|
مهزلة
في أحد الأمسيات الجميلة الباردة في مدينتي العزيزة خرج مجموعة من الشباب ليتنزهوا في شوارعها و يتأملون الأضواء التي زينت المباني و كانوا يتمتعون بالأمان و الاطمئنان و فجأة تنهال يد مثل المخباط على الشباك الجانبي لأحد النوافذ و الشخص الذي كان مقصودا هو الذي كان جالس بجانب الشوفير و لكن و لحسن الحظ كان الجو برد فكان مسكر الشباك فيبدأ هذا المجنون بهياجه و ينهال على السيارة بالضرب و اللكم \في وسط انشداه و دهشة الجميع فينطلق الشوفير مسرعا و مبتعدا خوفا على سيارته المهم بيصفوا الشباب السيارة قدام و بيرجعوا ليشوفوا مين هاد بيطلع هاد واحد فرنسي بيلعب مدري شو كيك بوكسينغ مدري قتال شوارع هاد الواحد كان قد الحيط فبينما كان الشباب متجهين باتجاهه و باتجاه صديقيه الهادئين ينقض على أحدهم و يضربه و يسقطه أرضا فهجم عليه أحدهم لكي ينقذ صديقه من ركلة على الرأس لو أصابته لكان يعطيكم العافيه اتكل الشب المهم كمان بيهجم على هاد و بيخلعوا رفسي بيطيروا بيجوا رفقاتو الهادين بيكمشوا و بياخدو منو قنينة النبيت الأخ كان سكران (و حركات القتالية متقنة شلون ما بعرف) عم يسطنع السكر أو شي ما بعرف بيفلت أخونا من رفقاتو و بيهجم على واحد من الشباب الأربعة الباقين فابن بلدنا كان متشنج ضهروا و ما بيعرف شو بدو يعمل فبيكمشوا من خصروا و بيصير هداك البغل يضربوا على ضهروا فوق مرضو و طبعا كل هالحكي و الشب الفرنسي عم يقول فك يو فك يو all بيرجعوا رفقاتو بيكمشوا و بياخدو و بيروحو عالبيت فبيجي واحد من الشباب بيقلون انو أنا رح خبر الشرطة بيجي واحد منن بيحطلوا الأصبع النصاني (كأنو عرفان) فرفقاتنا بعد ما لملموا حالون بيلحقوهن من دون ما يحسو و بيعرفوا بيتون بيطلع قريب ما كتير بعيد المهم بيكمش صاحبنا الموبايل و بيتصل على 112 بتجي النجدة و بتقللون انو بما انو صار بالبيت فنحنا ما فينا نعمل شي بدكن تروحوا تشتكوا بالقسم فالشباب ما هان علليون يلي صار و راحووا عالقسم بيجي بيستقبلهم مدير القسم و بيسمع القصة (الله يعطيه العافي) و بيقللون انو بما انو صاروا بالبيت لازم يجيبوا ورقة مدري من عند مين و كان عم ينكت و يتضحك بيجي واحد من الشباب بيقللوا انو معقول أنا مواطن بهالبلد و يجي واحد غريب يعتدي عليي بنص بلدي و ينام ببيتوا مبسوط عصب المدير و انزعج (يا أخي بايدوا حق ) و بيصير بيتهرب من الموضوع و بيقللون انو انتو عاملين مشكلي و أنا فيني وقفكن طبعا هوي استغشمن و خوفن و هنني ما كتير بيعرفوا بالقانون و قللون انو بكرا اذا بدكن تعوا قدموا شكوى رسمية و . . . بلاع يا وطن بلاع . . يبقى السؤال الذي لا أريد جوابا له يحكم على بعض الشباب بالسجن لمدة 7 سنوات لاضعاف الشعور القومي فما هو حكم من يحطم هذا الشعور القومي ؟؟؟ و يعم الصمت |
العمى على هالمسخرة....:pos:
طيب سؤال ماعرفتو ليش هالتور كان هايج!!! وليش فلت عليكن بالزات!! |
مش طويله كتييير
اقرالي ايها وبعدين برد عليك!!:p |
اقتباس:
بس يمكن كن مستاء من البلد بشكل عام أو ما قدر يسافر لعند أهلو بالعيد أو شي يعني ما بين بس اذا جد شي بخبركن و دمتم :D |
اقتباس:
أحسن ما تسم بدنك :lol: :D |
| الساعة بإيدك هلق يا سيدي 03:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون