامل و المرض رح يتفشى بشكل اكبر و نحنا هذا ما بدنا ياه.. فلذلك الحل الوحيد هو التوعية التوعية و ثم التوعية.. الموضوع عن السرية بالتعامل مع المرضى انطرح هون من قبل منقول من الجزيرة على لسان وزير الصحة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :D |
اقتباس:
|
اقتباس:
|
| الساعة بإيدك هلق يا سيدي 02:25 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
