|
بحق من أخطأت ؟ و يمكن أن تقول له: أعتذر
كلنا يخطئ ويصيب . ولكن إذا أخطأنا بحق شخصٍ ما نشعر بالذنب والشعور بالذنب مؤلم لنا فيأتي الإعتذار- الصادق - كشكل من أشكال الاعتراف بالخطأ وتعبيرًا عن قوة الشخصية و وسيلة لغسل الروح مما علق بها من شوائب تجاه الآخر. بحق من أخطأت؟ ويمكن أن تقول له: أعتذر !!! |
لاتعتبروها غرور اذ قلت اني ما اخطات يوم بحق احد
ممكن كتيرقول اسفة ومابقصد بس اني اسيء او اخطىء او اجرح للأسف مابقدر |
حلو هالكلام يا وردة..بس لاتتأسفي انو ما بتقدري تخطئي بحق حدا!!
لأنو غيرك كتار بيتأسفوا انن ما بيقدروا ما يخطئوا بحق حدا فانتي حالة فريــــــــدة;) وبالنسبة الي لما بخطئ بعتذر بكل صراحة وبحاول عوّض..وكتار بخطئ معن لأني عصبي شوي |
غلطت بحق حالي .. بقول لحالي انا اسفه كتير
انا دمرتك بعرف :cry: |
اقتباس:
ولا مرة زعلت حدا منك عن قصد او دون قصد؟ إذا هيك فأنت ملاك |
أعتذرُ من وطني لأني غريبٌ عنه وَ أنا به أعذرني يا وطني .. يا حُزني ,. |
لم اخطىء بحق احد ولا اندم على شيء فعلته بقناعتي .........:larg::larg:
|
اقتباس:
فيفرح من غرّبك عنه وغرّبنا وقطع لنا تذاكر من الدرجة الأولي كي نسافر فيه الى صمت قصيّ لا تعتذر كي لا يفرح و ينتصر هذا الذي تسميه حزنا مازلنا نشذّ أزرنا به رغم الفقر. |
ما غلطت بحق حدا .. بنوب..
بس غلطت بحق حالي.. حطيت ثقتي بعالم .. خيبولي ظني جداً جزيلاً وطلعوا ما بيستاهلو شي ... خاب املي بحالي ... |
اقتباس:
لاتزعلي ابدا هي الاشياء يتقوي شخصية الانسان وبتخليه يفهم ويستوعب فكرة نحنا ليش عايشين مرت بهالتجربة وسعيدة فيها تعلمت كتير اشيا وانا هلىء احسن من اول بكتير:Dوصباحو |
اقتباس:
|
كل الاخطاء تغفر لاصحابها اذا عرفو انها اخطاء وتجنبو الوقوع بها مرة اخرى
الاعتذار اول خطوة على طريق عدم الوقوع مرة اخرى بالخطأ انا بالنسبة الي اخطىء كثيرا واتعلم من اخطائي لكنني دائما اقدم اعتذاري لابي وامي لاني دوما اخطىء بحقهم وهم دوما يتحملون نزواتي وجنوني |
اقتباس:
ايام الاعتذار بيجرح كتير انا بحب الافعال كتير سمعنا نخبة عظيمة من الكلام ننتظر الافعال |
اي صح نسيت قول... انا كتير بكره العالم تعتذرلي... بحس الاعتذار بيجرحني بزياده انو اي وغلطنا شو هالقصه اسفين .. ما بحبو بنوب
|
غلظت!!!
اي يمكن غلطت مو يمكن اكيد بس اللعنة على كل من غلط بحقي متل ما انو اللعنة علي اذا غلطت بحق حدا اعتذار!!!شو رح بيفيد؟ |
انا اللي غلطت بحقها للأسف توفت
نفسي يجيني رسالة من العالم الآخر تقلي انها سامحتني |
غلط بحق حالي كتير كتير ..وغلطت بحق ناس بس بدون أذى
|
الحمد لله ماغلطت بحق حدا
|
| الساعة بإيدك هلق يا سيدي 07:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون