|
قلم و نقطة (.)
قصة قصيرة بحاجة للمزيد من التفاصيل
لم تكتب لأنها ستصبح قصة طويلة لذلك التفاصيل من تأليفكم .................................قلم و . قلم و نقطة (.) جرت العادة انو بيع كتب بالمكتبة لي انا بقعد فيها و كمان بيع أقلام و بيوم من الايام كان الوقت بعد غياب الشمس و بظهور كم نجمة مع ريح شتوية و أغاني من النمط لي بحبوا و حاسس انو لازم كون بهالجو و بلحظة اسمعت صوت مألوف و دافي لدرجه انو جسمي رجف متل كل الحالات الطبيعية لي بيرجف فيها الجسم البردان لما بيتعرض لدفئ مفاجئ التفت ع مصدر الصوت و كان قريب مني لدرجه انو لما ارفعت وجهي لمس وجها اي وجه البنت لي كنت حبها و اعشقها و هون ضربني صقيع كانون و تقلب شباط خفت و انبسطت و حسيت انو انا مو انا, قاطعتني ببسمة انثوية رائعه فيها حرارة رفعت من حرارتي و قالت: بدي اشتري قلم ممكن ؟؟؟ بلشت امشي بالمكتبة و اطلع وفوت و كانت ردة فعلي انو اعطيتها دفتر ابيض , ضحكت و كانت قهقه اكتر من ابتسامه و قالت : بدي قلم مو دفتر , اضحكت و صححت خطأي و اعطيتها مجموعه قلام من الأزرق للأحمر للأخضر للأسود و بصراحة شديدة ما اعرفت اي لون اختارت و انا لحد هاللحظة ما بعرف شو عم يصير وودعتني و طلعت و بعد أمتار الحقتها و قلتها ممكن نحكي ولو جملة مع بعض , ابتسمت و قالت اكيد . اقعدنا و شعلت سيكارة و اسبحت بعمق , قالتلي لساتك بدخن بنفس الطريقة لي تركت فيها , هون تحرك لساني و يمكن قبلوا مشاعري و قلتلها بتذكري اخر مرة قعدنا فيها من هداك اليوم وانا عم حاول انساك , بس ما اقدرت انت بتعنيلي كتير لك انا بحبك اي بحبك , ابتسمت و قالت : في أشخاص منحبن بس لمجرد الحب و انت هيك انا ممكن كون شخص بتعرفوا بس , انت هيك , انا بحبك كشخص بعرفوا قلتها ممكن نرجع لبعض و نفتح صفحة بيضه بحياتنا ؟ و بكل قوة جاوبت بكلمة أكيد لا , انا هون بدي منك قلم و بس مو لارجع لصفحات دفتر كلو الم و ذكرى و َوهم وهي كانت اخر كلماتها , و طلعت من المكتبة وراحت و أنا ضليت لحالي و أفكاري مشوشة و قدرتي ع التفكير معطلة , و انا بهالحالة من التشويش قاطعني صوت بقول : مسا الخير , كانت صديقة قديمة و بكل ودّ قربت مني و مسحت راسي بايدها و قالتلي جملة : افتح صفحة جديدة من دفتر جديد وحط نقطة ببداية الصفحة و ارسم طريقك يا صديقي,أنا راقبت كل تصرفاتك و لدرجة انو تمنيت ضربك لحتى تصحى ,خليها قريبة منك لتكون عاديةو ممكن نسيانها . و طلعت و انا ما احكيت معها ولا كلمة وما بعرف شو السبب . من بعد هالموقف اعرفت شو يعني انك تبيع قلم لشخص تركوا يكتب بداخلك قصص و أحلام كلها من تأليفوا و لحد هاللحظة عم حاول امحي بقايا ذكريات معششه بقلبي بس لي بعرفوا ع الاكيد انو بوقت الشتي ما في شمس تموز ولو ارتفعت حرارتنا ............................................ و القصة لم ولن تنتهي ...... |
اقتباس:
|
افتح صفحة جديدة من دفتر جديد وحط نقطة ببداية الصفحة و ارسم طريقك يا صديق ,خليها قريبة منك
اعيد عليك نفس قول صديقتك خليها قريبة منك ليسهل نسيانها او يتبدد خوفها منك وذكرياتها الاليمة التي كنت سببها نحن لا نتالم الا من انسان نحبه كما رسمت بيدك الالم والوهم ارسم مجددا الامان والاستقرار اتمنى لك السعادة:D |
اقتباس:
|
حلو كتير
كلام التانية (الصديقة)أكتر شي لفتلي نظري!!! ولا تخسراا لأنو كلامها مظبوط ومنطقي:D |
اقتباس:
اوكي سووس رح تقري شي جديد ملاحـــــــــــــــــــــ ــــــــــظة القصة ليست شخصية:D |
اقتباس:
بالفعل يا صديق لو انو التانية موجووودة كانت الدنيا رووعه:D |
اقتباس:
اانو ليش لي منحبوا بيعذبنا؟؟؟ شو هالقانون؟؟؟ بس النسيان احسن شي خلق معنااا شكراا هدووش:D |
اقتباس:
أَتـَناوَلُ حَبّاتِ النسـيان وَ لا أنـّسَـى ,. |
اقتباس:
|
اكثر شئ يجذب انتباهي بقصتك...
غير سلاستها..وانسياب كلماتها...انك عبرت من خلالها عن كثير من الناس.. فشكرا" لاحساسك العالي..:D |
اقتباس:
بعدين بقلك بس نعمة النسيان ما في احلى منها :D |
اقتباس:
اكتر شي عجبني مرورك :D |
اقتباس:
لك انا وين:cry: ايهاب كتير حلوة القصة والها مغزى:D |
اقتباس:
لك انت قطعتينا :frown::pos: و ليش ما علقتي ع المغزى بتعرفيني ما بحب الحكي غير بالمغزى :larg: |
وانا متابعة بشوق...
|
هل أعيد ترتيب مسائي بما يتناسب مع قصصك ألا متوازية
لنقل أنني سأفعل هل تضمن لي متعة المجانين في خوفهم من أن يعقلوا أنا سأضمن ذلك وأنا أكمل في قصتك |
| الساعة بإيدك هلق يا سيدي 05:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون