شو هو إحساسك لما تضيق خلاقك وتشتاق لحدا تحكي معه..وما تلاقي؟!؟
 

السلام عليكم..كيف الجميع..ان شاءالله مو متلي..
في أحيان الواحد بيحس فيها كإن حدا خانقه..ما بيكون طايق شي وبيكون تعبان كتير متضايق زهقان مزعوج طالع جنونه بدو يبكي جواته نار قلبه عم ينعصر وفي بعض الناس بيكون بدها حدا بجنبها بهالأحيان ترمي عليه حمولها وتحكيله وتفضفضله وتشرحله وتبكي علي صدره وتمسك إيده وتحس بدفاها وإنو جنبها وحاسس فيها سواء رفيقه أو قريبه أو أم أو أخت أو حبيب أو حبيب بس بيكون بدن هالشخص بهالوقت و ما بيلاقوه..إنت إذا كنت من هالنوع من البشر وما لقيت حدا بجنبك وإنت كتير متضايق شو رح تعمل؟ناطره ردودكن يمكن استفيد لانو انا خلص تعبت والله العظيم تعبت فيالله بدي شوف مجهودكن..الله يخليكن..
وإذا الموضوع مكرر إحذفوه



أنا بشكرك إنت مخصوص دونا عن الكل لإنك دخلت وقرأت ورح ترد ..عن جد شكرا كتير.

اي معك حق وأنا بعمل هيك وبقرأ قرآن دائما وبرتاح كتير بس أنا بيكون بدي إحكي إحكي ي ي ي ي ي وأطلع صوتي المخنوق وفش خلاقي وحدا يسمع حكيي و يقنعني بحكيه..بس عموما إنتي صح الصح وكل حكيك جميل..الله يكرمك..شكرا إلك كتير كتير

سلامي ليكي اختي بتعرفي انو مو انت الوحيدة الي بتمر بهيك ظروف
ةاللي ماعتدو حظ ما يصير معو هالشيء الا وهو لحالو وهو بعيد عن الناس اللي يقدرو يساعدوه
صار ومريت باللي تمري بيه ولفترة طويلة كتيير وما كان الي حدا حتى صديقاتي في منهم اللي بعيد ومستحيل التقى بيها وفي اللي بتحب تشكي وتفرغ قلبها ولما انتي تكلميها تحسي بالبرود
المهم الطريقة اذا قدرتي اكتبي وفرغي قلبك على الورق
واذا انتي مجنونة متلي تخيلي انك بتكلمي اعز شخص عليكي ان كان موجود وان ما في تخيلي انو موجود واحكيلو احكي كل شيء وابكي البكاء بيفك الضغط بس لا تطولي هيك بس تحسي شحنة الزعل خفت حطيلك غنية خفيفة وارقصي او اعملي رياضة وقبل ما تنامي اذا اقري قران او اسمعيلو وخبريني شو يصير معك
هيا اكيد ازمة وتعدي
الله معك وما يتخلى عنك وما يمتحن غير الناس اللي يحبهم

انظري بعينيكي وارحمي بقلبك
 

لا بد في بداية الحديث الشكر الجزيل لكل ما ساهم بهذا المنتدى .................. امابعد:اثار اهتمامي موضوعك ..لذلك اثرت الرد على قرات كتاب (الملل يخرب العقول)واحببت ان يكون مقالي اليك ليس من وجهة نظري وانما مما قراته من هذا الكتاب ....... عزيزتي يقول الكتاب في احدى صفحاته:(الانسان هو عبارة عن كتلة مهيئة للانفعال باي نوع من العواطف والمشاعر..ومجهزة للتعاطي مع الموقف حسب نوع الحالة)....يعني كما فهمت من الكتاب ان الملل على سبيل المثال وهو حالة انسانية ممكن ان توصل الانسان مع التقادم الى الياس ان لم يستطع ان يزيل الاسباب التي دفعت بشخصه الى الملل...وكما يقول ابائنا واجدادنا ..... الانسان طبيب نفسه..وكما يقول الاطباء ......كلام المريض عن مرضه نصف العلاج.....لذلك اتمنى منكي كونك تعتبريننا نحن اصدقائك وشركائك في هذا المنتدى ...اطلاعنا على اسباب التي دفعت الملل باتجاهك...لسببين...الاول ان يكون جوابا مبنيا على معطيات السبب يعني المشكلة التي ادت للملل....والثاني الاستفادة جميعا يعني نحن وانتي من هذه التجربة ولكي مني جزيل الشكر

ok ok i'm with u..but in our life we need alot..if we don't take what we need..sure,we'll breakdown.We can't live alone..we can'..we can't..thx

وإلك كمان..والله العظيم أنا بعرف إنو كل العالم عم يمر بهيك حاله بس أنا ما اشتكيت لحدا لإنو كل إناء ينضح بما فيه يعني كل واحد فيه اللي بيكفيه..أنا بس طلبت أعرف منكن شو بتعملو وقت تكونو بهيك حاله مشان اعمل متلكن يمكن اطلع منها..وأنا من الناس معدومي الحظ طول عمري والله بس أنا أصلا ما عندي حدا يساعدني لانو الشخصيه الوحيده اللي كانت بتريحني خلص زهقت مني وكرهتني ومابعرف لوين راحت بس معها حق أنا دائما غلطانه..إدعولي الله يهون علي..فعلا أنا بكتب ع الورق بس أحيانا بيكون الشي اللي تاعبني أكبر من أي ورق وفعلا أنا أم المجانين عم بتخيل هالشخصيه معي وبضل احكي وابكي بس هاد بيعقدها أكتر لانو بشتاقلها وبتذكر وقت كانت معي و وقت كنت احكي وارتاااااح..وبزعل أكتر وبتضايق أكتر.عم بسمع وبقرا قرآن بس بعد ما بخلص وبنام بفيق الصبح حاسه في شي طابق علي نفسي وبتذكر مره تانيه ولما بنزل الشارع بلاقي عيوني تتدفق بدفء لوحدها..بجرب موضوع الأغاني والرياضه وان شالله بيجيب مفعول..شكرا لإلك كتير

مرحبا..ياسيدي أنت كلامك جواهر فعلا وكل حرف عم تحكيه منطقي تماما بس كل هاد خارج الموضوع لإنو أنا ما عندي ملل..أنا متضايقه تعبانه مخنوقه محبوس نفسي حزنانه حاسه حالي رح موت هلأ هلأ من كبر الجبل اللي فوقي ماني حسنانه نام ولا ادرس ولا اطلع ع الشارع ولا أي شي أبدا وحتي المي ما عم تنبلع معي..أنا تجربتي ما بتفيد بل علي العكس..مشان هيك ما بحب ازعج حدا فيها لانها تجربه الها بدايه ما إلها نهايه..شكرا الك كتير عن جد حكيك أفادني كتير ورح احتفظ فيه واتعلمه واستخدمه كمان..عن جد شكرا

مابعرف شو بصير احكي
بكتبلو وبكتبلو وجد احيانا ما بعرف شو بكتبلو
وبيحكيني وما بعرف شو بقلو
وبس روق وبتذكر شو حكيت وشو كتبت بضحك
منيح انو متحملني بس هو بيعرف انو من شوقي الو فقدت عقلي

اي منيح والله..الله يهنيكن يارب..بس انا ما عندي واحد متلو..قليلي من وين بتشتروهن لحتي روح اشتري واحد..شكرا لإلك ع المرور والرد

اختى العزيزة
انا كتير بمر بمثل حالتك
وللاسف مش بلاقى حد اشكيلو او مش بلاقى حدا ممكن يفهمنى
الى بعملو انى بكتب كل احاسيسى والى مدايقنى اكنى بحكى وبفضفضى بالى فى قلبى
وبصراحة اوقات كتير بقوم اعزل البيت كلو بس علشان مفكرش فى الى مديقنى
واوقات ببكى
بس الحمد لله اول ما بهدا بقراء قرأن وبنسى كل شئ
وبعدين بحاول اغير جو اسمع اغنية خفيفة اتابع فيلم او مسلسل كوميدى حتى لو كنت متابعة اكثر من مرة بس بحاول اضحك وبس

ههههههههههههههههههههههههه ههههههه
اصحكوا

بصراحه انا من النوع الي ما بحب انو يحكي اسراره لاي حدا حتى لخواتي

مشان هيك لما بتضيق اخلاقي وما بلاقي حدا احكي معو

بكتب كلشي مضايقني عورقه مشان انفس عن ضيقي وبرجع بحرقها وهيك برتاح