|
قنوات مذيعاتها راقصات
مرحبا اخواتي هلق صفنت صفنة صغيرة و هادا يلي طلع معي قنوات مذيعاتها راقصات يعني دارجة موضة محطات المسابقات يلي ما في منا لا اول و لا اخر و يلي بيحاول و بيستمر بالتفرج عليها لمدة عشر دئايئ الا ما يصير معو فالج او جلطة يعني معقول حزيرة مدينة حمراء اسوارها خضراء سكانها سود و مفتاحها من حديد؟! صرا 4 تيام و ما حدا حزرها أو حزيرة تانية شيئ كلما ذبحته بكيت عليه ؟؟!!!!!! يعني يا نسبة التخلف الخليجي ضارب للحد (لأنو اغلب المتصلين من دول الخليج ) يا اما عما يضحكو على حالون و علينا يعني الكنترول هوي يلي عم يدق و يعمل حالو متسابق هلق كلو كوم و المذيعات كوم تاني بس ما تعودنا على خدش عينا من قنوات المسابقات الرهيبة لإشباع غبائنا عطونا رئيكون بهالقنوات |
اقتباس:
اكيد من رايك يعني هي قنوات فرجه وبس لهيك مذيعات ويمكن اغلب المتصلين من الكنترول او متعاقدين مع الاذاعه بس في راقصه ( مذيعه) رهيبه بتطلع على سترايك انت شفتا ابو الزوز:o |
اذا صفنه صغيره وطلع معك هيك ....كيف ما تفكيرلك شي ساعه ...
نيالك ع هل المخ ..... هي قنوات لغسل المخ ..والتنبله ... |
قنوات استعراض بيشلحو العالم مصريها وما بيربحو حدا
|
كلو كوم ووقت اللي بغنوا كوم تاني :frown:
قرف:pos: |
والله كنترول والا مزيعة شي بيخلي الواحد يستفرغ يا زلمة
انا بكون بأمان الله عم قلب على هالقوات واذ بشي نشاز قلبا وقالبا وعم تتغنوج غنج شي هععععععععععععععع جد قرف وازا بدنا نتفرج عليهن صدقوني انو نقطة جديدة رح بنضيفها لبلادتنا الفكرية:D |
المتصلين كلن من الكنترول مفكريننا ما منفهم او اغبياء
اي باينة متل ضو الشمس ولا شو المذيعات يقطع عمرن ع هيك صوت صوتن بيوجع الراس بتفكرا عم تضرّخ ماعم تحكي ووقت تغني يا عيني ياعيني شغل ستار اكاديمي هاد اسمو تدني الاعلام :jakoush: يبليهن بئتلن ما اغلظن |
اقتباس:
لك شو وقت بيغنو ولي عليي .. بتطلع من صوتا الغنية خصوصا وهيي عم تترقوص .. متل شي وحدة حاطينا ببيت جوجاي .. وقاعدة عم تغني من جواتو .. ييييييييييييييييييييييييق رأينا .. قرف هاموش  .. يحرء امو هادا السمايلي هلكني وانا عم بكتب الرد بدي اعرف شو عم يتحرك فوقطلع هوي ..اي .. |
آه ياأبو وليم وآه من قولة آه الأوله سلام الله عليكم ودى أول مشاركة والثانية منتداكم من المنتديات المباركة اما الثالثة إطلالة القنوات إياها ممكن اللى بيتصل يكون متفق مسبقا معاهم أو يكون حابب يكتر الحكى معاهن ويشوف تأثير الكلام على حركات الأجسام ويشبع هوا فى نفسه لكن فكرة الغباء فى الرد غير وارده بالمره وربنا يكتر المصارى بس مانصرفها كده .
وتحياتى أخوكم msabri |
يعني نحنا شعوبنا ناقصها هبل وتخلف...مشان يعملوا هيك قنوات...:frown::frown: هي الثقافة منقرضة من الاول ...ليجوا هدول ويباعدوها عنا الف سن زيادة...:x لك يخرب بيوتهن سو شراشيح...:? سامحوني بس الموضوع اجى عالجرح...:cry: لا تشكيلي ببكيلك:cry: |
كنت أئلب بالقنوات وطلعت معي متل هاي القناه الي عم تحكو عنها وكان السؤال (اشي بتاكل منه وما بيتاكل)؟؟
وبعد أسبوع بالصدفه حطيت على نفس القناه ولقيت السؤال نفسه!!!! مو هون المشكله المشكله انه المتصلين بيعطو أحتمالات مستحيل تكون الاجابه الصحيحه فبالنهايه اكتشفت انه الكنترول هوه نفسه الي بيحكي وبغير صوته بالأتصال الي بعده وازا طولت الشغله وما حدا اتصل بجيبوا المخرج والمصور!!!! بالنسبه للمذيعات مو كل هل قد (مو وجه للتلفزيون اصلا) بالنهايه هاي القنوات أسخف منها ما في وببساطه شلتها من الدش كله:o... تحياتي:D |
مساء الخير ابو ويليم الغالي
يا زلمة ما عاد تصفن كتير بوجعك راسك جد لانه ما في شي بيستاهل المتابعة بهل القنوات مع اني انا ربك راحمني ما عندي امكانية شوف القنوات العربية ما عندي دش بس و حياتك وني زعلا ن اذا بهل الطريقة عم نئلد دول الغر ب تلفزيون الواقع بس اكيد بالغرب ما عندون الحظ الكاف ي ليسمعوا اجابات و فطحلات جهابذة الخليج تبعنا كلنا مابينسى كيف اح دالمهندسين الاماراتيين و اجابته الرهيبة بان عدد الحروب العالمية =3 :cry: |
بكــره الدش واللي إخترعو مشان هالقنوات والله ..
انو لهون وصلت السخرية والاستهزاء بالناس ـ:sick: |
عم يقلدوا بس ما يعرفوا كيف
طالعا معن مسخرة |
اهضم شي كلكن عم تسبو فيهن طيب ليش تحضروهن عم قنوات مفضلة وريحو راسكن من البياخة
يعنيي هنن ناس فاضية ... انتو شو؟ |
اقتباس:
وكمان يقطع عمرن على هيك مديعات و الله بيوجعو الراس من كتر ما بيحكو لا وكلو كوم و صوتن لما بيبلشو يغنو كوم تاني اي والله مافي اسخف من هيك قنوات |
انا لما بكون عم قلب بالتلفزيون وبوصل لعند هالقنوات او بالاحرى حسب ما شفت هني قناتين وحدة منون سترايك
بوقف بس لشوف الحزيرة الصعبة كتير لك بجد شي بيجنن والاحلى من هيك قال شو بيحكو الناس وبيجاوبو غلط لك اخ شعب فاضي ومعو مصاري كمان شي مقرف جدا والاقرف هالمذيعات فعلا شي بيعبر عن درجة انحطاط وسوقية لامتناهية بعالم المفروض يكون ارقى وسيلة لنشر الفكر والتحضر |
هاي القنوات الي بتحكي عنها من أهم الأسباب الي خلتني اترك التلفزيون لانو مو منطق أبدا نضل نسأل عن دولة عربية أولها ألف ولام وآخرها ألف ولام ووسطها ركن من أركان الاسلام ويتصل واحد ويجاوب اليمن:cry: :cry: صورة أخرى من صور الاستلاب للعقول في حال ضايل عقول .. ,, .. |
| الساعة بإيدك هلق يا سيدي 23:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
