|
كل سنة وأنا ...لساتني عايش
البارحة ..اي البارحة24/11 كان عيد ميلادي
وبما انو أنا بالغربة لوحدي جداً جداً و ملاقيت حدا يشاركني أحزاني سوا نفسي فالبارحة حطيت حالي و قعدنا نحتفل بهالمناسبة وبما انو انا مالي غير الاخوية فحلمت..اي حلمت انو حدا يخطرلو يلاحظ بقسم مواليد اليوم و يعايدني لكن مر اليوم كللو وانا عمبترقب .. كل عام وانتو بخير ياأخوتي كل عام وانتو بخير وانشالله تتحقق امانيكم كل عام و نحن أحبة و اعزاء و اصدقاء |
ابو نجبو حبيبي ينعاد عليك يارب
|
اي ريتو كل عام وأنت بخير :birthday: وتحقق كل أمانيك وحقك علينا أبو نجبو :oops: |
كل عام وانت بخير ...:D..
وماتزعل شوي و بتجيك الشبيبه تبع اخويه بيحتفلو معك ... |
لوك اي ريتو كول سني وانت سالم خيووو..
عوئبال الميي يارب:D |
ينعاد عليك.. و انشالله هي السنة تكون عليك حلوة و تحقق فيها اللي بتتمناه :D
|
كمان عقبال الميي .....:D
اي شو سيري :p |
كل عام وانت بألف خير
و بدي اقلك انو الغربة مش شرط تكون بالمكان , انه كتير مرات بتكون بمكان فيه كتييير ناس و بتشعر بالغربة . فانه كل سنة و انت محاط بالأحباب و بتمنالك طول العمر :D |
كل سنة وانتا سالم يا أبو نجبو..
هالمرّة قعدت واحتفلت مع حالك، وانشالله المرات المقبلة تحتار وين يقعدو ضيوفك ;) وترجع بآخر السهرة وترد على معايداتنا.. مارح قلك الغربة سهلة بس أكيد حالك يلي احتفلت معك خبرتك انو في ناس بتحبك وبيهتمو فيك، ومحبتون الك هيي يلي بتعطيك القوة لتتغلب على قساوة الغربة وتحقق الهدف الي اتغربت مشانو.. هابي بيرث داي |
اقتباس:
:cry: .. إي هيك بيصير معنـــــا .. ( بس غالباً ترى عندي بتطلع كزابــــة يعدمني إياهــــــا ) كلـ سنة و أنت بألف خير .. و ترجع سالم عبلدك .. :D . |
كل عام وانت بخير ... :D
|
ينعاد عليك وعقبال المية سنة:D
|
له له له...هيك بمر عيد ميلادك وانت لحالك؟؟؟؟؟؟؟؟؟؟؟:cry:
لك كل عام وانت بمليون خير يارب وعقبال الميه وطحشة:lol: |
ينعاد عليك ابو نجبو و عقبال ال 200 سنة يا رب
و نشالله بتحقق كلشي بتتمناه بحياتك .gif) |
كل سنة وانت سالم
يعني جد جد حسستني بالزنب ابو نجبو شو ما كان في غربة المهم هالغربة ما تسكن ارواحنا لانو ساعتها ما رح نحسن حتى نضوي هالشمعة ونحتفل بحالنا,,,, بتهون وكل سنة وانت بخير والعمر كلو حب وسعادة وهنا |
أبو نجبو
وين ما كنت غربة , بس الغربة عن الوطن كل يوم بدهر , كل يوم الصبح , لما بيطلع الضو علينا ومنفتح عيونّا لازم نقول لحالنا كل عام وأنت بخير لأن اليوم بسنة , وكلنا فناجينّا مكسورة و وقهوتنا مقهورة , وما عنّا حبيب وبمناسبة عيد ميلادك ,بحييك وبيهديك غنية أميمة خليل , دارت القهوة ..وعمين بدها تدور , دارت عليي وفنجاني مكسور أيه ياحبيب فنجانك متل فنجاني .........مكسور , وبتمنّالك بالسنة الجديدة يصير عندك فنجان مو مكسور وتشرب قهوة مع الأحبة فيه |
لك كل عام وانت بألف خير ابو نجبو:gem:...حقك علينا يا سيدو :oops:
ان شاء الله العيد الجايي بتكون ببلدك يا رب :D |
بما انك شعرت بالوحدة فأنت لست وحدك الوحدة صديقتك اتمنى ان تجد صديق يعوضك عن مئة صديق لا تنسى تسجيل ايامك في مذكرات كل عام وانت بخير |
| الساعة بإيدك هلق يا سيدي 01:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون