|
تعا اضحك وضحك غيرك
هاي شباب وصبايا
خطرتلي فكرة وقلت لحالي لشارك شباب وصبايا أخوية فيها هلأ اكيد كل واحد منا صار معو شي موقف بيضحك ولحد هلأ كل ماتزكرو بيضحك شو رأيكون كل واحد منا يجي ويكتب شي موقف بيضحك صار معو لنضحك كلنا وهيك بنكون ضحكنا وتعرفنا ع بعض اكتر اي بما اني صاحبة الفكره رح بلش هاد ياسادة يا كرام رح قلكن موقفي انا والفيران مره كنا قاعدين بالصف وعم ناخد درس أحياء عن الوراثه وعين الله علينا المهم كان في بالدرس عن عالم عمل تجربه ع الفيران وكانت الانسة عم تشرح والكل ساكتين عم يسمعو فشو ياحرام مات واحد من هالفيران خلال التجربه قمت أنا شو عملت وقفت بنص الحصه وقلتلها انسه انسه قالتلي نعم قلتلها ايمتا بدنا نروح نعزي ع اهل الفار هههههه انا قلت هالكلمه من هون والصف كلو صار يضحك حتا هدول الجدين الي مابيضحكو كتير ضحكو يلا بلشو احكولنا مواقفكن خلينا نضحك ونتسلا |
ذكرتيني بموقفك ..بشغلة صارت معي يمكن السنة الماضية ...
هيك نفس الشي كنا قاعدين عم بحصة الاجتماعيات بالصف كان وقتها درسنا عن حرائق يلي صارت بالكويت بسبب آبار النفط هيك شي يعني ... نحنا وقاعدين ومالين ما لاقينا غير اللمبة ((النيونة)) طفت ورد رجعت شعلت مرة تنية لحالها وبسرعة ما هتمينا كتير بس انتأزنا بس بعدين لحالها انفجرت اللمبة وصار متل شرارات يطلعو منها .. كل البنات صارو يضحكو ونزلو تحت الأدراج .. وانا كنت قريب من الابلة عم احكي معها قمت من رعبتي خفت وتخبيت تحت طاولتها .. :p...يي يومها ما بينتسى بتاااااااارييخ المدرسة لهلأ :p |
فعلا شي بيضحك
|
هههههههه ازا انتي تخبيتي تحت الطاوله شوفي انا شو عملت
زكرتيني بموقف كمان مع الفيران مره كنا بالصف وعم ناخد حصه ثقافة عامه ومعلمتها شديده وكل المدرسة بترتعب منها المهم نحنا وقاعدين فاتت فاره من تحت الباب وانا كتير بخاف من الفيران في بنات صارو يضحكو وفي بنات صارو يسرخو أما انا فطلعت ع الطاوله ونطيت بحضن الانسة من كتر الرعبه لحد هلأ البنات بيضحكو علي كيف نطيت بحضن الانسة عن جد انتو تخيلو بنت طويله عريضة ترتعب من فاره وتنط بحضن الانسة ههههههه |
المشكلة انو الضحكة لحظة ... والحزن ايام.... الله يديم عليكن السرور |
بس في اوقات كتيير الضحكة بتسوى عمر كامل
والدمعة بتنزل مشان قشرة بصلة .... يعني ليش ننسى سبب الضحكة ونتذكر قشرة بصلة ..... |
اقتباس:
|
له له شبكن يا جماعة قلبتوها تراجيديا
انشالله بتجيلك الضحكه ابو نجبو ما تيأس أكيد في ضحكه ناطرتك يلا فوتو واكتبو مواقفكن وضحكونا وضحكولي ابو نجبو بدي اسمع ضحكتو لهون |
أكتر موقف بيضحك صار معي وقت فتت على هالموضوع :shock:
|
اقتباس:
اجت الشرار بوقتها لتساعدكم بفهم الدرس أكثر أنا مني مذكرة موقف رح ارجع بعدين |
طيب كيف بدك تضحك .. يا ابو نجبو .. اذا ما ابتسمت اول ..
|
مو بس فهمنا الدرس اصحينا ... كنا ناااايمييييييييييين
|
اقتباس:
والله خليتيني ابتسم غصب عني الله يديم المحبة و السرور أودعناكن |
اقتباس:
مع اني مافهمت شو قصدك !!!!!! بس يلا نحنا حطينا هالموضوع لتضحك انت وليضحك غيرك بهدف تغير الجو وبس |
اقتباس:
هلاء ابتسمت:oops: 100:D الك |
اقتباس:
هالمرة ابتسامة المره الجاي رح تكون ضحكه انشالله |
ابتسم تبتسم لك الحياة ..........:lol:1000:D لكل من يعرف ما هي البسمة ...
|
[quote=Nassima;118:lol:
أنا مني مذكرة موقف رح ارجع بعدين[/QUOTE] اي ناطرينك نحنا |
| الساعة بإيدك هلق يا سيدي 20:30 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون