بدي أرائكم ببعض تصاميمي .......
 

صار حبيبتي وأهلا وسهلا فيكي
ورح أتقبل تعليقك بروح مرحة

يسلمو واكيد ما قصدت اني انتقدك بس هاد نقد بناء :p
وال كريتيك لازم يتقبل ايا كان;)
موفقة حبيبتي :D

بيجننو :D
ايه شو هاد ياأم الزوز:lol:

شكرا مازن على المرور

هاد من زوأك أكيد

سوزان:D هاشي يلي عم شوفو بياخد العقل وبيجذب النظر كتير ومن الملاحظ من خلالها شدة الابداع

والجمال ولا يسعني القول غير الله يعطيكي العافية:hart: ام السوس وناطر منك شي جديد من هذا الابداع

الفريد والمتالق :sosweet:


ربي يوفقك:D

انو الشغل عجبني كتير
بس ياريت لو الاولن تكون خامقة ببعض الصور لحتى نحسن نقراهن


موفقة حياتو

أوّل شي : بليز ما حدا يقلّي , حتّى لهون عاملّي حالك معلّم . . شنّو لأنّو أنا بشتغل آرت دايركتور . . و قريباً جدّاً جزيلاً رح آخد ترقية و بصير كرييتف دايركتور .

شوفي يا بنتي . . . العمل الفنّي في شروط بتحكمو , أهمها : التكوين , وين التكوين و ترابط العناصر و الجذب بينهون بأعمالك ؟
و في عندك الألوان و الكونتراست (التباين) الشكليّ و اللونيّ , و التناغم . . . الخ

بصراحة . . . و وقاحة . . . بقلّك رأيي بمتل هيك أعمال :
سخيفة و محلها إمّا ببسطات الشوايا و العساكر بسوريا . . . أو بتواقيع الأغبياء بالمنتديات السعوديّة .

اللي بيحبّك بيقلّك عيوبك منشان تتجاوزيها . . . إذاً اعتبريني بحبّك .

سلام

والله Suzaan ما عرفتك غير من هالتصميم ^^
المهم خليني انقدلك
التصاميم كفكرة حلوين كتير
لكن بيحتاجلهن شوية شغل على الخطوط و الدمج
كمان في الرابع و الخامس الايطار تبعن لونه مانو متناسق
يعني لو كان لون غير الاخضر بيعطي شعور مختلف
^^

شكراً كل الشكر لكل من أنتقدني

وكل من قدر عملي

وبوعدكون أني حاول أشتغل على شغلي وحسنو

شكراً جزيلاً ألكون مرة تانية

برافو عليكي . . أثبتّي إنّك بالفعل إنسانة بنفسيّة فنّان من خلال ردّك الحكيم . . . أنا متفائل فيكي

ما بنكر أنا إنّو عندك خلفيّة فنّيّة (غير هيك ما كنتي حسنتي تساوي تصاميم فيها لمسات رومانسيّة شفّافة) . . بس بدّك شويّة دراية بالغرافيك و القوانين البصريّة للتصميم .
ببعض أعمالك كان الدمج بين الصور حلو , و لكن التصميم و العمل الفنّي مانو مجرّد دمج صور و لصق كتابة فوقها . . . بتمنّالك التوفيق , و آسف على فجاجتي بالردّ .

شكراً ألك مرة تانية

وبصراحة أنا ألي طلبت أراكون بتصاميمي فأي

غلط مني وانتقاد منكون أنا بتقبلوا بكل سرور

وشو رأيك تعملني شوي من عندك ؟؟

انو .. ما عندي حب كبير للبطاقات .. او التواقيع ازا فيني اعتبرها

لكن بشكل عام .. ازا بتركزي عاختيار الخطوط .. بيطلع معك شغل حلو كتير

ازا بتحبي في هاد الموقع ممكن يساعدك كتير بهالقصة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

مدري .net

ماني متذكر :lol:

يعطيكي العافية :D

الشباب ما ئصروا خزيت العين :p

أنا ما رح أحكي ... بس أشتهيتلك هالموقع كمان ... و أنا بيني و بينك بستخدمو كتير .. ;)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

سلامزززز:D