|
تعلم التركس في خمس دقائق
تبدا اللوعبة باجتماع اربع شباب او صبايا وجميعهم يعانون من الملل
وبما ان الفت احسن من اللت يتفق الرفاق على ممارسة التركس فيتم جلب ورق الشدة ويخبط خبطا جيدا ومن ثم يوزع لكل لاعب 13 ورقة وتكون المملكة (يعني يللي بسمي)مع الشخص الذي يحمل سبعة الكوبة وعندها اما ان يسب على الساعة التي اتت معه سبعة الكوبة بسبب ورقه المبهدل او بينبسط وبيندفك هديك المقولة المشهورة بين لاعبي التركس ( رح افصلا من عندي ) ويكون امام اللاعب خمس لعبات : بنات ورمزها B وحق البنت 25 يعني كل تكومت ببنت بتنزل 25 ختيار ورمزه K وهادا الختيار يا معلم بنزلك 75 بفرد مرة لطوش ورمزها L وكل لطش بتشيلو بنزلك 15 دينار ورمزه D حق كل ديناريي 10 يعني بتنزلك 10 وبتم عنا افخم لعبة يللي هي التركس حيت اذا اخدتو انتي والابو شريك اولين بتاخدو 350 واذا اول وتالت بتاخدو 300 واذا تاني واخير بتاخدو 200 واذا اول واخير أو تاني وتالت بتاخدو 250 واذا اخيرين 150 كيفية اللعب : أولاً : في لعبة البنات يجب ان يكون لديك بنت على الاقل بين الورق + سيري من نوع تاني ومقطش عن إحدى الأنواع حتى يلعبه لك الشريك وتحمل عليه بنتك وينصح دائما بفتح النوع الاقصر في ورقك بس الكم بكون لما بخلص الشريك النوع اللي بدكيا او مابكون معو بنوب منو وبتحاول تلحق البنات يللي بتعرف من خلال سرعة بديهتك انن مع الخصم وبنفس الوقت بتحاول تخلص شريكك اذا كانت معو شي بنت من خلال النوع الذي يطلبه:deal: ثانياً : إذا كنت محتار مالك غير الختيار يعتي اذا سكرت بوجهك وما بتتسمى معك شي فخود ختيار ارخص شي أو اذا كان معك سيري كبا والختيار من ضمنن وهيك لو لعب الخصم للصبح كبا ما رح يقدرو ينزلو وبتحملنيا عالبارد المستريح على شي جويزة أو تريسة بيرميا الشرك:clap: |
ثالثاً : وصلنا على لعبة اللطوش وبهي اللعبة لازم نكون حذرين جدا لأنا مؤثرة جدا بالنتيجة فعندما يكون ورقك ضعيف يعني مامعك صور ومقطش عن شي نوع عندها عالسريع بتاخد لطوش وبنصحك تبلش بالنوع الطويل معك وتحاول تريح ابو الشريك قدر المستطاع من خلال رمي النوع يلي مقطش عنو رابعاً : لعبة الدينار ينصح بهذه اللعبة عنما يكون لديك سيري من الدينار الضعيف ومقطش عن شي نوع والضربة الكبرى لما الشريك بيفتحلك دينار ساعتا بتبوسو من بين عيونو وبتصير تناولوز الخصم كل لفة بلفتا لحتى يتكومو بالطقم كاملاً خامساً : لعبة التركس ها هي اللعبة الفاصلة هاي اللعبة بتفكر لل100 قبل ما تاخدا لانها بتعوض عن كل شي نزلتو يعني لما ما بكون معك جويزات او تريسات ومعك تدحيش (يعني صور) وماسكلك شي نوعين على الاقل بتاخد التركس فتفنح شب من عندك وبتقلن للشباب بكل فخر واعتزاز ( الحفوه) صفات لاعب التركس : دخنجي من الطراز الأول شريب متة مع مي غليانة حسيب من الدرجة الاولى ايدو خفيفة مشان سهولة الغش قوانين في لعبة التركس في حال كانت الضمنة تركس وانت والشريك متكومين بالاربع جويزات عندها لا تكشف الجويزات وفي حال كان معك تلات تريسات وجويزة مخالفة تخبط اللعبة وعذراً للإطالة ويلي عندو استفسار لا يخجل أمانتكن الله نحنا بالخدمة محسوبكن مأضي لحت مصدي بلعب التركس في حدا بيتحدا باياااااااااااااااااااااا اااااااااااااااااات |
صفات لاعب التركس :
دخنجي من الطراز الأول شريب متة مع مي غليانة حسيب من الدرجة الاولى ايدو خفيفة مشان سهولة الغش ----------------------- هههههههههههههه مشكور حبيب |
رزقالله عأيام الكاس .. والتركس ..
:larg: |
اقتباس:
وجب التنويه اقتباس:
أحلا شريك والله :lol: :7asheesh: |
:sick:كل هاد
|
اقتباس:
بدنا حريفه ولعيبه عمي :gem: |
نحنا جاهزين
فت |
عم قدّم رسالة الدكتوراه ..بس داقر هلّق ودبحتني هالجويزة؟؟
|
مين بيتحداااااااااااااااااني
:p |
اقتباس:
هدا الموجز تبع اللعبة كيف ما فوت بالتفاصيل |
اقتباس:
|
ياسلام ..:o.... انا ماني محققة ولا صفة ..غير انو بشرب متي:p
|
والله بدنا مستويات يا عمي .. ماجستير .. ركد صار فيها ..
|
اقتباس:
لك شو اسحبااا؟؟؟شريكي هالدبّ حابس الخمسة قال بدّو يطلع أول.. |
اقتباس:
:lol: |
يللي بدو يتعلم عملي ... ينزل اللعبة من
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -  |
اقتباس:
|
| الساعة بإيدك هلق يا سيدي 23:04 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون