|
روح لعاب احسنلك (-:
اول لعبة من العاب الغرفة المغلقة :
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - باللعبة هون لازم تلاقي المواد و الادوات اللي بتساعدك على الخروج من هالغرفة المغلقة . وهون كل واحد بيسجل وين وصل باللعبة و شو لاقى و كيف لاقى حتى يساعد رفقاتو ع الخروج كمان . :D:D:D |
هلق ما بعرف اذا في حدا جرب يلعب فيها او لأ ....
المهم أنا رح اشرح شوي اللعبة . أول ما منكبس ع الرابط بيصير تحميل اللعبة و لوقت ما تتحمل بيطلعلكون اعلان ( بظن انو متعودين ع شغلت الأعلانات ).المهم هي خمس ثواني و بتطلعلكون شاشة بدأ اللعب . منضغط ع PLAY و منبلش لعب . الغرفة فيها : باب - خزنة صغيرة بدرفتين - و اصيص ورد ع الرف -تخت - لوحة - خزانة - شباك و اصيص ورد تاني - كناباية - طاولة و عليها اصيص ورد . و بهالعفش كلو مخفي خمس أدوات لخمس مربعات موجودة بأسفل الشاشة رح تساعدنا ع فتح باب الغرفة . أول شغلة لقينها هي الوردة التانية بأصيص الورد اللي جنب الشباك .:lol: |
ع الطربيزة في اصيص ورد. كل مابنقرو مابتحرك غير ع اليمين و ع اليسار .:?
بدي افهم قصتو لهل الاصيص ما عم افهمو .:pos: |
بعد ما تاخد الوردة السودا هي اللي بالمزهرية .. روح عند الكرسي .. وكبيس عليه من تحت .. بتاخد مفتاح فضي :adal:
|
شغلتها ناكتة ..
بعد ما تاخد المفتاح الفضي .. بتروح عالدرج المقفول التحتاني اللي جنب الباب الي لازم تطلع منو .. بتاخد من الدرج بطارية .. روح عند التخت بالبطارية كبيس عالجنب اليسار تبع التخت ( عند الخط الاخضر الافقي تبع التخت ) خليك عمتكبس ليلزق بالخزانة . رجاع خود الوردة .. وكبيس عضهر الخزانة.... بتاخد مفتاح تاني ... فتاح الخزانة فيه ..... بتلاقي بيت صغير ... كبيس عالجنب اليمين للبيت ... .بيعطيك مربع صغير .. حط فيه البطارية اللي اخدتو من الدرج الصغير. بعدين كبيس Back بترجع عند واجهة البيت الصغير .. كبيس عالدويرة الرمادية .... بيحطلك 4 ارقام ... بعد محاولات عديدة اكتشفنا انو الرقم هوي 3568 هلئ لشو بيرمزو هدول 3= ل ال 3 وردات الي بالمزهرية الصغيرة الي جنب الباب لي بتطلع منو 5 = 5 وردات اللي باللوحة 6 = الوردات ال6 السود ( 5 موجود + الوردة الي اخدتها انت ) 8 = عدد الورقات اللي بالوردة الي ما عرفت شو بتعمل لما تروح يمين ويسار :lol: هات غيرها :gem: |
و الله عفارم عليك يا ابو حميد .:gem:
كان هاني ضاهر من محبي لعب الغرفة المغلقة . بس ماني عرفان وينو .:? جاييك بوحدة جديدة جهز حالك ....:larg: |
اقتباس:
يلا ناطرين :adal: |
اقتباس:
|
لعبة رفم 2
خلينا نبليش ;)
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
و الله مو سهلة باينتا يا ابو حميد .:cry:
1- لقيت قطعة بلاستيك بالسطل.لنشوف لشو رح تلزمنا .:larg: |
2 -Glass beaker :larg:
|
3 - Lighter out of gaz لقيتها بالمكتبة .
4 - Tripod 5 - Broken key شو هالتجميعة ماني فهمان .؟؟؟؟ |
تحت طاوله المكتب من عالطرف اليسار بتلاقي شغله ما عرفت شو هيه
ناح المكتبه تحت الساعه في فتحه غاز بتحط الشغله يلي ما عرفتها شو هيه فيه وبتشعل نار بالقداحه بتط الطاوله وبتحط فوقها الكاسه وبتحط جوا الكاسه قطعه البلاستيك بعدين ما بعرف |
الوحه يلي مكتوب عليها a2 بتكبس عليها بتفتح ,, في مجموعه زرار
|
خلصتها ,,,
:o |
مافي أصعب من هاللعبة لهلأ مافهمت شو لازم ساوي
|
لازم تجمع ادوات وغراض من الغرفه ,, تستخدمهون لحتى تقدر تهرب
|
يازلمي كيف خلصتها :shock:
طيب كنت شرحلنا :jakoush: |
| الساعة بإيدك هلق يا سيدي 06:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
