هل عشت قبل هذا الزمان؟التقمص بالارواح
 

يقول الدكتور هابارد وهو طبيب نفسي امريكي ان الروح تنتقل عبر الاجساد...وهو ما يطلق عليه الايتان......وهو اتحاد الروح مع الجسد......يعني ان الروح تنتقل من جسد انسان مات في هذه اللحظة الى مولود ولد في اللحظة نفسها.......ومنقول عن ارسطو اعتناقه هذه الفكرة كونه يعتبر الجسد هو الشكل العام الذي يبلى بعد الموت... اما الروح تبقى حتى نهاية العالم تنتقل من جسد الى جسد...وكان الفراعنة يستخدمون التحنيط للحفاظ على الهيكل الخارجي من البلاء ...كون الروح تبقى في هذا العالم.........اما الدين المعلوم ...ان كل الاديان السماوية......تؤمن بقدرة الله على اي شيء (ولو شاء الله فعل)....ولكن سؤالي ....اصدقائي الاحباء انتظر ردودكم وانا متلهف لسماع ارائكم حول:1-هل تعتقد ان الارواح تعيش اكثر من زمن
2-هل تعتقد فيما لو كنت مقتنع بان الارواح تنتقل عبر الازمنة...ان الله عاجز عن خلق ارواح اخرى ليجدد الارواح نفسها.....ام ان الله له يريد الحكمة التي من الممكن ان نخلص لها من الحياة بعد الموت
3-وهل تعتقد فيما لو لم تقتنع بان الارواح تنتقل عبر الازمنة....بان الله لا يعاقب الروح على ما فعلته الاجساد ولا يوجد اي مغزى للموضوع
4-ام انك حيادي تقول بينك ان الله على كل شيء قدير ولو شاء فعل ...ولكني لم ارى في عيني
احبــــــــــــــــــــــ ــــــــــــــــــــــكم انتظر ردودكم

التقمص
 

ان الله ارحم من ان لا يعطي الفرص للرحمة
انا اومن بالتقمص ونفهمها هكذا:
ان الروح هي التي تقود الانسان للخير وهي تعمل على كمال صاحبها اماالجسد فهو يسعى لاشباع رغباته فإما تتغلب الروح واما الجسد فياخذها لاهوائه ومن كمال رحمة الله عليها ان يعطيها الفرص المتكررة من اجل كمالها بالايمان
واما قدرة الله فهي بمشيئته وهي كاملة واكبر من ان تستوعبها عقولنا

والله يا صاحبي انت اسأت أختيار المكان لطرح هيك موضوع
هون تلات ارباع العالم لا بتعرف الله و لا بتريد تتعرف عليه
100:D

انا مع هذا الرأي:D

لاتهدي من احببت ان الله يهدي من يشاء
 

بس ممكن سؤال انت داخل قلوب الناس لتعرف ان كانوا مؤمنين او لا؟
او لا يعرفون الله او لا يريدون معرفته؟
او اخذت دور الديان لتحكم من منا مؤمن وتدخله الجنة واما الكافر فتذيقه عذاب النار جزاء ما اقترفت يداه؟
الجواب برسم صاحب التعليق المقتبس

سؤال
 

اي رأي صاحب المشاركة اعطى اربع آراء اي واحد انت معو؟؟؟؟؟؟؟

انا مع الراي الرابع يللي اقتبستو في مشاركتي السابقة
اسف بس يبدو عندك مشكلة انو الاقتباس مو مبين معك:D:D

ايوا !!

هلئ انو مثلا خلينا نفرض التقمص صحيح يعني الروح بتم طيب شو منشان من شي مارح قول مية الف من شي الف وخمسيمة سنة خلينا نقول انو كان عدد سكان العالم شي مليار

طيب يعني في مليار روح مو ؟

اي وشلون يعني ازا فرضنا التقمص صحيح من وين عم تجي الرواح لبقية العالم حاليا يلي حوالي ال 5 مليار ونص وكمشة ؟

لربما هالارواح عم تتكاثر قبل التقمص:o

طالما عم يتكاثرو هاد يؤدي انو ماناقصون شي وعندون عالم خاص و حياة خاصة وما الى هنالك

ف انو ازا عم يتكاثرو وعندون هي الئصص كلا ف انو ليش لكن في عنا روح !! شو بدون فيا وئتا !!

رد
 

طالما عم يتكاثرو هاد يؤدي انو ماناقصون شي وعندون عالم خاص و حياة خاصة وما الى هنالك


ف انو ازا عم يتكاثرو وعندون هي الئصص كلا ف انو ليش لكن في عنا روح !! شو بدون فيا وئتا !!

اخي العزيز انا عندما اخترت هذا الموضوع اخترته بعناية فائقة ووضعت الاجابة برسم قناعاتكم هدفي من هذا المقال تسليط الضوء على افكار موجودة بمجتمعاتنا لا يمكن نكرانها ....وتقصدت ببداية مقالتي انا ابين الوجه والوجه الاخر ...عندما ذكرت ارسطو وتحدثت عن التتحام الروح مع الجسد...كما تحدثت ان الله قادر ان يفعل ما يشاء ...وسررت بمعرفة رايك ولكن ليس لدي جهاز احصائي لاعلم كم كان عدد سكان العالم في قديم العصور فانا لم اكن موجود واعتقد ايضا انك لم تكن موجود...ربما كان العدد اكبر من هذا ...اشكرك على اضاة ردك واتمنى منك دوام التواصل مع افكارنا ...ومشاركتنا بمزيد من المواضيع كي نتشارك معك في فكر ...نتمنى ان نوحده...

اي او لا ..........
بس لا احد يدري الا رب العالمين .........

طيب ع راسي



مشان بس تعرف انا شو فكري بالنسبة لهل قصة

لا ما بعتقد هل شي لان ما زابطة فرضا انو تكون مثلا روحي بزمن انو تكون فيه روح شخص قاتل مثلا او روح شخص حجي متدين يعني وانا لا من هدول ولا من هدول

او مثلا لسا ما شفنا نابليون تاني هتلر تاني هاد ازا كانت الروح هية اللي بتحدد سلوك الإنسان إنسانيا

من ردي الأول معروف رأيي بهل بند

بالنسبة للعقاب ازا كانت الأرواح هية نفسا وهالشي رافضو انا ف ما معقول روح وحدة تتحاسب عن اعمال 400 او 10000 شخص
اما ازا الروح بتروح مع زوال الجسد ف انو التنين رح يتحاسبو ما !


طيب مثلا الله خلق عد من الأرواح يلي عم تروح وتجي بين الاجساد ما خلق غيرا للاجساد الجديدة ؟ يعني ما عاد يقدر ما بعتقد هالرب يلي خلق هلأرواح عجز يخلق غيرا وغيرا وغيرا ما !!






هممم

أكيد انا ما كنت موجود وقتا :p

طيب ما نبعد كتير ما رح قلك أوربا بالقرن الرابع عشر والخامس عشر ولا رح قلك الطاعون وهيك

رح قلك من شي مدري قدي لما كان في اول كم كائن بشري يلي هني متعارف عليون آدم و حوى وولادون

ازا قلنا 10 رواح كان في ف انو كيف زادو وصارو بعدين 20 بعدين 200 وهلم جر

هون محور الموضوع برايي هاد الحكي الصحيح يعني كيف بدو يصير تقمص ارواح

[quote=mhsen77;1164468]بس ممكن سؤال انت داخل قلوب الناس لتعرف ان كانوا مؤمنين او لا؟
او لا يعرفون الله او لا يريدون معرفته؟
مو القضية انو داخل بقلوب الناس ..بس اذا بتلاحظ و بتراجع مواضيع المنتدى بتلاقي الكثير و الكثير من المواضيع المشابهة واللي بالنهاية بتنحرف عن سياق النقاش و بتدخل في نفق المهاترات و الرد و التطاول و بالنهاية بيتحول لحوار عقيم لافائدة منو ( يعني منبدا بتقمص الارواح و مننتهي الله أعلم وين)فليش نفتح هالباب على حالنا!!
100:D

استغفر الله شو هالحكي :pos:

حيادي , ان الله على كل شيء قدير ولو شاء فعل ...ولكني لم ارى في عيني

أنا لا أؤمن بالتقمص للأسباب يلي حكاها abu guzef
وكمان أنو ما إلو دليل ..يعني ما فيي أتخيل فكرة معينة هيك وأبني عليها قصص...هاد رأيي ;)
شكرا للموضوع