|
عطونااا نصيحة
هااااي للكل انا ببلد تاني ...يعني برى بلدي ولفتت نظري بنت ...يعني صار في بيناتنا متل ما بيئولوا عنا حكي عيون بس اناا متردد احكي معها ....ليش لانو هي من بيئة غير بيئتي وتربية غير تربيتي مع انو هي عربية متلي هلئ نحنا كعرب متل بعض...يعني سوريا و لبنان و الاردن ومصر والمغرب و غيروا وغيروا ئراب لبعض شو رايكن انتو |
وين السؤال
عطيني السؤال وتلاقيني فريرررررررررررررررررررررر ررررررررررررررة :larg: |
اقتباس:
ولووووو يا صاحبي في كتير اسئلة بس اهمن سؤال بحكي مع هل البنت ولا لاء |
لاتحكيا بلا ماتعتل هموم من هلاء :o:lol:
|
احكي صديقي أحكي
مو شرط الطرق النمطية بالزواج تكون الأنجح دائما مع أنها ممكن تكون أكثر نجاحا . بس بالنتيجة كل شي بيرجع للأشخاص وثقافتهم وأسلوب حياتهم هلأ ممكن من بعيد شايفها ملاك وشغلة كبيرة . بس تحكي معها ما تلاقيها هيك . وماتحبها . مثلا بيجوز يكون في ألها ريحة تم :lol: خود حكمتي بهالقصص . كل شي بيتعلق بالنسوان ندام على شي عملتو . أحسن ماتندم على شي ماعملتو |
خود حبة وجع راس بتنساها
|
:pيا عمي شو بدك بوجعة الراس
اسمع شعبولا وسطح مساء الخير عليكم .. |
ولا قلك خود حبتين
|
لك لي انتو كل هالئد قاسين
الشب عم يئلكن انو البنت عاجبتو يعني ممكن بالمستقبل يكون في بيناتن قصة حب حلوة انا بشجعك انو تروح وتحاكيها وتتعرفو ع بعض اكتر اسمع مني ورح حاكيها بأقرب فرصه احسن ماتضيع منك بعدين رح تندم اسأل مجرب ولاتسأل حكيم بلكي الله بيوفق لنسفق |
اقتباس:
خخخخخخخخخخخخخخخخخخخخخخ عجبتني هي:o بدكش هالعلقة يازلمة....خليك لحالك احسن والحياة بتكون يكتيييييييييييييييييييييي ر احلى:larg: |
بسيطة . .
مرحبا ..كيفك ..ممكن نتعرف؟؟ بتقلك لاء بتحمل حالك وبتروح عالبيت كتير صعبة يا زلمي؟؟:frown: |
اقتباس:
ملعوووووووووووبة جداً :lol: يامرسي الزناتي خيو بالنسبة للسؤال مامنقدر نجاوبك لحتى نعرف تفاصيل أكتر هلاء بيجوز انو تكون مناسبة من الناحية النظرية بس في شغلات لازم تعرفا أكتر و تفكر فيها قبل الارتباط كون انتو بغربة و بالغربة كل الناس تعرف بعضا |
يا شباب و يا صبايا ما بعرف بحكيا ولا لاء
وبيني و بينكم خايف من الرد يكون لاء بس هي عيونا عما تئلي تعا حكيني طيب واذا انا الشب طيب هي تجي تحكيني ما انا غريب بهل البلد وهي بنت البلد ما تفكروا اني عمن اتشرط عليها بس ولله ملبك وخاصة انها اول بنت هي عطونا طريقة منشان اذا ما مشي الحال كون طالع بأقل الخسائر بتعرفوا منشان الصدمة العاطفية مش اكتر :cry: :cry: :cry: |
اقتباس:
اقتباس:
يا خيي شو هل التفاصيل يلي بدك ياها مني انو انا بس مر من حدها عيونها بتحاصرني و بتشلني شل بحس حالي متل المجنون بنسى الشارع و بنسى حالي لوين رايح واخر مرة شفتها بالسوبر يعني كان بيني وبينها 50 سم احمر و تلبكت و مابقى تعرف ترد على البياع و انا ما بقى اعرف شو لازم اعمل ...طلعت بسرعة و عيونها بعيوني |
اقتباس:
وازا غريب ,مو مشكله ابدا انت الشب وانت بتحكي معها بالاول بالنسبه للطريقه الشباب بيفيدوك |
شو يا أخوان لألألألألأ ما أتوقع منكم هيك الزلمى طالب نصيحه مو طالب يتمسخر فيو شوف رفيق هاي النصيحه مني ألك ومجربه أنت أولاً بتشوفها كتير ولا شو ؟! أذا بتشوفها كتير تعا في يوم هيك وأشتري بوكيه ورد ويتألف من اللونين الأحمر والأبيض وروح ألها وأعطيها الوردات وأحكيلها أنك بدك تعزمها على شي فنجان قهوه هيه كل مره معي بتظبط والبنت بتيجي معي بس معك ما بعرف شو راح يصير ؟! بس أذا أجت معك قبل ما أنت تقعد أسحب ألها الكرسي وقعدها الأول وبعد ما أنت تقعد ما تدخل دغري في الموضوع أطلبوا أشي وخليها تطلب الأول وأنت أطلب متلها وبعد ما تطلبوا الي بدكن أياه أتطلع في عيونها وأحكي كل اللي في قلبك وبدون ما تتردد وأذا الحكي الي بتحكيه طالع من جوه قلبك صدقني رفيق راح يدخل قلبها ويمكن تسهل عليك الأمور بعد هيك وبالتوفيق أن شاء الله  - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
أنا بقلك حاكيها فورا .. و لا تخاف اذا قالت اي أو لأ و قيم هالشغلة من بالك تماما و لا تفكر فيها أبدا
أنا عم أنصحك لا تضيعها من إيدك بعدين انت عم تقول أنو عيونها بتقلك تعا حكيني بقا لا تتلبك و تنشل و هي كلمات سهلة أساسا : مرحبا ، كيفك ، ممكن نتعرف هيك يعني:D |
روووح حاكيها ركد
ولا تفكر ابدا بقصه انو اذا قالت لاء بعدين انت مو شرط تروح تقلها مرحبا ,بدي حبك بما انك غريب بالبلد بتصير اسهل بكتير لما تشوفها اسألها عن اي شي , عن بياع , عن ترجمه شي كلمه , عن مكان عن طريق اي شي المهم تفتح حديث وبعدين ما بتلاقي حالك الا كرجت |
| الساعة بإيدك هلق يا سيدي 15:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون