|
دخن وخليها على الله
 انتشرت وسيلة جديدة للحد من التدخين عن طريق وضع صورة لرجل بجهاز تنفس اصطناعي على كل علبة دخان والحقيقة ان تلك الصورة أثمرة الى حد ما, حتى ان أهل غزة اخترعو "كفر" لتغطية الصورة ,الكفر تعني "الغطاء" والكثيرين شعروا بضيق شديد عندما رأوها وهالهم منظر مستقبلهم المُمدد دون حول ولا قوة ***** والمُطمئن في الموضوع ان صاحب الصورة قد تعافى وشفاه الله ووجه رسالة الى كافة المُدخنين , جاء منها ان الاطباء صوروه على حين غيبوبة منه وقال احب أطمن كل الناس دخن وخليها على الله  |
العمى بعيونو العمى
كل اللي صارلو وما تربى لك يحمد الله |
لصورة مو معبرة بالشكل الكافي
اللي بدو يشوف كيف رح بكون مالو يروح يزور مستشفى قسم امراض السرطان يشوف مرضى سرطان الرئة يا ريت اجت على جهاز للتنفس مؤقت وغيبوبة يصحى منها شوفو الافرازات التي نخرج من الرئتين على شكل غراء سميك وشفاف تخنق الشخص ابي الله يرحمو مات بهاد المرض الخبيت وكان الدكاترة بس ينظفو الرئة اليمنى ويروحو على اليسرى ترجع اليمنى تفرز حتى بلالخير ما لقو حل ليخلوه يتنتنفس غير انهم عملولو تقب على القصبة الهوائية والله منظر مرعب ومخيف قبل ما تقول ما يهمني دخن انا حر فكر باطفالك اللي رح يشوفوك بهالصورة وتترسخ في اذهانهم فكر كيف انك رح توت بعز شبابك وتتركهم في امس الحاجة ليك |
أحب أطمنكم أنا زي الفل ؟! ههههههههه  |
طيب يا سيدي هي للمدخن
والمدخن السلبي شو بدو يساوي بحاله :humm::humm::humm: |
هادا الحكي مو صحي
اي انا بعرف واحد الو يدخن خمسين سنة وصحتو زي الفل بقا دوروا على شغلو تانية تسلو فيا ماشي يا حياتي |
هههههه
اي مبينة انو مو صورتو يا سيدي هلا اللي بيدخن ولا اللي ما بيدخن الكل صار يمرض حتى اللي ما بيدخ ازا ضلو يشم دخان السيجارة بيصير كانو عم يدخن فليش ما يدخن ازا هوي مرضان مرضان؟ بس الاحلى انو ما دخنو سيجارة بالاسبوع منيحة |
والله عجيب شو لازم تجربوها الشغلة شخصيا او تكذبو العالم والطب
بالنهاية انتو احرار بصحتكم ان شاء الله ما شوف حدا بهالوضع المثير للشفقة يوم لا ينفع ندم دخنو كتيييييييير وعبشو حياتكم الطويلة مو التدخين يطول العمر على قولكم |
اقتباس:
بعيدا عن الطُرفة القصة الحقيقية لهذه الصورة ان رجل بريطاني أصابه المرض من التدخين فرفع دعوى قضائية ضد شركة الدخان فتقدمت الشركة بدفاعها على اساس أنها تكتب عبارة "تحذير التدخين يؤدي للوفاة " قال الرجل بانه أُمي ولا يعرف القراءة ولا الكتابة فتوصلو الى حل جديد وجيد وهو الصاق صورته وهو مريض على علبة التدخين فبالتأكيد الرجل اعتبر من مرضه بس احنا بنحب نضحك اقتباس:
صديقتي مواساتي الخالصة لحضرتك ولو بيدي الامر لألصقت مشاركتك هذه على الوجه الثاني لعلبة الدخان ومن الجدير ذكره بان المسؤلين قامو بالصاق المزيد من الصور المُفجعة والمؤلمة بشكل أكبر ولكنها لم تصلني شخصيا تلك النماذج اجدد مواساتي اقتباس:
وانا كمان ...... اضحك محدش واخد منها حاجة اقتباس:
;) اقتباس:
وزي الفُل معقول خمسين سنة بنفخ تنفيخ وما بيشهق السيجارة عجيب اقتباس:
وحسب اعتقاد حاسة الشم لدي فان دخان السجائر اختلط بالاوكسوجين وتفوق عليه يعني كمان كم سنة راح نتنفس نيكوتين ومع ذلك من المفروض نقاوم شهوة السيجارة بغض النظر عن حتمية المرض . اقتباس:
أضم صوتي لصوتك بالتأكيد :deal: |
اقتباس:
مو كل الاجسام متل بعض بعض الاجسام بيبين عليها فورا اثار التدخين وفي ناس مابيبين فورا بس الله كريم معو معو بيشوفا |
قالوا لحمصي شاعل سيجارة وعم يدخّن: بتعرف أنّو التدخين موت بطيء؟! قلن إي أنا ماني مستعجل!!! :lol:.
هلا بالنسبة لموضوع الصحّة أنا معكن الدخّان مضرّ بشكل كبير، بس يا أخي السيجارة غير :p. وبعدين أنا الحمدلله لا ولد ولا سند... يعني يا هدهود اطمني محدا رح يشوفني لما رح موت! وبالناقص من كام سنة إذا كانت الحياة رح تكفي على هيك شكل... تضرب بهيك شكل! أرسلان نصيحة مني خيي بطل تدخين بتشوف الحياة أحلى :D. |
ياخيي النيكوتين صار بدمي شو ساوي:larg::larg::larg::larg::larg::larg:
|
اقتباس:
يمكن احسن شي تتبرع فيه للفقراء والمحتاجين او عمول عملية شفط للنكوتين |
إيه ألف الحمد لله ع سلامتو :larg: كانت عندي صورة تانية بس لاقيها باضيفها انشالله أرسلان :D |
اقتباس:
خليني سايرك فالتشاؤم ونقولو انو ما رح تبتسملك الحياة "مع اني متاكدة انها بتبتسم بس يمكن خجولة" وانت ما انتبهت لابتسامتها المخفية فرضا ما عندك اولاد يعني ماعندك اهل ولا احباب واصدقاء ولا بتشوفهم مو مهمين قرصان الموضوع جدي جدا جدا مسالة انتحار بطئ القصة والله الانتحار المباشر ارحم واسهل من اللي شفتو بعيني ان شاء الله ما عاد تلاقي فلوس تشتري سجائر لتبطل غصب عنك:lol: اقتباس:
ما عندك قوة شخصية يعني؟:lol: البداية يمكن تكون صعبة بس كل ما تشتاق للدخان زور مرضى سرطان بالمشفى ترجع تبطل بتقدر بعرف بتقدر بس انت قرر:D اقتباس:
سلامي:D |
اقتباس:
دخن دخن :larg: |
:shock: :shock: :shock:
تحذير وزارة الصحة :التدخين يضر بصحتك فامتنع :pos: |
اقتباس:
أنا ما ملاقي فلوس آكل من هيك عم دخّن لأن بيسدّ الشهيّة قالوا :lol:. بس صدقيني ظروفي جداً صعبة ولو كان حمار بدالي كان راح انتحر من زمان، فخليني نفّخ هي بس خمسين ستين سنة وبنروح :p. |
| الساعة بإيدك هلق يا سيدي 23:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون