أخوية - ندوّن لحرية الجولان

أخوية (http://www.akhawia.net/forum.php)

- منبــر أخويـــة الحــــــر (http://www.akhawia.net/forumdisplay.php?f=15)

- - ندوّن لحرية الجولان (http://www.akhawia.net/showthread.php?t=113867)

ندوّن لحرية الجولان

اعلن موقع المدون السوري عن حملته بعنوان (( اسبوع التدوين عن الجولان ))

اقتباس:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

23 نوفمبر 2008 مازلنا نشعر بنبضه، مازال دمنا يتدفقُ في شرايينه! رغم مرور أكثر من أربعين عاما على غيابه!، أربعون عاما وهو يبحث عنا ونبحث عنه، أربعون عاما والأم تشتاق فلذة كبدها!، أربعون عاما والدمع هو الدمع، والعاشق صابر، صامد كالجبال، ينتظر لحظة اللقاء!.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

باسم المدوّن نطلق حملة "لحرية الجولان ندوّن"

هو [الجولان المحتّل] قطعة مسروقة من فسيفساء سورية الملونة بألوان قوس قزح، هو [الجولان المحتّل] حيث يصنع النصر، وتنتصر المقاومة، ويرفرف علم سورية على مرتفعاته بإذن الله، لأجله، ولأجل أبناءه، ولأجل الصابرين في قلبه، ولأجل شهداءه الأبرار، ولأجل أسراه الأبطال، ولأجل مرتفعاته الغالية، لأجل كلّ هذا سوف “ندوّن لحرية الجولان”.
سوف ندوّن لأن الكلمة رصاصة، ولأن الرصاصة تعيد حقا مسلوبا!، سوف ندوّن لأن الكلمة أمانة، ولا خير فينا إذا لم نوف الأمانة حقها!، سوف ندوّن لأننا قادرون على “الفعل” وقادرون على “التغيير” وقادرون على “المقاومة”.
لأجل هذا سوف يقوم [المدوّن] بحملة تدوين لمدة أسبوع كامل من تاريخ 15 ديسمبر / كانون الأول - 2008، الخامس عشر من كانون الأول من عام 1981 هو تاريخ صدور قانون ضمّ هضبة الجولان إلى الكيان الإسرائيلي.
ونحن في مثل هذا التاريخ سندوّن لنقول أن الجولان وهضبته ومرتفعاته وكل شبر فيه هو حق سوري، ولا بد أن يعود الجزء إلى الكل!.
إننا ندعو جميع المدونين السوريين للمشاركة بفعالية في هذا الأسبوع، لنقول بكلمة واحدة “الحريّة للجولان المحتّل” والحريّة لكلّ شبرٍ محتّل من أرضنا، سوف يكون تدويننا عن الجولان بكل تفاصيله، عن أرضه، عن تاريخه، عن جغرافيته، عن أهله وشعبه، عن شهداءه، عن أسراه، عن الاحتلال وممارساته.
وسوف يكون تدويننا هي بداية الطريق لحرية الجولان بإذن الله، نعم، إنها كلمات، تدويننا كلمات، ولكن الكلمة لها أثر الرصاصة، والكلّ في المقاومة سواء!، سوف نشعل فتيل التحرير من وهجّ كلماتنا، ومن احتراقِ حروفنا، وسوف نرفع العلم معاً فوق تلك الهضبة المباركة بإذن الله.

حتى لو كانت الدعوة موجهة بشكل مباشر للمدونين السوريين
بعتقد كل مين بيحمل الجنسية السورية معني بقضية الجولان بشكل او بآخر

الزاوية هي بدي حاول انقل فيها كل الكلمات المعبرة اللي بتمس هاد الموضوع والناتجة عن الفعالية السابقة
وبدعوا كل واحد فينا ليشارك بالفعالية .. كلمة صغيرة من كل واحد ممكن تعمل تغيير .. حتى لو كان على الصعيد السوري السوري .. بيكفي اننا نعمل تغير ونتحرك شوي ..

:D

كلنا منفتكر انو منعرف الجولان انو منعرف أرضنا المحتلة ومنعرف كل شي عنها.
بس لما بدا أسبوع التدوين وبدينا بدنا نكنت لقيت أنا وكتير من اللي شاركو انو نحنا فعليا ما منعرف شي.
يمكن نسيانين ... يمكن متناسيين... يمكن من الأساس ما منعرف شي.
بس كتير مننا رجع لجوجل وللبحث لحتى يقدر يعرف عن الجولان.. يعرف مظبوط شو الجولان وشو صار وشو وضعوا هلق.
بكل الأحوال وبكونو كان مبارح ذكرى احتلال الجولان فرح ارجع " من بعد اذنكم واذن أبو طوني " نشّط هالموضوع وحط روابط عن الجولان يلي باخوية ويلي كانو مشتركين باسبوع التدوين, وكمان شو بيطلع مواقع مفيدة لمعرفة أكثر عن الجولان.
طبعا الكل مدعو للمشاركة وتفعيل معرفتنا عن الجولان

* بداية في موضوع بأخوية بقلم مابعرف وبعنوان الجولان المحتل
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

* وهي صفحة اسبوع التدوين في موقع المدون عن الجولان وفيها المدونات يلي شاركت وكتبت عن الجولان فيها معلومات قيمة وبنفس الوقت نظرتنا نحنا الشباب للجولان المحتل

* هون كمان موقع الجولان الالكتروني
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

هاد يلي عندي حاليا ارجو من الجميع يقرأ ولو شوي عن الجولان, يعرف اكتر لأنو أقل الشي ممكن نعملو تجاه هالأرض وتجاه الناس الصامدة فيها و انو نعرف أكتر عنهم .
قد ما بتظن نفسك بتعرف عن الجولان بس لا تزعل مني انت ما بتعرف شي عن الجولان.
انا حطيت هي الروابط وانت شو بتلاقي كلمات معبرة ومعلومات مفيدة لا تبخل فيها علينا.
تحية للجولان.. تحية لمن استشهد على ترابه... تحية لمن هُجّر قسرا من بيته... وتحية لمن صمد وقاوم هناك..
تحية لمن قرأ وتعلم عنهم وعرف حقهم :D

أكتر شي بيزعجني هوي لما بيتم استعمال كلمة نازح كمسبة او كإهانة..
هادا التصرف بيجرحني كتير.. وبيزعجني..
وبدل ما السوريين يحسو بالمسؤولية تجاه النازحين السوريين بيوقفو ضدهون وبيسخرو من فقرون ومن وضعن المزري..
بحب هون ذكر بالنازحين الموجودين بمخيم الوافدين بدمشق على طريق حمص.. هادا المخيم أهلو من سكان منطقة البطيحة المحتلة اللي هيي من اجمل المناطق السورية واللي سكنو ببيوت من التوتياء بعد النزوح ولحد الان المخيم من أسوأ المناطق بدمشق واللي بعتبرو غير صالح لسكن البشر

انشالله رح حاول سوي شي داخل مدونتي عن الجولان
لانو بيضل ارضنا و ترابو هي ترابنا
:D

اقتباس:

كاتب النص الأصلي : Nay (مشاركة 1278213)

معك حق تماما وللأسف هالشي منتشر بين شرائح من الناس , مابعرف كيف تكونت هالفكرة او كيف تحولت لاهانة بس أنا كمان بحسها بتنقال كاهانة من بعض الناس

اقتباس:

بحب هون ذكر بالنازحين الموجودين بمخيم الوافدين بدمشق على طريق حمص.. هادا المخيم أهلو من سكان منطقة البطيحة المحتلة اللي هيي من اجمل المناطق السورية واللي سكنو ببيوت من التوتياء بعد النزوح ولحد الان المخيم من أسوأ المناطق بدمشق واللي بعتبرو غير صالح لسكن البشر

على فكرة أنا اول مرة بعرف هالمعلومة . بعرف انهم مو من اهل هالمنطقة بس اول مرة بعرف انهم جولانيين .
شكرا ناي:D

اقتباس:

كاتب النص الأصلي : kosayka2 (مشاركة 1278249)

انشالله رح حاول سوي شي داخل مدونتي عن الجولان
لانو بيضل ارضنا و ترابو هي ترابنا
:D

دخول اولا على اسبوع التدوين وشوف شو كتبو الشباب مشان تكتب شي مختلف ومميز.
ولا تنسانا هون:D

وتحية الك سام
ع موضوعك يلي اجبرنا ع انعاش ذاكرتنا :D

اقتباس:

كاتب النص الأصلي : sona78 (مشاركة 1278281)

وتحية الك سام
ع موضوعك يلي اجبرنا ع انعاش ذاكرتنا :D

هاد موضوع أبو طوني .
هلق بيجي بعمللنا قتلة:lol: , فتحية لابو طوني

اقتباس:

كاتب النص الأصلي : i m sam (مشاركة 1278304)

هاد موضوع أبو طوني .
هلق بيجي بعمللنا قتلة:lol: , فتحية لابو طوني

انو يعني
ابوطوني كتبو من زمااااااااان
وانت ذكرتنا فيه :larg:
بس شو قتلة ؟؟؟؟ انا بخاف ها:sick:
بس لا تزعل ابو طوني .. كمان الك دائما :D

اول شي هي الفكرة تكونت عند الناس لما النازحين سنة ال 67 نزحو من قراهون بالجولان وما كان عندون اي شي يستندو الو ماديا.. يعني خسرو اراضيهون بيوتون مواشيهون وحتى تيابون..
والنازحين بوقتها مللو دمشق الي كان عدد سكانها قليل.. وسكنو بالمدارس وبالبنايات المهجورة وتكونت فرق شبابية لمساعدة الناحين وتوزيع المساعدات الهون..
هي البهدلة اللي مرو فيها النازحين والاضاع المزرية خلت انطباع عام يخلق عند كتير من الناس السطحيين ويحكمو على النازحين من خلال لبسون المهتري ..

بحب اذكر هون انو كمان في ناس بيستعملو كلمة الشوايا "شاوي" كمسبة رغم انو الشوايا هنن مجموعة كاملة من الناس الطبيعيين من أهل دير الزور والجزيرة..

وشكرا سام:D
وشكرا لابو طوني :D

اقتباس:

و الله كانت حملة حلوة تبعيت الجولان, شاركو فيها ناس كتير و في تدوينات جميلة جداً

فعلاً معك حق بخصوص النازحين.. يعني كمان النزوح لجماعات كبيرة و كلو عالشام بهديك الأيام كتير عمل اختلال بالمدينة... و يعني نتائج هالاختلال كتير ناس حمّلت النازحين مسؤوليتا و هيك...

انشالله قريباً يستردو أرضهون

اقتباس:

بحب اذكر هون انو كمان في ناس بيستعملو كلمة الشوايا "شاوي" كمسبة رغم انو الشوايا هنن مجموعة كاملة من الناس الطبيعيين من أهل دير الزور والجزيرة..

كمان كلام صحيح ... اسأليني أنا وقت أقول عن حالي انو أنا شاوي في ناس بيقولولي ليش عم سب حالي :lol:

بيظل في عذر انو 90% من اللي يستخدمو كلمة شاوي كمسبة ما يعرفو شو معناها و لا شو بتقصد, بيفكروها شي سلبي متل أهبل أو غبي أو هيك..

أما اللي يستخدمها بمعرفة معناها.. فهاد بدل ما ينزعل منو لازم نشفق عليه

سلام:D

اقتباس:

كاتب النص الأصلي : yass (مشاركة 1278410)

كمان كلام صحيح ... اسأليني أنا وقت أقول عن حالي انو أنا شاوي في ناس بيقولولي ليش عم سب حالي :lol:

اي ياسين.. وانا مع انو جدي سكن بدمشق من عام 1930 الا انو وقت اللي بيصير حكي مع هيك ناس بقول انا نازحة لحتى ما يظنو انو انا عم اتهرب من هي التسمية.. اللي هيي مخجلة بالنسبة الهون

مابعرف ليش فكرة التدوين مابتستهويني يمكن لانو بدا متابعة مستمرة حاولت اعمل مدونة بس مابعرف ليش على طول مليت

بس سؤال شو الفائدة من التدوين يعني اصحاب المدونات بشو بيحسو وهن عميدونو

وهي لكل اصحاب المدونات:D

الجسد لا يمكن ان يحيا بشكل طبيعي منقوص الاجزاء

بالنسبة للنازحين عنا بحمص بعرف كتير ناس منهن و عايشين متلهن متل باقي اهل المنطقة حياة طبيعية كتير و فيهن الغني و الفقير و الموظف و من كل الطبقات \ في قرية الغسانية غربي حمص و بعض احياء حمص و طبعا هالشي بيعود للمساعدات يلي تلقوها من بعض الاهالي في المنطقة \

بهالمناسبة السعيدة ومن موضوع غابي حابب إعلن إني سوف أطلق "كأنو صاروخ :lol:" مدونتي العتيدة ويلي حتكون معتمدة في السياسة على نقطتين قضية الجولان الحبيب وقضايا حقوق الإنسان في سوريا وطبعاً فيها شوية خواطر "على قد حالها طبعاً"...

شكراً لغابي على هالموضوع يلي ما انتبهتلو بوقتو ولسام على هالنكشة :D