|
الثانوية العامة " فوبيا عدم النجاح "
قال أحدهم ذات - بكالوريا - : "لو كان هذا الاختبار رجلا لقتلته " ربما يكون الأمر نسبيًا ولكن إلى حد بعيد ننظر إلى الأمر بأعين كثيرة نخاف عدم النجاح نخاف الفشل نخاف نظرة الآخر نخاف المعدل النهائي ... وأشياء أخرى لماذا يعد منعطفًا في حياتنا ؟ ولماذا يقض مضاجع التكوينات الأسرية والنفسية والشخصية هل يكون النجاح بهذه الصورة ؟ |
تسوء ..
بعد النجاح .. بتحسي بنفس الشعور .. بتحسي انو لسا في عندك مسؤوليات ومدري شو .. يعني الواحد بيقول .. باخد هالبكلوريا وبخلص من هالهم .. طلع ما في شي |
كل ما خلصنا من هم ناطرتنا هموم...
بس البكلوريا هم أساسي لأنو يؤسس لهموم أخرى وعقد شطارتك بتعلي المعدل ويمكن تخف همومك بعدين؟؟؟ يعني اذا صيدلة مو متل معهد صحي واذا هندسة مو متل الفندقي,, |
اقتباس:
بما انو هيك ليه كل هالهالة المحيطة فيها ؟ وليه المجتمع ما بيحضر الافراد لشي ابعد متل ما انت بتشوف ؟ |
اقتباس:
قصدك البكالوريا من أمرين أحلاهما مر ويا ترى بس المعدل هو الي لازم يحدد هوية المستقبل ؟ لكان وين الميول أو الابداع ؟ |
الناس بتعمل البكالوريا كأنو شبح ولا كأنو بركان وجاي على البني ادم واللي بيقدر ينفد منو ينفد ... مع انو هوي ولا شي بالنسبة لغيرو ... والتهريب اللي بتعملو الناس الو بيخلي الواحد محبط ونفسيتو بالمرة ..... بس هوي مرحلة مهمة انو اذا الواحد اتخطاها ... شي منيح لانو رح ينتقل لمرحلة يمكن فيها حرية اكتر ومسؤولية اكبر ...
|
اقتباس:
ودكتور كبير عنا بالكلية بيعزف عالعود وعزفو ولا أحلى من هيك..ومتلن متايل... القصد.......الدراسة ما بتمنعك تمارسي مواهبك وميولك وابداعاتك!!!!!!! بس بشرط تعرفي توفّقي |
اقتباس:
يعني برأيك انو الميول هيي اللي بتحدد هوية المستقبل في زماننا هاد!!! أكيد المواهب و الميول بتنقبر بالبكالوريا..بس الناس بالاخير بتقنع حالا بالي الله قسملها ياه..هي من ناحية من ناحية تانية من الطبيعي انو الشخص اللي رح يوصل على البكالوريا انو يشوفها هم البني أدم من وقت ما بيخلق بيخلق همو معو و بلازمو و بكبر معو..وكل ماكبر البني أدم بيكبر همو معو اللي عندو بكالوريا بيشوف حالو هم الدنيا كللو فوق راسو..بس قارنيه بنفس المرحلة مع طالب تخرج هندسة فيزياء...رح تشوفيه الفرق الشاسع بين الهمين خلاصة الحديس لما بتتخطي البكالوريا و تصيري بالجامعة و بتتخرجي و تواجهي هالحياة اللزيزة...بتقولي ياريت أرجع عالبكالوريا و على هم البكالوريا موفقين:D |
البكلوريا صعبة من ورا الضغط النفسي ولا هيي اسهل من ايا شي بس المنهاج كمان محبط والمعدل هوي بيقرر مصيرن الشباب
|
بكرا امتحان اخوي يارب يتوفق ويجيب معدل احسن من ما بنتوقع
آمييييييييين |
| الساعة بإيدك هلق يا سيدي 16:26 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون