|
قرفبيديا!
القرف مصطلح يستخدم عندما يشتد كرهنا لشيء معين لدرجة اننا لا نطيق حتى رؤيته أو السماع به.
يمكن كلكن بتعرفو (ويكيبيديا) الموسوعة الحرة وعندكن فكرة عن (سوفت بيديا ) موسوعة البرامج وغيرا من البيديات بس ما حدا سمعان بال (قرف بيديا) اي معكن حق هي موسوعة عن القرف والاشمئزاز حابب انشاها بس بدي مساعدتكن . و بتوقع تكون أكبر من الويكيبيديا والسوفت بيديا وغيرها من الموسوعات اي ليش لا وحياتنا على الصعيد الاجتماعي والسياسي والاقتصادي وع كافة الاصعدة من أتفه تفاصيلها الى أعظم أحداثها تعج بالقرف نحاول أن نجملها أو نراها بعين جميلة لكنها تظل مقرفة وفيها مواقف مقذذة للنفس . اليوم على سبيل المثال لا الحصر تعرضت لهالمقرفات : انا وعم اقرأ بالجريدة بأول صفحة بالأخبار السياسية مكتوب "أوروبا تذكر اسرائيل بأن تدمير منازل الفلسطينيين غير شرعي " وبالصفحة التانية مكتوب خبر بالخط العريض: " اللجنة البرلمانية الاسرائيلية ل "إزالة حق العودة " تعقد مؤتمرا مع أنصارها في أوروبا " يا للقرف. مزقت الجريدة وقلنا لنشوف التلفزيون أول قناة كانت حاطة برنامج عن السحر واستحضار الجان ,غيرت القناة ولا طالع برنامج شيق عن أسباب عزاب القبر والطريق للخلاص منه ورحلة ما بعد الموت . يا للقرف قلنا أحسن شي نجي نفتح هالانترنت رحت اشتريت بطاقة نسيت شو اسمها عن كتر ما في اسماء البركة ما استنفذو كل الاسماء العربية وغير العربية ولذقوها عالبطاقات وبعد شي ستمية محاولة فات وطلعت السرعة 28 كيلو بايت /الثانية ويا للقرف و و و الحديث عن القرف يطول هلا كل واحد من شو قرفان بحياتو فيه يكتب هون منشان تطلع الموسوعة مقرفة كتير وحلوة بنفس الوقت سلامات |
بقرف من اللي بقرّفوا...
|
في مجال نعمل ... فرحبيديا ... بتوقع بتفيدنا اكتر ... ؟
|
اقتباس:
|
اقتباس:
|
اليوم استجد معي شو ية قرف :
وصلتني رسالة من شركة الموبايل فحواها : عزيزي المشترك اربح 5 دقائق خليوية محلية مجانية عند استهلاكك 450 وحدة بالمكالمات من15\11\2008 الى 14\12\2008 ارسل الرمز *190# للاشتراك بالخدمة مجانا . يا للقرف |
اقتباس:
ليش الكذب يعني؟؟ |
انا : إنت شيوعي ؟
هو : إي أنا : طيب شو منظورك للتاريخ هو : المنظور الطبقي المتمسك بالمادية التاريخية والديكالكتيك.. انا : يا سلام طيب شو رؤيتك للصراع هو : رؤية طبقية انا : يا سلام طيب يا إبن الحرام بإعتبار منظورك طبقي ورؤيتك طبقية والديالكتيك منهجك . ليش متحالف مع هالناس ما هيدول عبارة عن تحالف قوى برجوازية تعمل لأجل الحفاظ على نفسها ولأجل تعزيز الفارق الطبقي هو : ما لحنا لازم نطيح بالنظام إي يلعن اختك ع أخت النظام ويا للقرف تحياتي الحارة ظل جيفارا |
الحالة النفسية:
قرف مع مزاج مقرف مختلفط بكثير من القرف العربي والقرف العالمي الاخبار مقرفة الطريق مقرف التلفزبون مقرف والعيشة مقرفة ما بعرف شو اللي مو مقرف يمكن الحق علينا |
لاتصدّر قرفك ...والله مو ناقصنا:cry::cry:
|
اناااااااااااااااااا معك
|
اقتباس:
|
اقتباس:
المشكلة بكلشي بكل البنيان بالشباب اللي حابب يعرف بس ممنوع بالشب اللي ما عنده مشكلة بالممنوع بس ما عم يلاقي مين يقله بالقرف بالحياة المادية اللي منعت الناس من المعرفة من انظمة الملكية اللي بتقيم المعرفة لضارة ونافعة شو بدك اكتر من هيك قرف تحياتي الحارة ظل جيفارا |
سؤال عالسريع
رتب بطاقات الانترنت التالية حسب الأسرع ترتيبا تصاعديا ez1 - sawa - aya - aloola - xetra - inet - speed net - zad net - عالماشي - 24net -runnet - meganet الجائزة :اشتراك مجاني بموسوعة قرفبيديا لمدة سنة |
| الساعة بإيدك هلق يا سيدي 10:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون