ألغاز أخوية (2). <قواطع يابا قواطع!>
 

سلام لكلّ جهابذة الرياضيات [إناثاً وذكوراً]
هاتو ورقة وقلم وخلونا نحلّ هالحزّيرة سوا...
قبل كلشي لا تنسو انكن تشغّلو قاطع المخمخة لتسهيل الوصول إلى الحلّ، هادا بيكون مطرحو مختلف عند كل شخص.. أنا ماعندي ياه لأنو محسوبكن أحد منتجات النسخة المحدّثة من البشر(اسألو أبو طوني عنها) بهالنسخة صايرة شغلة المخمخة توماتيكي توماتيكي... اي والله :hashish:
====================

يالله بلشنا:


بداخل ممرّ طويل في 100 قاطع كهربائي (on/off). وفي 100 شخص بيمرقو عبر الممرّ وبينزلو طحش وتكبيس بهالقواطع على أونّنّنّنّ على أوفّفّفّفّ..... وهكذا.
وطبعاً كل شخص الو مراق مختلف بالتكبيس:

وضعيّة كلّ القواطع بتكون بالبداية off
أول شخص بيكبس كلّ القواطع، يعني من 1 إلى 100
تاني شخص بيكبس كلّ القواطع يلي بتقبل القسمة على 2، [2 ، 4 ، 6 ...... 100]
تالت شخص بيكبس كلّ القواطع يلي بتقبل القسمة على 3، [3 ، 6 ، 9 ......99]
رابع شخص بيكبس كلّ القواطع يلي بتقبل القسمة على 4، [ 4 ، 8 ، 16.... 100]
....
....
وبقيّة الأشخاص رح يتابعو على نفس المبدأ
.....
....
وأخيراً
الشخص رقم 100 بيكبس القواطع يلي بتقبل القسمة على 100 [ مافي غير قاطع واحد أصلاً:hashish:]

المطلوب بعد هالتخبيص:
معرفة وضعيّة كل قاطع :o ..شو هيي القواطع يلي بتكون بوضعية on وشو هيي القواطع يلي بتكون بوضعية off؟ :humm:

والمفاجأة الكبرى طبعاً هيي أنو يلي بيحلّ اللغز رح خبرو بشو موصولين هالقواطع :p
وياريت يكون تقديم الحلّ على النحو التالي حصراً:
- ذكر أرقام القواطع يلي بتكون on أو يلي بتكون off
- شرح طريقة الحلّ
التخمين ممنوع

============
طبعاً بما أنو اللغز الأول صرلو 4 شهور وما حدا قدر يحلّو:nono:، قررنا نحط هاللغز الجديد..
ويلي شايف أنو هاللغز تافه وسخيف :sly: بيقدر يدوس هون:
دوس هون لقلك
دوس دوس!

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

ايه بدا مخمخة ..........:sick:
اول شي بدي روح استذكر جدول الضرب :p

منرجعلا...تسجيل متابعة:D

جاري حل وضع القواطع

والله بدو سهرة طويلة ... برضو تسجيل متابعة مع محاولة لحلو ...:gem:

يا زلمة ما لحنا نستفيد من ابوشن المخمخة
من وانا عما اقرا السؤال عرفت الحل

ما بدي نزل الحل هلق حتى الشبيبة شوي تشغل عقلها .. يعني ما بدي انزع اللعبة عليكم
ومشان ما حدا يحسبني ما بعرف الحل
سألوني على اي قاطع وانا بحددلكم اذا كان اون او اوفف :ss:

على فكرة ام السوس .. بيلزمك كتير جدول الضرب .. لهي المسألة بالذات ;)

99 اوف 1 اون

شووو؟؟

عفوا عفوا 25 اون و75 اوف

75 اوف و25 اون
1-الكل اون
2-50 اوف و 50 اون

3- 33 قاطع بينكبسوا 17 للأوف و16 للأون يعني بزيدوا الاوف واحد بصيروا 51

4-24 قاطع بينكبسوا وكلن للأوف وبصيروا الاوف 75 والباقي 25اون
3-

قواطع اللي On هنن عالشكل التالي : 12

أرقامهن :1-4-9-16-25-36-54-64-81-96-98-100

وباقي ما تبقى Off

ودمتم... وهاتو غيرها

:ss:

ياسيدي شو بيعرفك يكون حلك الصح ليش ما يكون حلي الصح
أنا القواطع يلي طلعو معي لساتون شغالين هنن : 1,4,10,16,25,36,40,49,56,64,70,81,82,84,88,100

خيو اورهوي مشان ما تحسب حالك انك عملت شغلة عظيمة وجرجرت الشعب للكتابة هي بدي اتغالظ واتدبدب واحط الحل :larg:

القصة وما فيها انه القاطع على كل مرة بيمرق عدد عليه بيتغير من وضعه
لهيك منحلل العدد اللي بيرمز لكل قاطع حتى نعرف شو هنن عوامله الاولية .. بمعنى تاني نعرف كام مرة حيغير من وضعيته

اذا كان عدد عوامله عدد فردي معناها حيكون القاطع بحالة on
واذا طلع عدد عوامل الاولية او محلالات او قواسم شو ما كانت تكون التسمية .. عدد زوجي بكون القاطع بحالة off

رجاع اورهوي للغز الاول تبع ماهر وفادي
صار معي ارق ليلي وبدي حل القصة باسرع وقت ممكن :larg:

أبو طوني ما بيمشي الحال هيك
حاولت نفس الطريقة من الاول بس خود مثال
12 = 2*2*3*1 عدد العوامل الاولية 4 يعني تغير اربع مرات يعني اوف بس هو تغير اكتر من هيك يعني يلي غيروه الاشخاص (1.2.3.4.12) خمس اشخاص حتى لو ضفت العدد نفسه..
18=2*3*3*1 عدد العوامل 4 بس يلي غيروا المفتاح هنن (18.2.3.6.9.1)ست أشخاص
بس أنا بتوقع انو الحل عن طريق العوامل بس الو كمالة ما طلعت معي

عالهامش : خلينا على عد للخمسة واهدي وردة مو اريح :lol:

اللي حابب يعرف الحل .. الصح بما انو الشبيبة نزلت وكتبت .. فيكم تشوفو هون ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

نفس المسالة موجودة وحلها موجود تحت .. :D

ازا في حدا عندو سؤال عالحل .. ناطر

انو انا بعتلو لاورهوي الحل
وقلي انو قول كيف حليتو هون

اي انا غشيت شوي :oops:
كتبت برنامج بلغة C++ بحيث انو يطالعلي الارقام اللي بتكون شغالة وهيك صار
بس بعد ما طلعت عالارقام قلتلو لاورهوي بالرسالة
وبعد ما بعت الرسالة رجعت فكرت بالارقام طلعو معي انو هني مربعات الاعداد من 1- 10
وبعدها كمان فكرت اكتر (يا لطيف شو فكرت بهالمسالة) وطلع معي نفس الحل تبع يمان انو اذا بيكون عدد القواسم عدد فردي بيكون شاغل اذا كان زوجي بيكون مطفي

وهيك :D

اب الهن .. عبقري مو بأيدك :p

بدنا شي جديد اورهوي وينو ..